مريم:عايني ي بتي،،انتى عارفه ماف زول بيدوم لزول صح؟!..
ريان:اها😳
مريم:و الحياه دي اصلا بيد ربنا سبحانه و تعالى
ريان:امي ف شنو😳
مريم:..
عوض:(جا داخل سريع)ي ريان
ريان:اى ي ابوى😳
عوض:قومى أعملى لى شاى مصدع ي بتي
ريان:امى ف شنو؟!..
مريم:(سكتت مسافه)ماف شي بس قلتا أذكرك بالحاجه دى
عوض:ي بتي انتى عارفه أمك دراميه زياده
ريان:و الله ي امى بتبالغى وقفتى لى قلبي
عوض:قومى يلا طيب اعملى لينا شاي حسي😂
ريان:حاضر(و طلعتا)
عوض:اوعك تقولى ليها ي مريم
مريم:بس..
عوض:م بس،انتى عارفه بتك دى حساسه كيف م توريها شي...
مريم:طيب💔
ريان:(عملتا الشاي لأبوي بعدها دخلتا الغرفه و بقيت بفتش ح ألبس ايه بكره!طلعتا الدولاب كلو بره و برضو م عجبتني حاجه..تاني لاحظتا لفستاني الاسود💕هو فستان كده بسيط شديد شكلو زي العبايه و فيهو ف النص حزام كحلى كده💕طلعتو و طلعتا معاهو طرحه كحليه و أسبورت أسوود بالكحلى💕و بقيت قاعده ف السرير بفكر ف يوم بكره لمن أشوف مازن،بفكر فيهو و ف الممكن يحصل..لمن م نمتا💕)
تاني يوم صحيت من بدري و لبستا و عملتا لي كحل و مرطب و شويه بدره و طلعتا زي القمر😂تقريبا الفرحه كان ظاهره ف وشي لدرجه امي و ابوي علقوو..
مريم:جاك عريس؟!..
عوض:شكلها مبسوطه لانو بورتا فكت😂
ريان:كده ي ابوي😂كان م عرستا ليكم قبل البنات كلهم ف العيله م ابقا ريان
عوض:كدي خليهو يجي العريس اول😂اول و لا اخر دي هينه😂
مريم:على قولك اول و لا اخر هينه😂😂
ريان:😒😒😒غياظين
عوض:(قام من كرسيهو و باسني ف راسي)ربنا يحفظك و يغطيك محل م كنتى❤
ريان:ابوي انتا كويس؟!..
عوض:الزول يدلعك مشكله م يدلعك مشكلتين😂يلا طيري ي بت م تتأخري
ريان:طيب باي💕(و طلعتا طبعا وقفتا ساعه لمن لقيت أمجاد بعدها ركبتا فتحتا شنطتي لقيت الكتاب ماف😭)ي الله ياخ😭و الله ببالغ ده كلو بسببك ي مازن نسيتني الكتاب زاتو😭استغفر الله بس💔(و بقيت بعاين من الشباك لمن وصلتا الجامعه و دخلتا لقيت عائشه قاعده مع دنيا)شوشو😂
عائشه:😒
ريان:لسه زعلانه ياخ؟!..
عائشه:انتى م عارفه وقفتي لي قلبي كيف ي ريان
ريان:انا آسفه ي عيوني انتى😍
دنيا:تلفوني بضرب انتو حلو مشاكلكم و انا امشي اخلط😂
ريان:اصلك تافهه😂
دنيا:شكرا🙈(و مشت)
ريان:م ح تصدقي
عائشه:مالك؟!..
ريان:مازن الليله عازمني
عائشه:عشان كده متظبطه😂😂اجي مالو قال؟!..
ريان:م عارفه و الله ي عائشه
عائشه:اول مره يعزمك براك،،انتى متأكده م عملتى مصيبه؟!..
ريان:اي،امكن عايز يعزمني عرسو😭
عائشه:ح يعزمك براك يعني؟!.ياخ عليك الله م تفكري لأنك لمن تفكري بتبقى غبيه
ريان:ايه قصف الجبهات ده😂(و بقينا نتناقش لمن م جو باقي الشله و دخلنا القاعه و انا كل م الوقت يمشي قلبي بقرب يقيف❤)
أنتهت المحاضره و طلعنا بره و بجد حاسه نفسي ح اموت م عارفه خوف و لا فرح و لا الحاصل ايه!..
عائشه:عايني أقعدي ف الكفتريا لمن يجي احنا ح نمشي عشان عارفه انتى المواصلات
ريان:ظابط
عائشه:ريان
ريان:اها
عائشه:انا م مرتاحه للشغله دي
ريان:حسستيني طالعه مع حبيبي😂
عائشه:اوس خلاص بضرب ليك بعدين(و مشت)
ريان:(قعدتا ف الكفتريا و ضربتا ليهو طوالي..)
