عمار _ السلام عليكم هاي شنو اليوم هنا..
ام اطياف _ وعليكم السلام... اي والله كلنا النغير جو ضوجة.
عمار _ اي والله ضوجة اشلونكم..
الكل _ الحمد الله
عمار _خالة محتاجين شي..
ام اطياف _ لا تسلم خالة انريدك سالم.
عمار_ يلة اخذو راحتكم اني رايح.. مع السلامة.
الكل _ الله وياك مع السلامة
اطياف _ راح عمار بقينة نفتر شوية وطلعنا من المول رحنا كعدنا مطعم لان امي متقبل نكعد بمال المول تكول دوخة طلبنا اكل اتعشينا ورجعنا للبيت.. اوي والله تعبت بس ونسة تستاهل
هاجر _ اي حلوة كون كل مرة نطلع هيج بس وين الا كلهة تروح ويانة
اطياف _ اي والله... اليوم هم تباتين.
هاجر _ مادري هسة اخابرة واشوف.
اطياف _ ها كون يقبل... منين تخابري على الرصيد لو من النت.
هاجر _ هسة اشوف بس اذا على الرصيد احسن... اووو ماعندي رصيد انوب حتى ترميشة ماكو
اطياف _ هاج اتصلي من عندي اني عندي هواي لان مستخدمة الا بضرورة
هاجر _ اي زين واني اكول اطياف اجت للدنيا ما منها فايدة بس ازعاج طلع عندج رصيد
اطياف _ بدت... ههههههه هاج يلة اخذي وخابري قبل لا اسحب عرضي
هاجر _ جيبي جيبي ام العروض.
اطياف _ خابرت هاجر زوجهة قبل تبات بقينة كاعدين كلنة للوحدة نتفرج على التلفزيون وبعدين كلمن راح لغغرفتة بقينة بس اني وهاجر كعدنة نحجي على المدرسة... اوف المرسة قربت لازم هسة تعاي روحي للسوق واشتري ملابس وساعة نفتر علمود نلكة شي يعجبني
هاجر _ اي والله انوب مو اي شي يعجبج..
اطياف _ اي... يلة الله كريم.. يلة تصبحين على خير... نعست.
هاجر _ اجمعين
فهد _ بقيت كاعد افكر ماعرف اريد اصارحها بس اشلون ماعرف... لكيت فكرة اني اعرف ابن عمها بصف الخامس اكتب رسالة واوديها بيده بس اخاف يفضحها لا اشوفة بل البداية بقيت افكر بلاخير نمت.
اطياف _ كعدت الصبح هوسة وجهال صياح عاد كمت مكدرت اكمل نومتي تريكت وشلت فراشي وكعدت بلهول اتفرج تلفزيون وشوية واجا بابا من الدوام... الله يساعدك بابا.
ابو اطياف _ هلو باباتي..
اطياف _ بقينا منتظرين اخوني يجون علمود نتغدة.. اجوي اخوني صبينا الغدة الكل كعد يتغدة خلصنا غدة وجاي وبقو بابا واخوني يباعون اخبار اني اساعد اختي تلم غراضها لان زوجها خابرها راح يجي ياخذها اجة دخل سلم على السريع وراح كال عندي شغل.... بعدين راح كلمن بغرفته اني بقيت بغرفتي اكلب بل الموبايل جان يدز عمار رسالة
