،سرور وعشقها للعسكري
البارت الرابع عشر والاخيررر
الوكت خله النحبهم ما نراهم
شمرنه بدرب مظلم مانراهم
صدگ ترى بدونك ما اني راهم
وانا بدونك تاهت الدنيا عليه
نور:محمد اني لازم احجي ويه سرور ميصير هيج تسوي بروحها
الله يرحمه سرمد لو بمكانها جان شاف حياته محد يسوي الي سوته سرور اليوم انهيها وياها لازم واحد يكون شديد وياها حتى ترجع لعقلها
محمد:نور البنيه حالتها بس الله يعرف بيها عوفيها بحالها
نور:ماگدر اشوفها تموت گدامي وابقى ساكته
محمد:شوفي نور سرور معزتها من معزه سرمد ديربالج ليروح يصير بيها شي ترى ما اسامحج
نور:الله كريم
رحت لبيت سرور گعدت ويه خاله وجنتهم بعدين صعدت لسرور طبعا سرور بالفتره الاخيره گامت متستقبل اي احد
سرور حيل متغير شكلها عبالك بنيه بصف اول حزنها على سرمد دمرها
سرور:اندگ الباب وجان تفوت نور حيل مشتاقتلها حضنتها وبجيت
نور:فتحت الباب داسلم على سرور جان تحضني وتشهك وتبجي اول مره تحضني بعد ما موت سرمد جانت كل مره حاضنه صور سرمد وتبجي ومتسمح لاحد يتقرب منها
سرور حبيبتي ميصير هيج تسوين انتي انسانه مؤمنه والموت حق علينه والحياه لازم تستمر
يا اختي لو تحزنين العمر كله سرمد ميرجع والي تسوي دتعذبين سرمد بي سرمد ميقبل هيج يصير بحالج وانتي تعرفينه شگد يحبج لازم ترجعين سرور الاوليه والحزن بالگلب شنو ذنب اهلج معيشتهم برعب يگولون نخاف نفوت لغرفتها ونلگاها ميته
سرور يا حبيبتي انتي قويه والكل يعرف هالشي الضعف ميلوگلج
سرور:نور تحجي وياي واني شريط حياتي گدام عيني دينعاد
بقت تحجي احس الدنيا تفتر بيه گامت وگلبي گام يوجعني حيل اختنگت اريد هوى ماكو حسيت روحي تريد تطلع
نور:احجي ويه سرور وجها گام ينطي الوان لزمت گلبها وگامت تشهگ اني متت من البجي وگمت اعيط
ام احمد:گاعدين وسمعنه نور تعيط صعدنه لگينه سرور مدده وما بيها نفس
نور:نقلنه سرور للمستشفى گلبها شبه واگف الحمدلله مكتوبلها تعيش بس الدكتور مقبل تطلع من المستشفى بقت تقريبا١٢يوم الي ان حسيناها تحسنت
خلال الايام الي هي بالمستشفى عرضناها على اخصائي نفسي بس هي عنيده كلش مفاد وياها حتى اكلها شبه معدوم عايشه على المغذي
سرور:دخلت للمستشفى واني اتمنى الموت بقيت ١٢يوم بعدين طلعت حاولوا اهلي ينزعوني الاسود بس رفضت بس گمت انزل يمهم طبعا بعد شهر ويصير ٦سنوات على استشهاد سرمد
حازم اخر مره دز شيخ عشيره علينه علمود نوافق گلتلهم اريد اشوفه
حازم:سرور طلبت تشوفني يا الله رحت عليهم بس ابد متوقعت سرور هيج صاير بحالها انصدمت ماتحملت من شفتها بجيت گتلهم ارد على اتصال مهم وطلعت شبعت بجي معقوله العشگ هيج يسوي اي والله يسوي اگثر هسه اني صارلي عشر سنوات ومامليت غسلت وجهي ودخلت
اي سرور طلبتي تشوفيني
سرور:اسمع حازم اعتقد صرت تعرفني كلش زين مو اليوم والبارحه من عرفتني
حازم :اي صار عشر سنوات
سرور:خوش
باوع اني احب سرمد عايش جان او ميت هذا ميفرق عندي
ثانيا شغله يوميه داز علينه واحد متعجبني ولاراح تعجبني
ثالثادزيت عليك حتى اگلك بحياتي مراح اخلي احد يتقرب عليه لا انت ولا غيرك
رابعا لتتوقع يجي يوم احبك بي
خامسا اليوم اريد انهي هاي المهزله لان ما اريد احرج اهلي اكثر
حازم:والله الي تريد اسوي
سرور:بعدني مكملت لتقاطعني
حازم:كملي
سرور:شوف حازم اني ما اخاف من الموت بالعكس اتمنا امنيه
اذا فكرت بيوم من الايام تلعب ويايه ثق بالله اموت نفسي وابليك
حازم:يعني هسه انتي موافقه😍😍😍
سرور:اني ما احب هاي التصرفات رجاءا
حازم:بس گليلي انتي موافقه
سرور:اذا وافقت على شروطي
حازم:شروطج اوامر
ابو احمد:الف مبروك ابني
ام احمد:ولج يمه نور واخيرا سرور قبلت تزوج حازم
نور:صدگ خاله الف مبروك باجر من الصبح اجيكم
سرور:وافقت ازوج حازم بس بشروطي
حازم طاير من الفرح مخله شي مجابه اني نهائيا مطلعت امي واختي ونور راحوا جهزوا كلشي
اجه العرس والكل فرحان الا اني احس راح يعدموني مسويت لا خطوبه ولا حنه بس عرس لان حازم مسوي العرس بقاعه وخابص الدنيا
رحت الصبح اني ونور واختي للصالون طبعا غصبا عليه رحت گلتلهم انتو مكيجوني رحت للصالون ابجي ورجعت ابجي
جنت متخيله يوم عرسي غير شي بس مو كلشي نتمنى يتحقق
نور:بالگوه قنعنه سرور تروح للصالون او بالاحرى جبرناها رحنه للصالون ورجعنه وهي تبجي بس طلعت تجنن شگد جنت اتمناها لسرمد تلبس الابيض متحملت گمت ابجي على حضها
خطيه حازم مقصر وسوالها عرس وزفه الكل تحجي بيها رغم هو يعرف مراح يستفاد شي وزواجه مجرد حبر على ورق
عرسهم يجنن بس سرور مابطلت بجي بعدين قنعناها وسكتت لان عيب وراح يگوموهم يگصون الكيكه
حازم:ماصدگ سرور صارت زوجتي حتى اذا زواج مكامل بس كل يوم اصبح وامسي بوجهه كلش كافي
طلعت تجنن بالعرس بس مانشفت دمعتها ابد گمنه گصينه الكيكه ورگصنه بس مطولنه شفتها ممرتاحه وخفت اذا ضغطت عليها يصير بيها شي
سرور:خلص العرس ورحنه للبيت طبعا هو بغرفه واني بغرفه سكنه بيت وحدنه
مشت ايامي ويه حازم سريعه ابد محاول يضايقني بشي صار سنه مزوجين
بس عايشين مثل الغربه
اسلوبه كلش حلو ومحترم وياي ابد متخيلت حازم يطلع هيج كبر بعيني كلش
طبعا الكل گام يحجي عليه اهلي ونور لان همه يعرفون حقيقه زواجي
نور:سرور حرام عليج هيج تسوين بحازم وهو لو مايحبج مجان سوه الي تريدي وتحمل كل هالمده
ياسرور سرمد مراح يرجع خليها بالج ورجلج اله حق عليج ومثل ما حبج وقدرج يا اختي انطي حقه حسسي برجولته اكبر خطأ الي دتسوي ترى
سرور:كل كلام نور صح بس نفسي متتقبل احد رغم كل اسلوبه الحلو ويايه خلال هالسنه العشتها وياه اكتشفته شگد انسان واعي ومثقف ويحب من گلبه
بس ابد ما حسيت تجاهه شي
حازم:اي يازوجتي الغاليه شلونج
سرور:يمكن حازم ما مصدگ يتزوجني ميصيحلي غير زوجتي الغاليه ههه
الحمدلله انت شلونك اخبارك
حازم:صار سنه متزوجين بس ابد مصار حديث بينه ولا سرور سألتني عن اخباري حيل فرحت
الحمدلله مو انتي زوجتي اني بنص الخير
سرور:ههههه
حازم:لا وتضحك هم 😍دوم الضحكه ان شاءالله
سرور:اني اشكرك حازم على كلشي سويته الي على تحملك وحبك واصرارك عليه رغم تعرف كل ضرفي رغم جرحي الك وگتلك مراح احبك ولا اتقبلك
فعلا يا حازم الي مثلك ينعدون على الاصابع
حازم:بسرعه گمت گعدت يمها وحطيت ايدي على جتفها
سرور انتي روحي والله واني بحياتي مشايف وحده وفيه مثلج
ياحبيبتي احبج وانتظرج واصبر عليج العمر كله
سرور:اشكرك حازم اني زوجتك ومن حقك كلشي تسوي بس مو هسه خلينه نكون اصدقاء
حازم:ولج بعد عمري عمرج وبستها من راسها طبعا ابد ممتقرب لسرور ولا گاعد يمها هاي اول مره
قررنه نصير اصدقاء على گولتها يوم من الايام سرور طلبت مني طلب
سرور: حازم اطلب منك طلب وعلى ضوءه اصير زوجتك
حازم:تامرين
سرور:اترك العسكريه داوم اي دوام مدني صدگني كل ما اشوفك بالعسكري اختنگ
حازم:بس الي اعرفه انتي تحبين العسكري
سرور:زمان اول تحول
((العسكريه اخذت اغلى شي بحياتي وتريدني ابقى احبها😔))
حازم:صار سرور راح اقدم على دائره مدنيه ومن يتم النقل تصيرين زوجتي؟؟
(رسم القدر طريقه من جديد وجمع حازم وسرور)
سرور:ان شاء الله
مرت الايام وحازم انقل وتم زواجنه لاكن ما احمل ذره مشاعر لحازم غير الامتنان
وره تقريبا شهر عرفت اني حامل شگد جنت اتمنى يصير عندي طفل من سرمد وجنه مقررين نسمي ابنه غيث
مرت الايام وقربت ولادتي جنت رافضه اسوي سونر بيوم الولاده طبعا ما اسولفلكم على الالم شي فضيع
رحت اني وحازم وامي وصدفه نور جانت يم اهلي هم اجتي ويايه للمستشفى
الحمدلله الله رزقني بتوأم ولد وبنيه
حازم:الحمدلله اجاني ولد وبنيه وقررت اسمي ابني سرمد تخليد لذكرى سرمد
نور:حيل عجبني تصرف حازم
اشكرك حازم فعلا انت اثبتت انك رجل بمعنى الكلمه الله يحفظك ويوفقك
سرور:طلعت من صاله الولاده حولوني بغرفه ثانيه لان تعبت بالولاده جان يجي حازم گال الولد اني سميته بس البنيه انتي اختاريلها اسم گتله اسميها نور على اسم صديقتي واريدها تنور حياتي
بس شنو سميت الولد يجوز ميعجبني الاسم
حازم:لا راح يعجبج
كملت اجراءات الخروج وطلعنه للبيت
سرور:عرفت اسم ابني سرمد حيل فرحت وما ابالغ اذا گلت من مات سرمد مفرحت غير اليوم حسيت سرمد بعده عايش رغم الالم الي بيه بس گمت وشكرت حازم وبسته فعلا يستاهل كل الاحترام والتقدير بحياتي مراح اصادف احد مثل حازم وتفهمه
الحمدلله الله رزقني بزوج محترم مثقف متفهم ولو ما حازم بحياتي جان هسه اني بخبر كان مشت الايام اني واولادي وحازم لكن لحظه منسيت سرمد ولا نقص حبه وكل الي احمله لحازم هو احترام وامتنان لاغير
#النهاااااايه
#الناشر_عاشكها_وفاكدها
