#حجل_فصليه
#بارت4
بقلمي غفران
_شكرا ..صفنت ماعرف اسمه
_شفتهه سكتت شبيج؟
_ماعرف اسمك
_هههه بسيطه اسمي يوسف
_تشرفت
بقينه مبتسمين بوجوه بعض
كتله
عماتي هسه اكيد عرفن ورجعن وعمي ثاني هم
_اي
_اي يعني اذا شافوني والله يخلصون عليه
_دااكلج ميسون شي
بعدين انتي هذا موضوعج اله علاقع بالبجي مالتج العصر؟ ؟؟
_لا
_احجي شون ديعاملوج
او ليش جنتي تبجين
_لان منطوني اكل وعمتي قفلت
الثلاجه ورحت عله ابويه زوجته طردتني
ف كمت ابجي
_اي ناخذ حقج بالمحكمه
تكدرين ترحين تعيشين يم بيت جدج اهل امج
_لو يردوني جان اخذوني من زمان
الله كريم يوسف
قاطعت حجينه عمه ام يوسف
وجايبه صينيه بيهه اكل
_يلا يمه كومي اكيد جوعانه
_عمه ليش تعبتي نفسج هيج
_لايمه لاتعب ولا شي كومي اكلي يلةة
وانت هم يوسف كوم اكل
اروح اصلي واجي الكاكم مخلصين يلةة
_ههه حاضر
_راحت عمه وبقينه بس
اني ويوسف بالهول
استحي اكل كدامه ف شويه شويه اكل
_اباوعلهه تاكل عله كيف اكيد مستحيه
ضحكت كتلهه ماكو داعي تستحين اكلي عادي
_هاا لا ممستحيه بس مداشتهي
_ايي حاولي تاكلين
_ماشي
كمت اكل هوه جذب موممشتهيه
بس دااستحي يعني هوه شاب وحلو ونوب ضابط وهم
نقذني صدوك استحيت منه
وشعري مكشوف كدامه
انتضرت بس اكمل لان كلبي نوكل من تفكير باسمهان وحسين شرح يسون بيه
كملنه جان تجي عمه اشيل صينيه
كمت كتلهه عمه خل اني اشيلهه
_لا يمه انتي خطار اكعدي
_لا عمه جيبي ميخالف ثقلت عليكم هواي اني
