دقات قلب نمر

#البارت_الثامن💜

#دقات_قلب_نمر

بعد ما كعدت حتى يبلش الشيخ ويعقد النه سمع صوت
بودي اندار بس اخاف لا اكون متوهمه يربي اني بحلم لو بعلم معقوله هذا
هو لو اتخايله
نمر_شلونك يعمي چا هذا وعدك الي وعد الزلمه دين يبقى بركابهم
وانت ما وفيت بوعدك
احجي واني حاس تاكل بكلبي نار مسعوره صدك تحرك الاخضر واليابس
اباوع على لينه وهي لابسه بدلتها البيضه لج صدك يلينه تزوجين غيري وانتي
حرمتي صبرج علي اليوم اشعل اهلج شعل

ابو لينه_ابو شاهين اكعد
_وين اكعد يعمي ماترد على سؤالي
_اي اني صح كتلك بنتي الك بس ابن عمها نهى عليها وانت شيخ
وتعرف الاصول
نمر_خوش كلام يعني انتو ادورون اصول
باسل-انت شنو قصدك امشي اطلع بره ولينه بنت عمي واني نهيت عليها
ومحد ياخذها غيري حتى لو جان شيخ فهمت لو لا وانت شروكي وتعرف
العادات شنو
نمر_ لسانك تحطه بحلكك شيخ ابو شاهين چدامك كاعد احجي ويه الزلمه
چا هالمزعطه شدخلها وشمعرفك بالعادات انت تسكت لا وربي اسحلك
ابو لينه_ابو شاهين العالم منا كافي خلي الليله تكضي
نمر_لا والله وحق الحق ما اطلع منا الي وحرمتي كاضها وماخذها ويايه
_يا حرمتك انت مو قصدك
_هاك شوف هذا العقد من شوكت واني عاقد على بنتك وهي حرمتي وهسه
اخذها واطلع
ام لينه_كذاب شنو عاقد عليها بنتي متسويها
لينه_لا ماما اني زوجه نمر وهو عاقد عليه قبل منسافر بس زواجنه ع الورق
نمر_اي واليوم تجين لبيتي وحتكونين حرمتي مو بس ع الورق وعلى سنه الله
ورسوله
وخذاها وطلعت بعد ما عمها وابنه طلعو وابوها كعدت وحجيت وياه وفهمته
اني صح غلطت من سويت هالشي بس ضمنت لينه تصير حرمتي لان هو الي
رفضني قبل سنين
دخلنه للبيت ولدي ايصرخون اجتي المعلمه العروسه واني اضحك وبداخلي
افكر بسوايه ندى وشنو حتسوي بس محد يدخل بقرارتي هذه غزالتي عشگ
صباي يعني لو الدنيا توكف كلها كدامي ما اتركها لحرمتي لينه
الام:شنو هذه ومنو شنو السالفه
الحجي:فوتي بويه هذا بيتك ولتخافين احنا اهلج
-شنو السالفه حجي فهمتي تعرفها لهالحرمه
_چا هذه حرمه الشيخ زوجته الثانيه
-بويه چا انت شكاعد تحجي وندى ليش شبيها مو جابتله صبيان اثنين
هسه لو متخلف اكولك خل يزوج
نمر:شمالج حجيه هذه لينه ماتذكرينها
-طركاعه ع راسي ولك منسيتها مو راحت وانت ازوجت وحرمتك ممقصره وياك
_يمه لتبلشين بسالفه العمات هذه حرمتي على سنه الله ورسوله واليوم ملچت عليها
واني واحجي ونزلت ندى هي نزله وهي صراخ ويبووووووووووو
_شششششش صوتج ما اسمعه مثل ما انتي حرمتي والج مچان بهالبيت
هي حرمتي
_واني ليش هيجي سويت بيه شقصرت وياك
_اني مكتلج قصرتي حشاج من القصور بس انتي تعرفين عشگي لينه من زمان
وعمري مضميت عليج
_اذا هيجي هاويها ليش اخذتني
-انتي شمالچ تفتحين دفاتر عتگ لتخليني اچرحج هالموضوع انتهى
الحجي: كافي بويه ندى احترمي الكاعدين وهذه حرمته حالها من حالچ
-عمي انت شكاعد تحجي بس فهموني اني قصرت عليه بشي وبعدين انت
مو مزوجت ع عمتي وهي جابتلك كومه بنات
_لج كافي انتي لسانج طولان امشي صعدي لغرفتج وجهرتج ما اريد اشوفها
_ماشي يابو شاهين صاعده بس حاسبي بعدين وياج يلينه
_لج بسج لا اكوم اكطع العكال عليج صعدت ترکض وتشهک بدموعها ماعرف
انقهر عليها لو افرح بهذا اليوم نطيتها الحق وهيه مره
نداريت لينه کاعده عالديوان وضامه وجها بيديها
وتشنهک بواجي استغفر الله جا المن ارضي هاي تعوي
هاذيج تعوي کومي لينه کومي صعدي
ام نمر۔ يايمه جا وين تنيمها اذا انته لاسويتلک غرفه لاکتلنه نحضرلها للبنيه مچان
۔ يمه هسه ليوم ندبرها انام بغرفت فريخاتي لما باجر اجيب غرفه