Vor Ämmitalere zur Seeländere

Abschlussfest

Ändlech isches sowiit. I ha min Abschluss gschaft und bechume ds Zertifikat dasi itze Logistikerin EFZ bi. Wärend däm ig uf mim Platz hocke u warte stahni wie uf Nadle.

I hocke agspannt ufem Stuehl u bi die letschti wo draa chunnt. de Rektor seit: " Liebi dame und Herre, zu gueterletscht chunnt ei jungi dame wo sehr spezielli Sache gleistet het a üsere schuel. Zum einte het sie sech für di schwechere iigsetzt, het für di 1. Hilf bi unfäll immer guet reagiert und sie het e Super Vertiefigsarbeit zum Thema Rettigssanität gmacht. Im gägesatz zu däm het sie mehreri rückschleg erläbt was ihri Familie aber o ihri lehr betroffe hei. sie hets nid immer liechtgha aber het immer ds beste drus gmacht. Bitte gäbet e grosse Applaus für d Frau Laura Schwab Loosli." I stah uf, ga uf d Bühni und bechume mis Diplom als Logistikerin EFZ plus en uszeichnig für Sozials verhalte und eini für di besti medizinischi grundkenntniss u ds usfüehre vo rettigsaktione bi Unfäll und süschtige Medizinische notfäll. Wärnd no es Paar Fotos gmacht wärde stellt de George sini Musigsache uf u zwinkeret mir zue. d klass chüschelet scho was dass söu. I ga mini Sache bi mim Stuehl platziere und de seit de Rektor de George ah. Wärend er di erste songs spilt gani hurti ufs WC. Woni zruggchumme seit de George: " Liebi dame und herre, begrüesset itze e bsungrigi Sängerin und Absolwäntin vor EFZ Lehr als Logistikerin. Laura bitte chum uf d Bühni." i ga ufe u schnappe mir mis Mikrophon. Wärend däm mir singe und ig am schluss no mi song darf mache luegt di ganzi schuel zu mir uf d bühni und i gseh d Verwunderig u d fröid i ihrne ouge. Churz bevor ig vor Bühni ga umarme ig u de George üs u de sägi: " Liebi Klassekamerade, liebi Lehrer, Liebe herr diräktor u Liebi gest vo allne Awäsende. Es git da öppis wo de George und ig öich no wie mitteile. U zwar.." sägi u de George fahrt wiiter: " Dir heits ja mitbecho dass sie als Schwab Loosli isch uf d bühni grüeft worde, un nei ds ligt nid dranne das sie ghürate hätti mit öpperem wo Schwab heisst. sie und ig hei verschideni gmeinsamkeite u eini devo isch ganz bsungers u zwar isches ds mal a üsem chopf. d vermuetig isch lang da gsi abert d gewüssheit ehi mer ersch guet voremene Monet becho gha. Sie isch mini Liiblechi Tochter usere alte Beziehig use wo nümme ghebt het", d lüt im saal rüefe ohhh jöö  "Also nomau e riise Applaus für mini Tochter d Laura",. seiter ganz am ändi no. I ga ab de bühni u mini klass luegt mi blööd ah u bsungers d Andrea. die versteit d Wält scho nümme u gaxet nume: " was du hesch e schwiizwiit bekannte vater. geil." i lache se ah und d Klass git mer es high five. Sogar de Lehrer u dä seit no: " wow das hätti itze nid erwartet gha dass so öppis hinger de Namensänderig steckt. gratuliere öich zu däm erfolg u das der no lang chöiit gniesse öiiche nöii Vater. Wüu wär cha scho vo sich bhoupte das sin vater en bekannte Musiker isch." i bedanke mi und ga wieder a min Platz zrügge zum mini Sache ds hole. Mir si di letschte gsi wo d Diplom becho hei a däm abe. Plötzlech liggt uf mim Platz e Blueme struus, e tafele Schoggi  und es chärtli. Drinne Steit: Liebi Laura, Aues gueti zu dinere bestandene Prüefig und viu glück für d Zuekunft. Liebi Grüess QL.

I ga mitem Bluemestruus u co use vore Gasthof wo de Schibä, de Pät, de Tosi und de Sägi stöh mit de Natacha und em George. I loufe schnäu zu ihne und sie umarme mi aui gaz fest. plötzlech chöme es paari vor klass u näme mi es bitz uf d Siite. De einti fragt: " Isch das aues ächt oder spilsch du öppis vor das mir meine du seigsch cool wüu mit Promis befründet bisch?" I lache u säge: " das isch aues ächt. i chas mängisch o nid gloube aber sit knapp eim monet isch das mis nöiie Läbe. i muess mi o zersch tra gwöhne." " Dämfau hesch du no meh Promis wo mit dir befründet si oder wie?", fragt d Andrea und i gibe zur antwort: " jap i kenne no e schwetti meh a prominänte u das nid nur us de Musigbranche sondern o vo Tv und Radio. Säge mers so, i kenne e Grossteil vode Mundartmusiker, e Grossteil vo TV oderatore, Schouspiler und Radio sprächer sehr persönlech sit emene ziitli." Sie wird chriide wiis und weiss genau dass sie mi immer usglachet het dasi nume so tue als obi kollege hät u itz woni di bessere kollege han macht sie sech gedanke ob nid eher sie die isch wo ke kollege het.