🌷🌷🌷🌷 الفصل الرابع 🌷🌷🌷🌷
مع اني زعلانه من التفاعل القليل بس محبتش اتاخر اكتر من كده ياريت بقي تفرحوني وتتفاعلوا معايا
وزي ماقولت الي مش هتعلق ع البارت ده هشيلها من الجروب وده مش تهديد انا مش عايزه اخلي حد من الي مش متابع
قراءه ممتعه
وقفنا عند زياد لما حسناء بهدلته ومشيت
خرج من الشركه وركب عربيته
لقي تليفونه بيرن.. بص لقي صاحبه امجد
زياد.. اهلا حبيبي
امجد.. ندل من يومك بقي كده تيجي بقالك كام يوم ومتعرفنيش
زياد والله مشغول ياعم اعمل ايه باجي لقضايا
امجد هههه طنط بارضو
زياد مفيش غيرها والله والي زاد وغطي عمي كمان
امجد لا ده الموضوع كبير تعالي بقي نحكي
زياد اوك ع بالليل تمام
امجد تمام اياك تتاخر
............
ف منزل زياد
والدته عامله عزومه لصاحبتها وبناتهم.. ها فاهمين ههههه
اول مازياد دخل عرف ع طول لانها احيانا بتعملها بالذات لما يرجع
زياد ايه ده يا امي
والدتة ايه ياحبيبي عامله بارتي انهارده
زياد باستغراب.. ايه بارتي ااااااه طب سلام
امه ع فين انت هتتعشي معانا انهارده
زياد كان طالع اوضته نزل ليها تاني.. اسمعي يا امي شغل العيال ده مبحبوش ميه مره اقولك انا مش هتجوز بالطريقه دي ليه مش عايزه تفهمي
امه بزعل انا مبفهمش الله يسامحك يا بني
زياد غصب عني والله متزعليش مني ياحبيبتي بس انا زهقت من كل شويه عروسه عروسه كده هتعقديني
امه نفسي افرح بيك ياحبيبي واشوف عيالك
خدها ع جنب
زياد تعالي بس كده
امه ف ايه
زياد عمي
امه ماله قالك ايه
حكالها كل حاجه حصلت من كلام عمه ليه انه يتجوز اروي وترجع تتفاجي انه جوزها
امه بصدمه.. ايييه وانت هتعمل كده
زياد لا طبعا دي بالنسبه ليا اختي مش اكتر وانا مبحبهاش
امه والحل.. وكمان عايزك تمسك الشغل
زياد انا مش هقدر اسيب الشغل ده حياتي وروحي
امه.... انت عارف انه تعبان وعشان كده عايزك تشيل عنه شويه
زياد ليه محدش عايز راحتي انا اعمل الي يحلالي
انا مش صغير يا امي
شغلي ده روحي وكل حياتي اسيبه ازاي
وكمان الست اروي هانم كل ليله ف حضن راجل يبقي اتجوزها ازاي
امه ايييييه.. وانت عرفت من اين
زياد انا مخلي حد يراقبها هناك.... مش عارف لما عمي يعرف ده ممكن يجراله حاجه
امه اوعي يازياد تقوله ده تعبان يا بني ليموت
زياد بعد الشر عليه
امه يبقي تتجوزها وخلاص
زياد وقلبي احطه تحت رجلي يعني
امه بص يابني... دي لحمك ودمك لو سبتها وعمك جراله حاجه الكل هيطمع فيها
زياد مش ذنبي
امه ياحبيبي انت ممكن تتفقوا انكوا مثلا تبقوا اخوات وانت تعيش حياتك وهي كمان
زياد نعممممم ازاي بقي تبقي مراتي وتنام ف حضن راجل تاني
امه لا طبعا.. طب متحاول تحبها دي عثل
زياد ماااااما
امه خلاص الي انت شايفه اعمله
زياد ايوه ومتعمليش حسابي ف الليله بتاعه بالليل دي انا رايح لاصحابي سلام
سابها وطلع فوق
امه ربنا يهديك يابني
...........
حسناء روحت بيتها
مش عارفه مالها تتبسط والا تزعل
تتبسط لانها كانت معجبه بيه من اول مره بس الي عمله خلاها تزعل اوي هو فاكرها ايه
طالما باسها يبقي شايفها سهله
قامت اتفززت بقي كده والله مانا سكتاله
بس هشوفه فين تاني انا معرفوش خالص
اسال شاكر بيه عليه.. لا لا بس انا معرفش اسمه حتي
يااااربي دماغي هتنفجر من التفكير
يارب طلعه من عقلي بقي
وقامت تغير
..........
بالليل
زياد خرج من فيلته بيستخبي
لان لو حد شافه هيمسك فيه
ركب عربيته وطلع ع المكان الي بيتجمع فيه اصحابه
