رضى : هاا افتهمت
حسن :يلا حبيبي تريد شي ثاني
رضى :الصراحة اني حيل حبيتك وحسيتك مثل اخوية ....اكلك اني انام اهنا
حسن : اي بس اليوم تعال وياية للبيت
رضى : انتة متزوج
حسن : اي وعندي ثنين ولد وبنية وحدة
رضى : اني استحي اجي وياك
حسن : لك عيب تكول استحي انتة ولد وثانيا اني راح اخليك تنام بالاستقبال قابل اتنام يمنة هههه
رضى : اي خوش
حسن : يلا امشي انروح للبيت
رضى: اوكي يلا
.....بعد ما وصلنة للبيت
اول ما حسن دك الباب اجة ابنة تقريبا عمرة 9سنوات وحضن حسن واجو جهالة اتلكو بالباب
ابن حسن : بابا هذة منو
حسن : حبيبي هذة صديقي ...ادخل رضى ادخل
رضى : اي هسة
كان بيتهم كلش حلو حسن عافني وحدي بالا ستقبال وراح و ورة نص ساعة يلا اجة وجايب ويا صينية وبيهة اكل اني خجلت كتلة لالا ما اريد شبعان
حسن : لك انجب واكل بدون حجي اني ميت من الجوع اتعشة بسرعة حتة تغير اهدومك وتنام
رضى : خووش
الصينية كان شكلهة كلش حلو
بيهة بطاطة وشوربة عدس وكص ومقبلات وطماطة شوي يعني بيهة هواي اكل وكلش طيب
رضى : الحمد للة شبعت بس اكو مغسلة برة بالحديقة اريد اغسل
حسن : انجب وطب جوة غسل اكو يم الباب مال استقبال مرافق ويمة مغسلة
رضى : لاعيب خلي مرتك تاخذ راحتهة
حسن : لامعليك اني مئمن بيك طب حبيبي
طبيت فتحت الباب وكانت اكو مرية دايرة وجهة ولابسة حجاب .
رضى : هااا هلو ءءء السلام عليكم
مرة حسن : وعليكم السلام خوية اخذ راحتك
رضى : ااا بس اريد اغسل
بنت حسن عمو هاي المغسلة واذا تريد مرافق موجود
رضى :لابس اغسل
غسلت وطلعت بس المرة ابد ما رفعت راسهة بس جانت مقابيل المرة مراية بعيدة يعني اكدر اشوفهة صار عندي فضول اشوفهة وباوعت عليهة احس نفسي شايفهة وحيل حبيتهة احس نفسي اعرفهة
رضى: اكولك حسن جهالك شنو اسماهم
حسن : الجبير اسمة يوسف والوسط اسمة سيف والبنية اسمهة سيرين
رضى : الله حلوة اسماهم كلهم بحرف ال(س)
حسن :انتة الاحلى بيبي .... هسة راح اخليهم ايفرشون تلك حتة تنام وترتاح لان الصبح انروح للمركز ولمن نرجع اخذك للسوك واجيبلك ملابس اوكي
رضى : هاااا والله جاي تخجلني
حسن : لا يمعود احسبك اخوية الصغير
فرشولي ونمت
ام يوسف: اكولك شنو سالفة هذة الولد
حسن : هذة .......الخ
ام يوسف : 😱اكولك اني من جنت اصغيرة اخوية الصغير ضاع من عدنة وهوة عمرة 13 لو اقل او اكثر حسن: اكولج تجين اتشوفينة بلكي هذة اخوج خطية والله خوش ولد
ام يوسف : عيب من توح الصبح اشوفة و عود من ترجع اردلك خبر والله امي تكيف الله هيج ونلكة مهدي
حسن :اهوج اسمة مهدي
ام يوسف : اي
حسن : يلا نامي ويحلهة الف حلال
.....الساعة 7 صباحا......
حسن : لك رضى اكعد اتاخرت كووووم بسرعة
رضى : هاهاها كمت بس اوكف
حسن كوم البس هاي الملابس بس شوي اكبار عليك ومشط شعرك اني البارحة كتلك اسبح بس انتة غلست ونمت
رضى والله جنت نعسان حيل
بدلت وغسلت وجهي وشعري مشطتة والله طلعت حلو
رضى : الله اني حلو وما ادري بنفسي
حسن : ههههه لك يا خرة طلعت حلو
ومسح على شعري وحط ايدة على ظهري ومشاني للسيارة .....وصلنة للمركز
المحقق : هلو رضى اكولك اكو دكتور هنا بصف المركز يعرف اذا الواحد فاقد الذاكرة وشوكت
رضى : اوكي بس اشوكت
حسن : امشي هسة اخذك
رحنة للدكتور
حسن : السلام عليكم
الدكتور : وعليكم السلام هلو حبيبي حسن شلونك
حسن الحمد لله بخير
الدكتور : مهدي شلونك كبران شنو انتقلتو هنا
رضى : العفو منو مهدي
حسن كال السالفة كلهة للدكتور و الدكتور صافن
الدكتور : والله هذة ابن صديقي ابو احمد
حسن : ابو احمد يصير ابو مرتي ومرتي اتكول هية من جانو صغار ضاع منهم اخوهم واسمة مهدي
الدكتور : لك والله هذة مهدي اني اعرفة ....بس لحضة اراويك فد شي
طلع اكو رام بالحرارة و خلا بالمبايل
الدكتور : هذة مو انتة
رضى : هاااااااا هاي صورتي اني اذكرهة والله
حسن : والله انتة مهدي
اني بدون وعي كمت ابجي وحضنت حسن وصحت
اريد اهليييييي 😢 واخس راسي راح ينفجر
كمت اصيح راخ راسي
الدكتور انطاني حبوب وجع راس
رضى : يعني راح يصير عندي اهل
حسن : تعال انروح للمركز
نستئذن ونروح للبيت نشاري ملابس وحتة تروح لاهلك
رضى : يعني اسمي مهدي
حسن اي ...بسرعة حلي نروح
رحنة اشترينة ملابس ورجعنة للبيت دكيت الباب وطلعو الجهال واني ابجي حضنتهم وكلت يعني اني خالكم طبيت جوة ولكيت ام يوسف
رضى : ااا خوية انتي اسمج غفران
ام يوسف كامت تبجي بجي وصاحت مهدي وحضنتني
حسن : اشمدريك انتة مو فاقد الذاكرة
رضى : لا مو احس نفسي كاعد اذكر واني شكل مرتك مو غريب علية
غفران : ءءءء اكلك اني ممصدكة
واديهة ترجف ولا زمة راسي وتكلب بوجهي وتكول يعني مهدي كبر ولكينا يا يمة امشي اوديك لامي
رضى : امي وابوية موجودين
غفران : بس امي واحمد اخوك الجبير وعلي
رضى : وابوي وينة
غفران : والله ابوية مات من القهر وهوة اصلن بي جلطة ومات الله يرحمة
وكعدت اتذكر بية شوي شوي واني احس نفسي كاعد اتذكر اشيا بدون ما اذكرني
مهدي:اروح اسبح حتة نروح للبيت
غفران: بسرعة روح
وسبحت وطلعت ولكيت اختي صابة الغدة على السريع تغديت بس اريد اروح اشوف امي
وكملنة وغفران بدلت للجهال وجهزت نفسهة ورحنة
وصلنة غفران كالت لحد ينزل من السيارة بس مهدي هوة يدك الباب ونشوف يعرفونة لو لا
حسن : ولج لا ينعودة بس خل يشوف اهلة
اني الي دكيت الباب وكلهم وراية بس احس نفسي راح اموت بالكوة لازم الدمعة الي بعيني واني ادك الباب واجة صوت منو صحت اني وانفتح الباب
وشفت ولد يشبهني نسخة كوللش غفران صاحت من بعيد مهدي هذة علاوي اخوك التوئم واني ما اتحملت كمت ابجي وحضنت علاوي و علاوي مستعرب صاح هذة مهدي
غفران : اي هذة مهدي لكينا
علاوي : ءءءء شنوووووو مهدييييي
......يتبع
