Sa isang coffee shop na nagngangalang, "Puwet ko".....
Tumawag ang asawa ni Berto sa kanyang telepono.
Matilda: Berto! Asan ka na?!
Berto: Bakit?! Ano nanaman ba ang problema mo?!
Matilda: Aba! Tinatanong kita ng maayos. Asan ka nga?
Berto: Nasa "Puwet ko", nagkakape.
Matilda: Huwag mo akong niloloko-loko! Seryoso ako.
Berto: Seryoso din ako!
Matilda: Bahala ka nga! Basta! Sunduin mo na si Junjun sa eskwela. Maglalabasan na sila. Hindi kasi siya masusundo ng kuya niya. Nasa trabaho kasi.
Berto: Sige, sige. Aalis na ako.
Pagkatapos nila mag-usap ay galit na tumayo si Berto upang umalis. Sa kanyang paglalakad ay mayroon siyang nabunggong waiter. Natapunan nito ng kape si Berto.
Berto: Ano ba iyan!
Waiter: Sorry ho, Sir!
Berto: Umalis ka na nga lang.
At tuluyan na itong umalis. Naiwan na lamang nakatitig ang waiter sa kanya habang papalabas ito ng coffee shop.
