فلسفه بسيطه لنظرتي للحزن وكيف أتعامل معها
أولا الحزن مو عيب مو حرام ليش نخاف نشكي ؟
ليش نخاف نتكلم عن اللي نحس فيه ؟
مافي شي يخوف والشعور اللي انت تحس فيه كل البشر حست فيه
الحزن مو محصور عليك
عشان كذا لاتقول محد يفهمني
لأن الكل يفهمك
تقبل اليد اللي تنمد لك اذا سألوك كيفك قول الحقيقه
لا تستمر بالكذبه
"انا بخير , مافيني شي.."
كل واحد فينا لازم يكون عنده شخص نكلمه عن اللي مضايقنا
نترك الالم يروح اغسل قلبك من الهم والحزن والاحباط
واذا اليوم كان كئيب بكره راح يكون يوم جديد
لاتتعلق بحزنك اتركه
احنا بشر مشاعرنا لازم تختلف
سعاده ملل حزن راحه غضب
شي طبيعي
بس مو طبيعي انك تتمسك فيه لأكثر فتره ممكنه
ومو طبيعي تخبي بقلبك لأنها تتراكم وهم على هم يعني تعاسه
اسأل نفسك تفضل تبقى تعيس طول عمرك ؟
او تتخلص من همك
في النهايه هاذي حياتك قراراتك والحب و الحزن مشاعر احنا نغذيها
تذكر الايام اللي قلت خلاص مقدر اتحمل تذكر الايام اللي قررت تستمر لانك مؤمن ان هاذي محنه وبتتجاوزها
وان لكل شي نهايه
وبتلقى نورك اذا حسيت كل شي صار ظلمه
انسى وش قالو عنك انسى نقدهم ونظراتهم لك وكل شي حولك وشوف نفسك
لأن الاهم انت
اذا شخص يذمك غيره يمدحك
العيشه بحزن ماهي عيشه
انت تقتل نفسك واحلامك وكل شي بنيته بسبب يوم كئيب انت قررت تتمسك فيه طول عمرك
ممكن مايعجبك كلامي بس انا مقتنعه ان هاذي الطريقه الوحيده اللي تخليني اثق بنفسي من جديد
واقول اذا اليوم ماعجبني اغيره
أنت تقرأ
فلسفة نص الليل
Spiritualهنا خرابيشي بمعنى أشياء في داخلي احتجت اوصلها لكم مافي شي محدد مواضيع مختلفه ومتنوعه عشان افيد نفسي و افيدكم و بس
