#عمرو
هو انا مهتم بيها كده ليه؟! حاسس اني عاوز اقول منها اكتر.. اول مره اجي اسكندريه وحاسس اني مش عاوز امشي عشان افضل جنبها واقدر اشوفها، انا، اصلا معرفش هي عايشه هنا ولا لا؟!
"الماتش فاضلو ساعتين وانت قاعد سرحااانن "لقيت الي بيزعق في وشي، شكرا يكابتن ع قطع الخلف ده
"يكابتن منا لسه مخلص تمرين ورمضان وحسين وسعد دخلو يجهزو اصلا وانا كنت بكلم امي " بصلي بخبث ومشي... هو انا مفضوح اوي كده بجد؟
"شكلك خره " لقيت رمضان طالع من.. معرفش طالع منين ده😂
"تفتكر هتحضر الماتش ياض " اعدت جمبو وهو بيلبس الكوتشي
"بص مش عارف اصل احنا منعرفش هي اهلاويه ولا زملكاويه ولا ملهاش في الكوره اصلا ..مسالتهاش ليه يعمرو عن كل ده بدل الحيره دي كلها " اه صح انا ليه مسالتهاش؟!
"مش عارف يرمضان.. احنا متكلمناش جملتين ع بعض اصلا، فضلنا اعدين ع البحر وساكتين بس انا كنت مبسوط حتي بسكوتها " منا لازم اتكلم بصراحه بقي
"ده واضح انك واقع اويي " غمزلي وسكت.. وانا قومت بدات اجهز وكنت هخرج النادي بره لقيت فوني بيرن وكانت، حياه؟
"الوو " مخدتش ثانيه تفكير ورديت
"ايه يبني انت قاعد ع الزرار😂😂" احم هوب هوب هوب
"لا ابدا بس الفون كان جمبي وكده.. عامله ايه؟ " سوال غبي
"تمام.. انا بره ع فكره وهتفرج ع الماتش " ازغرط؟ للاسف مركزغرتش بس رقصت والكابتن شافني وهزقني وفضل يقول ان كل ده بسبب البنت وكده.. وكل ده وحياه ع التليفون
"احم طب يحياه..... " سمعت ضحكتها
"روح روح لحسن حد تاني يحفل عليك " كفايه قصف بقي يجدعان مش كده😂😂..قفلت معاها وكنت بجهز وانا فرحان اويي هي هنا وهتشوفني بس انا مش هشوفها، بس يكفي انها موجوده .. بدانا الماتش وكنت بلعب بفرحه وكنت متحمس وفيا طاقه اني اكسب وفعلا كسبنا، دخلنا غيرنا هدومنا وبلف عشان اخرج لقيت حياه في وشي.. ايه الصدمه الحلوه دي😂😍
"مبروك يعم الجامد " لقيتها بتخبطني في كتفي وبتهزر
"الله يبارك فيكي تعالي اعرفك ع الفريق.. بس اما يطلعو ويغيرو " خدتها و وقفنا قدام النادي عند العربيات عشان يشوفونا
"سيب النعجه يخرووفف " لسه هتعصب واشتم لقيتو سعد... يحيواانن
"النعجه دي تبقي... " لقيت حد بيكتم بوقي وبيتكلم بصوت واطي في ودني
"البت قدامك يقذر " وكان رمضان
"احم حبيبي يسعد " قربت منو ودوست ع رجلة من غير ما حد ياخد بالو
"اعرفكم دي... " لقيت حسين بيقاطعني، كرامتي بقي يجدعان مش كدهه
"المزه،، احم اقصد... " لقيت حسين لسه هيكمل قاطعتو.. حقي بقي
أنت تقرأ
حياه
Romance" فوقي بقي انتي هتفضلي كده لحد امتي " كان متعصب وعروق رقبتو ظاهره وغضب الدنيا ع وشو... طبعا حبيبتو بتضيع من ايدو عشان المخدرات " انت ملكش دعوه بيا اصلا " دايما اما تحب البنت تتهرب تقول الجمله دي بس متعرفش ان دي اكتر جمله ممكن تكسر كبرياء اي راجل في...
