#زهره_النرجس
#الثالث_عشر
#اين_هاتفي
لو كان سجني حضنك ، ومعتقلي عينيك وقيودي أضلعك
أذآ فلتسقط الحريه
فزيت مرعوبه شابكني حيل عبالك راح اطير دفعته وكمت اباوع اني وين امي واهلي وين حسيت بوحده وبحاجه امي وياي
رحت للحمام وقفلت عليه الباب وكعدت على الطبله ابجي احس جسمي يأذيني كلش وضهري بي الم فضيع متندمه شلون قبلت بصدام وعفت اهلي امي اكيد هسه مقهوره عليه هذا الوكت هي تكعد للصلاه وتتسحر
سمعت بابا الحمام يندك
صدام ... وده شبيج شنو صاير ليش تبجين والله ماقصدي انام بصفج بس انتي الليل كله تبجين وتونين مااعرف شبيج من شبكتج هديتي
وده ... روح كمل نومتك مابيه شي ماجاي ابجي
صدام ... وصوت السرف مال خشمج شنو بعز نومتي وسمعتج يمعوده بطلي بجي هسه خاف اهلي عبالهم غير شي تدرين غرفتي جوه وكلشي ينسمع
كمت غسلت وجهي وتوضيت وفتحت الباب
صدام ... ثوله شنو مسويه بروحج بالبجي شنو صار عمي بعد مااوصل يمج خلي بيناتنه مسافه
وده ... صدام اريد امي ورجعت ابجي
صدام ... غسل اي والله شبيج جاهل مره شكبرج ولج الي بكدج جهالهن هسه متزوجات
وده ... لاتصنف حضرتك عفيه اريد اتصل على امي والله مااطول هواي بس اسئل عن صحته
صدام ... دكولي يالله بهذا الليل شنو نكله تخوفينه عليج بدال ماتطمنين على صحته انتظري يصير الصبح وخابري اله
وده ... اي راح انتضر للصبح عفيه اريد حرام وسجاده اريد اصلي امس باليل ماصليت وهسه شوي ويأذن الفجر عباتي كله تراب من امس من انسحلت بيه
صدام ... هسه اشوفلج من امي سجاده وحرام والله وطلعت مرتي متدينه والله عمي اني محظوظ
وده ... عفيه خلي اطلع شوي للطارمه والله احس احتصرت هنا
صدام.. لبسي دشداشه وحجاب خاف زوج اسماء يكعد
وده ...يمعود هسه اني شنو شفت من اهلك حته اشكالكم واسمائكم نسيتهن
صدام ... باجر تتعرفين عليهم عدل
لبست دشداشه وشال فوك التراك الجو جان بي بروده حلوه طلعت للطارمه احس شوي ارتاحيت
التفتت شفت صدام لازم باايده السجاده
_ها جاي تدعين عليه مو لان ورطتج مو
_الشي وصار لابيدك ولابيدي كل واحد ياخذ من الدنيا نصيبه واني نصيبي هيج
_ولج شو عبالك معترضه على نصيبج اعجبج تره جنتل مان واعرف
خزرته واخذت المصلايه منه ودخلت للغرفه بس مااعرف منين اتجاه القبله
وده ... القبله من يااتجاه
صدام ... اوكفي اتذكر مامصلي بالغرفه واخر مره صليت بوفاه ابوي
وده ... تحجي صدك ؟لوجاي تشاقه
صدام .... والله اني ماامداوم على صلاتي اكطع
وده ... بس انت هيج بعيد عن رب العالمين مابيناتكم تواصل
صدام ... اي اي محتاج هيج حجي علمود اتوب
وده ... انت موكافر حتى توب الصلاه هي تواصل بينه وبين رب العالمين لازم دائما نحمده على كلشي
صدام ... لعد اتوضى واجي اصلي والقبله هيج
لبست الحرام مال الصلاه وصليت العشه والمغرب وهو كاعد على الجربايه لازم تلفونه كملت تسبيح واذن الفجر كام وكف كدامي وصلى واني صليت وراه مااعرف شنو شعوري بوكته متزوجه وزوجي يصلي وياي ومبين حباب
كمل قبلي صلاه واني كعدت اسبح والالم يزيد بضهري
لفيت السجاده وخليته على الميز وكمت ادور على العلاج وين راح
صدام ... تقبل الله
وده... منا ومنكم
صدام .. شنو مضيعه تعاي نامي يمعوده اطول يوم مر عليه هو هذا اليوم
وده ... العلاج وين خليته ضهري ذبحني ذبح اريد كبسول مسكن
كام فتح الثلاجه وطله منه حليب
شربي حليب مايصير تشربيه وانتي ماماكله شي بطنج فارغ
شربت باكيت الحليب وشفته جاب المرهم يريد يخلي الي
لالا مابيه شي ولاتخلي
صدام ... علينه هذا الحجي اصلا انتي كيفتي على لمساتي السحريه عجبج الوضع مو اعترفي
وده ... لاماكلت لاتظل تشمر حجي كلشي مااريد منك بس انطيني جربايتك يومين بس يصير ضهري زين
صدام ... الجربايه وصاحبه كدامج تنامين يمه تنامين عليه براحتج بالخدمه جم مره عندي اني هي هاي الوحده وماصدكه روحي متزوج
استحيت منه يحجي حجي يخليني اخاف منه اخذت الحبوب ونمت على الجربايه وتفطيت خفت ينام بصفي اذا على الجربايه احس بي
صدام... تلفلفلي حيل بس ديري بالج تسعبلين على مخدتي اموتج
وده ... اني مااسعبل
صدام ... يمعوده ايدي غركت وانتي نايمه بحضني
استحيت كلش اني العاده هاي يمته ابطلها ياربي ونوب شلون مايستحي كبل يكوله خرررب شمرت عليه مخدته ونمت بدون مخده دقايق وحسيته بصفي يوخر الغطه مني طفرت بسرعه
وده ... شنو شنو اجاي تسوي
صدام ... هم سوت روحها فاطمه وعباله راح اغتصبها ولج عوبه شبيج خبلتيني كلنالج مانسويلج شي زلمه شواربي شطولهن وانطيج حجايه وماتصدكين خررررب انداري خلي اخليلج المرهم
