في قريه صغيره كان في بت اسمها زينب عايشه وسط اهلها ناس متعصبين شديد وكلمتهم واحده والعادات والتقاليد اهم حاجه عندهم وفي وسط الاسره دي كانت عايشه زينب بت وسط خمسه اولاد وتلاته بنات وهي اصغر وحده وجدها كان شيخ الحله م حادخل في تفاصيل خلينا نشججوف قصه زينب
#نبدا!!
أحمد:والله ي ابوي الولد ده م فيو كلام مأدب ومهذب انا بعرفو
شيخ عثمان:ااي لكن انت قلته كان متزوج
احمد: ااي ي ابووي متزوج لكن طلق المرا قعدت معاو 6شهور وبعدها طلقها لكن انا متٲكد العيب من المرا م منو انا واثق منو والله ي ابووي والله زول حاره ووقف معاي كتيير والله
شيخ عثمان:كان كدا خلاص انا موافق(طبعا احمد الولد الكبير لشيخ عثمان وهو بثق في قرارت ولدو شديد عشان كدا وفق طووالي)
احمد:خلاص ي ابوي هو جااي بكره مع ابوه عشان يتقدم لزينب
شيخ عثمان :انشاءالله يشرفو
احمد:مرق من عند ابوه(الو ااي ي محمد انا كلمته ابووي ووافق بعد ممكن تجو انت وابوك بكره عشان تتقدم ليها
محمد:طيب واختك موافقه
احمد:هوي ي محمد الشوره شورتنا نحنا م عندنا بت بناخد رايها
محمد:كيف يعني
احمد:لا كيف ولا م كيف نحنا موافقين يعني هي موافقه
يلا مع السلامه منتظرنكم بكره.
محمد:طيب
محمد مع نفسو:دي شنو الورطه الدخلتني فيها امي دي
اوووف
ساميه ام محمد:ميدو اها صحبك لسه م اداك خبر
محمد:اداني وقال نجيهم بكره انا وابوي
ساميه:😍جددد يعني بكره ح تسافرو سنار
محمد:ااي عن اذنك عندي شغل
ساميه:سمح ي ولدي الله يفتحها عليك ذي م رضيتني وبردته قلبي والحمدلله انا اخترته ليك بت رجال م ااي كلام
محمد:بنرفزه
ي امي دي قروويه عارفه يعني شنو يعني دي وحده متحلفه
ساميه:يعني شنو لو قرويه
لمن عرسته بت المدن استفدته شنو م في النهايه طلعت استغفر الله العظيم
يتبع......
