معشوقي كلي معاك معاك حتى للهلاك / كاملة

16

الجــزء >> 22 <<

نهاية الأسبوع جا لهم سعد واهله كلهم .. زوجته وبناته ونايف ولدهـ .. وكان عزيمته 

في بيت أبو تركي والكل موجود عدأ سُلطان إللي مسافر .. خلود كانت في نفس اليوم 

زايرهـ أهلها وجت معاهم للعزيمه .. يعني ماجت مع حمد .. طبعاً هذا يوم الأربعاء .. 

ويوم الجمعه راح يرجع سعد للرياض مع أهله .. 

عدأ شهر واسبوعين على أبطالنا .. حمد وخلود نفس الوضع مايقابلون بعض .. 

سُلطان رجع من السفر .. وطلع أبوهم من المستشفى من أسبوع .. وعملوا عزيمه 

كبيرهـ شوي .. وونهاية الأسبوع كان الجمعه في بيت أبو راشد وكانوا الرياجيل 

مجتمعين بـ المجلس كلهم والشباب ,,والأسبوع إللي بعدهـ زواج سعود وهديل .. 

أبو سعد بعد مارجع من عند الحريم والبنات .. يعني بعد ماسلم عليهم .. قال : ما شاء 

الله على البنات كبروا ..

أبو خالد : الله يحفظهم لنا ..

كلهم : آمين ..

بدر : جدي الله يهديك .. توك تشوف البنات .. ترا من زمان واهن كبرانات { هـ الولد 

أهبل من جد }

أبو سعد : هذا عشان كل واحد يشوف نفسه ويشوف نصيبه ..

أبو فارس : مابقى كثير يُبه .. فارس وفيصل وخالد وحمد خلاص كلهم تزوجوا .. 

وسعود الأسبوع الجاي إن شاءالله .. 

ابوسعد : كلهم كبار .. ولازم يشوفون نصيبهم .. { ناظر سُلطان وقال } شـ سويت بـ 

الموضوع .؟؟؟

سُلطان إللي ماتوقع السؤال كلش .. اساساً كان ناسي الموضوع قال : يُبه الله يحفظك 

لنا والله مالها داعي .. ولا آبي وإللي عندنا الحمدلله ...

أبو سعد : بس أـنا آبي ..

أبو خالد : يُبه ....

أبو سعد يقاطعه : أـنا ماعندي غير هـ الكلام .. تبي تضايقني ياسُلطان ؟؟؟

الشباب مايدرون شـ السالفه ..!!

سُلطان : ما أحد يقدر يضايقك ..

أبو سعد : أجل توكل على الله ..

أبو فارس : يُبه أـنا قريب راح ....

أبو سعد يقاطعه : أـنا ضامنك إنت .. لإنك ماشي على هـ الشيء من زمان .. ولا 

وقفت على شيء واحد .. بس أـنا آبي سُلطان يستعجل ..

سُلطان اول مرهـ ينغصب على موضوع قال : يُبه والله مايصير ..

أبو سعد : كلامي ماهو مسموع لك ؟؟