أسيرة القيصر

الحلقة الثلاثون

أسيرة القيصر

الحلقة الثلاثون
**********

فى المول
*********

وصل أدهم و رنا الى المول بعد انتهائهم من جولة اللعب

أدهم : هنبدا منين
رنا : أولا حاجة ناكل صح
أدهم : هو انا ممكن اسالك سؤال
رنا بتاكيد : طبعا دومي
أدهم : هو انتى بتودي الاكل ده فين
رنا بهبل : فى بطني
أدهم : بصي حبيبتي شكل بطنك فيها حيتان انتى كل شوية بتاكل كده هتتخنى وشكلى هتجوز غيرك
رنا : اتخن وتتجوز يا راجل مش لما تتجوزنى انا الأول تبقي فكر فى الجواز مرة تانية كمان دومى يوم متفكر ابقي اتشاهد على نفسك وبجد بجد هتوحشنا علشان هولع فيك قبل متعملها ولا تفكر
أدهم : انتى بتتكلمى بجد يعنى لو اتجوزت عليكى هتولعى فيا
رنا بضحكة شريرة : لا يا روحي هقطعك حتت وهسيبك عايش بعد كده هولع فيك وبردو هخليك عايش وهخليك عبره لمن لا يعتبر
أدهم برعب حقيقي : روني حبيبتي انا لا يمكن اتجوز غيرك اصلا
رنا بشر : تعالى ناكل افيد
أدهم : تحت امرك اتفضلي يا برنسيسة
رنا : رجالة تخاف متختشيش

( 😈😈😈😈 جادعة يا بت ادبحيلة القطة من اولها بلا ارف 😆😆😆😆😆 )

بعد انتهاء الاكل ابتدو يلفو فى المول

&&&&&&&&&&&

في السيارة 
************

ترك عدنان قمر مع اوس ونزل وركب عربيتة ونظر مرة أخري إلى المستشفي

عدنان : سامحنى يا صحبي بس كان لازم اعمل كده انت الوحيد الى هتقدر تقف فى وش اليكس بلاك الكل بيعمل للملك والفهد ألف حساب ودلوقتي معاك القيصر والرعد والذئب انتم الاخمسة هتقفو فى وشه وهو مش هيقدر يتكلم
بيتر الحارس : بس انا خايف يسبها بعد كده
عدنان : عمره مهيعملها انا اختر راجل بجد أوس
بيتر : ربنا يستر بس تفتكر ممكن يحبها
عدنان : شفت لمعه فى عينه ليها مفيش قدمنا غير ربنا
بيتر : عندك حق هتعمل ايه دلوقتي
عدنان : لازم نسافر حالا هى دلوقتي فامان
بيتر : ايوة بس هي هتسافر بعد يومين فرنسا
عدنان : انا نقلت ورق الجامعة لإيطاليا
بيتر باستغراب : اشمعنا ايطاليا
عدنان : عرفت ان اخت أوس وبنت خالها هيسافرو ايطاليا لمدة سنتين
بيتر : لحظة وايه الى هيخلي القيصر والرعد والذئب يقفو معاه
عدنان : القيصر و الرعد متجوزين اخواته البنات والذئب يبقي ابن خالهم
بيتر : الحمد لله قمر شافت كتير اوى
عدنان : عندك حق كفاية انها شافت المجرم بيقتل أمنا
بيتر : طيب يالا وصلنا المطار
عدنان : تمام اول ما الطيارة تخرج برا مصر اتصل على قمر