دقات قلب نمر

#البارت_الاول💜

#دقات_قلب_نمر
انا ابن العشيرة الخلفت فرسان
انا ابن الربيع تربيت بحظن ديوان
انا ابن طلب الثابت العنوان
انا ابن الدلة وهزة الفنجان
انا ابن شيوخ والمشايخ ماتذل انسان
انا_ابن_التفك_لوحشم_الجيران
دائما اكو اشياء ...تتمنى تنساه واكو اشياء .....تتمنى ابد متروح من بالك
قصتي ...قصة النمر الي يعشق فريستة
....بهذا الفجر والجو البارد ....جان زهير ينتظر وكلبة نار نار اللهفة الي متعادلة اي لهفة لحبيبة جان منتظر الولد الي يقر بي عينة بعد ما سليمة جابتلة ٣بنات والكل كالتلة مرتك بعد هاي بطنة ماتجيب بس بنات مع العلم هو جان يحب امي هواي بس لو خيرو بين حبة الهة لو الولد.. اكيد راح يختار الولد وبهذا اليوم امي حبلت ونذرت كالت اذا يجيني ولد اسمي محمد وبهاي الساعه الكل منتظر .....لو تتحقق الامنية لو خسارة سليمة لزوجهة شيخ زهيرربعد حمل وقلق من المجهول .... وصلت امي المرحله المخاض ... وطلق وفعلا بدت الصرخات تتعالة عند القابلة ...ويطلع صوت الطفل ..... ....جنت واكف باطرمة وكطوف الجكاير تارسة المكان طلعت الجده ماحجت اضاهر سليمه..موصيتيها كلت بداخلي ..هاي..هيه..لازم..ازوج دخلت الغرفة ...والابتسامة والدمعه على عينة سليمه دخلت.. والخطوه ثكيله ..اباوعلها..لافه.وصله.بيضه ضليت.واكف مااكدر اتحرك وعيوني متجمدة متكدر ترف جنت خايف ومرعوب مااريد اسمعه كعدت على الجربايه.يمها تحمدلها بسلامه امي..كمشت جتفي وهزتني وكالت وهي عيونة تجري _يمه..زهير ....اجالك الي راح يشيل اسمك اجالك الي يشد ظهرك أمي..ها..اي. يمة اجاك اجاك ولد جنت اسمع حجاياتها واني ممصدك الي اسمعة معقولة اجاني الولد معقولة الله حققلي حلمي وضحكت الية الدنيا صدك النقص الي عندي اكتمل هسة اجاني ولد .اجاني نمر رحت على الطفل اخذته من امي و شلتة باوعت على وجة
عيوني بدت ادمع ومااحس منو بالغرفة او منو كاعد يباوع علية وكلت _نمر .وليدي..نورت الدنيا يابوية اجيت لابوك اتفرحة وتشيل عني الحمل .واتصير حزام ظهري نمر .هسة يالة ابتسمت الية الدنية بجيتك يابوية جنت اسمع زهير وهو يحجي ووي ابني وعيونه اتفيض معقولة كل هاي لهفتة على الولد واني مجنت حاسة بي ابتسمت والدموع تجري على خدي ااااخ زهير هاي الفرحة مو بس ابكلبك هاي ابكلبي واكثر التفتت على سليمة واشوف الابتسامة وشحوب وجهة والدموع على خذة وكلت _حمد لله على سلامتج يا ام نمر ابتسمت وكلت الله يسلمك ياابو محمد عقد حاجبة وكال شنهي ....يامحمد دخيلة للنبي بس اني مسمية من زمان نمر ضحكت وكالت بس اني طالبتة ونذرت وهذا نذر مايصير اخالفة هذا الحجي مايفيدني هو نمر وانتهى مو تجي مرة ابكيفه اتسمي ابكيفة سكتت مكدرت احجي خلي على فرحتة بعدين الله يفرجة مر اسبوع والبيت مناكر على الاسم بيبيتي وامي مراضين على ابوية يخافون لا يصير بية شي اذا مااسموني محمد وابوية حالف اذا يحجاونة يكلب البيت على روسهن بالاخير محد كدر يغير قرار ابوية وسموني نمر الله بويه من اصفن اذكر هل سالفه من صرت وجان هيج فرحان بيه رغم اني الولد الوحيد بالبيت بس ابد مجانو مدلليني لان يدرون بان الولد اذا يدلل يصير مخنث مثل البنت لهذا جنت اتعاقب اكثر من خواتي والمسؤلية علية اكثر .. اني الانتبة على خواتي الكبار مو هنة ينتبهن علية خلصت طفولتي واني يم ابوية ازرع واحرث . جنت اتخبل اروح للمدرسة مااحب..ادرس سجلني ابوي بلمدرسه جنت اشرد كل يوم وابجي واكول لابوية بيوية اخليني اساعدك اني زلمه مااريد ادرس وصدك شلي بالدراسة اصير شيخ تالي ابوية ماصدك على حجايتي خلاني على راحتي. كيف بس امي تحجي علية دووم.ك حتى خواتي يعيرون بية لان مااعرف اقرة بس مجنت مهتم الهم جان ونستيا الوحيدة هو ازرع وي ابوية والفرس صار عمري عشر سنيين واني مااقراء ولا اكتب لحد ماا اجة اليوم الي اتغيرت حياتي.. يوم الي شفت الجنة ونعيم... والنار وقساوتة يوم الي اضوك العسل ومره اكل الحنظل يوم الي النمر يشوف غزالتة ومايكدر يتقربلة """"لينه''''''' هذا الاسم الي خلاني اسوي كلشي حلو .... وكلشي مو حلو طلعت من باب بيتنة واشوف ناس ادخل غراض للبيت الي اكبال بيتنه ضليت صافن على الغراض الي تدخل مو نفس غراضنة غراض حلوة وفخمة وبلحظة طلعت ابنية صغيرة حلوة ...مرتبة نظيفة ...ملابسهة تختلف عن اهل قريتنة شي غريب .....مشايف هيج ابنية من قبل جنت متعجب شنو هذا البنيه الزغيره الحلوه اتقربت اريد اميز شكلهة زين .. وكفت قريب من بيتهم التفتت الية واتقربت مني اني مااعرف ليش كلبي بهاي اللحظة كام يدك برغم طفل عشر سنوات ورجعت خطوة ليورة تقربت كالت اشلونك ياولد .....