كورنيك جديدة عنوانها😍😍معشوقتي النوتيلا😍😍

❄الجزء الرابع❄

يستنى فيها مراد:كنتي علبالك بلي ماراحش نعرف واش راكي تديري مرات:وا...اا...شششش درت؟؟مراد لا لا راكي عارفة وبدا يقرب ليها وهي تبعد حتى وصلت للحيط قرب ليها ونفسهم تخلط مع بعض وهمسلها في وذنها لكليون لي راكي تخدعي فيهم في بالك واحد ماراهو عارف خدايمك ودرك ماراح تقدري والو راكي ليا انا وحدي وندير فيك واش نحب مرام:تعيش خليني نروح واش درتلك حتى تديرلي هكا مراد:اشششت ما نسمع والو وحست بنخزة ابرة كان يخدر فيها وقال:اللعبة لي درتيها راح ترجع عليك وراح ندير فيك لي باغيه وماتقدريش تنقذي نفسك بدات تدوخ شدها وهزها اداها للسرير وهي دموعها ينزلو وحاسة بفشلة ومش قادرة حتى تحرك يديها وبدا ينحيلها في قشها وبعدها ضلامت الدنيا

الحلقة 7

ناضت الصباح وراسها ثقيل ولاقت روحها عريانة ودموعها طبعا كي العادة نازلين وهو كان راقد بجنبها )في الحلقات الحاية تعرفو واش صرى في هاذيك الليلة)حوست على قشها لبساتو وخرجت تجري راحت لشمبرة وهي تبكي بالصوت ودخلت للدوش وحلت المرش وبقات تحتو وشهقة صوتها سمعوها كامل وقاعدة تحك في جسمها وكرهت روحها
عندو هو ناض والضحكة مافارقاتوش دار دوش وحكم اللابتوب ويشوف في شمبرتها مالقاهش زاد شويا ويشوفها خارجة وبدات تكسر وتبكي دمرت كلش وقعدت حاضنة روحها حتى دخلت عليها المسؤولة بهدلتها وقالتها تنظف لي فسداتو وحسابها من بعد بدات تلمد وحكمت طرف نتاع زجاج وتفكرت واش صرالها ضغطت عليه بلا ماتحس والدم بدا يهبط وهي في اللاوعي وهو يسوف فيها سكر اللابتوب وهبط ليها كلهم تفاجئو واش بيه ماشي موالف يخرج من بيتو فتح عليها الباب وهي ماراهيش هنا جاء قعد بحذاها وشدلها يديها ونحالها الزجاج تخلعت منو وبدات تبعد و تقول بعد عليا واش حاب تدير اكثر من لي درتو مراد:مازال ماشفتي والو وراح جاب دواء وبدا يعقملها في الجرح مرات:الجرح لي سببتو انت يوجع اكثر من هذا مراد:ايه مليخ لان انا لي نحب نوجعك مش واحد آخر كمل ونادا واحدة من البنات نظفت الشمبرة وخرج وخلاها

l الحلقة8
فاتو يومين حتى تلقى المسؤولة داخلة اليوم البوس راهو يستنى فيك وجدي روحك وهي حكمتها الرعشة وبدات تخمم واش راح تدير لازم تهرب من هنا قبل الليل هزت صاك صغير حطت فيه لبسة واحدة وشوية دراهم من لي عطوهولها وخرجت طبعا واحد مايقدر يقولولها حاجة لان عرفو بلي الزعيم عينو منها ومشات حتى وصلت عند الباب و وقالت للحارس راح تخرج تشري حاجة وترجع هو فتحلها الباب وخرجت من هاد الحبس وبدات تجري حتى لقات طاكسي حبساتو وقالتلو يوصلها لاقرب محطة وصلها راحت قطعت تذكرة ورحلتها كانت بعد نص ساعة
عند مراد رجع من اجتماعو وقال للحارس نتاعو يروح يجيب مرام هبط الحارس باه يجيبها مالقاهاش نادى على المسؤولة قالتلو قبل شوي كانت هنا وبداو يفتشو عليها وماقالو والو لمراد لانو لو يعرف راح يحاسبهم هو تقلق واش بيها طولت هبط شافهم متوترين مراد:واش كاين هنا وين راهي الطفلة المسؤولة:هي...هي...راهي...مراد :انطقي وينها  المسؤولة :هربت 😖😖مراد :كيفاه هادي من بعد حسابكم وجمع رجالو ووقاللهم يحوسو عليها فاتت ربع ساعة وهو النار شاعلة في عينيه صونا التيلفون مراد:الو ..وي بوس رانا لقيناها في المحطة مراد:ماتديرو والو درك انا جني

الحلقة9
طلع في سيارتو ويسوق بسرعة ورجالو كانو وراه وهي كانت راكبة في البيس وتسنى وقتاه يقلع وتبعد اكثر عن هاذاك المكان وصل للمحطة مراد:وين راهي ..في هاداك. البيس راح يمشي بشوية طلع وهي شاردة حتى حكمها من يديها وهي تخلعت وبدا يجرجر فيها وهي تبكي وتقول للناس لي في المحطة يعاونوها بصح واحد مايقدر لان كلهم يعرفوه مليح ويخافو منو وهي بهتت فيهم ركبها في الطونوبيل وهي تبكي مرام:خليني نروح ياك اديت لي تحبو مراد:اسكتي درك حسابك من بعد حتى نوصلو وشاف فيها بنظرة تخوف هي بلعت ريقها وسكتت ودموعها ينزلو وصلو لواحد الدار كانت في غابة مراد:اهبطي مرام دارتلو براسها لا لا مراد:قلت اهبطي ازربي😡😡وشدها من يدها ودخلها للدار ورماها فوق الكرسي وقرب ليها كنت راح تهربي اه ويعطيها بكف ثلاثي الابعاد😂😂هي حست روحها داخت من قوة الكف وبدات تمتم في الهدرة مراد:سمعيني واش تقولي مرام:........اوك ابقي ساكتة وخرج شوية جبد ڨارو ويمص يخرج فيه الغضب نتاعو ا حسن مايقتلها عند مرام كانت خايفة وحاسة بدوخة من الكف وتاني كان عندها نهارين ماكلات والو رجع ليها لقاها مغمضة عينيها حركها برجليه مراد :نوضي مش وقت رقاد مازال حسابك ماكملش وهي والو بدا يخاف نوتيلا نوضي😂😁داخت هزها بين يديه وطلعها للبيت الفوق ومسها لقى سخونة