اعرفكم على بطلتنا 😍 اسمها دالين عمرها ١٨سنه ممتحنه السنه دي تالت (الممتحنين كيفتمام🌚) لونها اسمر من النوع الحلو داك جسمها منتاسق يعني لٱ ضعيفه لا سمينه شعرها طويل لونو اسود مايل للبني 😍 مستواها الدراسي ممتاز
نجوى: دالين... دالين تعالي الغدا
(نجوى مامت دالين شغاله في البنك وبتحب اولادها حب ❤ ومهتمه بنفسها شديد 🤤)
دالين: جايه يا ماما ثواني بس..
جات نازله وحالتها مبهدله بهدله وشعرها منكش ولابسه بجامه تلت تربع 😉 بالون الوردي 🌸 وفي ورود باللون الرمادي دالين قعدت في السفره وقالت: ماما وين آسر وياسر ؟!
تعالو نعرفكم على ياسر وآسر 🌚
(آسر وياسر اخوان دالين هم تؤام بشبهو بعض لمن غلط 😂 لونوهم قمحي وشعرهم نااعم🔥 اسود عيونهم لونها عسلي 😬 عمرهم ٢٣ سنه آسر بيدرس هندسه معمار (تحيه لناس هندسه😍) وياسر بيدرس صيدله )
نجوى: آسر في غرفتو كالعاده وياسر في النادي 😄
دالين: تمام.... !
سكتو مسافه وبعدها قالت نجوى: انتي يا بتي مالك ما بتمشي لصحباتك حابسه نفسك كدا؟امشي ليهم زاتو الليله الخميس🙂
دالين: حاااضر يا ماما ماشه لحنين تمام؟😘😘
نجوى: تمام حبيبتي☺
دالين: يلا ماشه البس 😙
نجوى: يابتي كملي اكلك دا 😕
دالين: لالا شبعته الحمد لله
نجوى: غايتو يا بتي الله يوفقك 😘😘😘
طلعت دالين الغرفه وما عارفه تلبس شنو (مشكله اي بت لمن تطلع😂😂😂) وقفت في الدولاب وبقت تقلب فيهو لحدي مالقت ليها عبايه وبعدها دخلت الحمام (اكرمكم الله) وظبطت نفسها ولبست وطلعت (كانت لابسه عبايه بالبني والطرحه اوفوايت واسبورت وطرحه بيجيه وروج كبدي بس كانت مززه 😍😍😍) وهي نازله لاقت ياسر داخل من النادي
دالين: يادوووب جيت 😁
ياسر :انتي شايفه شنو ؟🙄
دالين: يسوووري ☹
ياسر: نعم!
دالين: ماشه لحنين 😊
ياسر: وبعدين... ؟!
دالين بصوت طفولي :وصلني
ياسر: ايواااااا وانا اقول دي شنو الحنيه النزلت فيك فجأه دي 😑
دالين: يلا يلا
دالين ركبت العربيه وهو لحقها ومشو 😂 وصلت دالين ودقت الباب وفتحت ليها الحبشيه
دالين: السلام عليكم حنين في؟؟
الحبشيه : آي اتفدل قاعد جوا
دالين دخلت وذلعت غرفتها ولقتها نااايمه 😆😆جرت منها البطانيه وقفلت المرواح عشان تصحا 😅
حنين: اممممم😴
دالين: قومي دي قرايتك التقول براي ممتحنه 😏
حنين عين مغمضه وعين مفتحه :لالا قريت بس قلت اريح حبه 😴
دالين: ارح طيب نفسي في مكرونه بشمل🤤
حنين: اوووووووف دالين ما وقتك خااالص
دالين: لالالا ارح قومي ☹
قامت حنين غسلت وشها وجات نازله حصلت دالين المطبخ 😂
(انا لْـۆ عندي صحبه زي دي برميها اي شي ولا نومي😂😂😂)
تعالو اعرفكم على حنين😃
(حنين ممتحنه شهاده هي ودالين مع بعض من الروضه صحبه طفوله وكدا المهم حنين لونها اصفر حلو شديد وعندها نضاره طبيه دي الزايداها حلا😍 وعندها تقويم شاطره شديد بعد دالين طبعا😉)
لحدي ما يعملو المكرونه تعالو نمشي لحسام😍
(حسام شاب وسيم عمرو ٢١سنه لونو ما بين اسمر وقمحي ياخ ما قدرته اوريكم لونو المهم لونو حلو 😂😂😂😂 مهمل شديد في مذاكرتو ما بحب القرايه بحب بس بطلع ما شلتو وعصبي شديد😤)
حسام قاعد في غرفتو وبسمع في اغاني بمزاج وجات داخله مروه (امو لحسام طيبه شديد وبتحب اولادها حب ما طبيعي بس برضو تصرفات حسام ما بتعجبها😕 المهم مهتمه بنفسها اهتمام ما عادي البيشوقها بيقو ٢٠سنه😂)
مروه: يا ولدي ما اشوف ليك قرايه تقراها بدل البتسمع فيهو دا 🤦🏻♀
حسام: ماما عليك الله خليني بقوم بقرا حسي دا انا ما شافع 🙄
مروه: الله يهديك يا ولدي عايزه اشوفك ناجح ومتفوق 😔
حسام :ان شاء الله يا امي
مروه: طيب قوم صلي المغرب
حسام: اووووووف حاضر حاضر🤦🏻♂
قام حسام يصلي المغرب وجا راجع يسمع في الاغاني تاني ☹
في جانب دالين وحنين عملو المكرونه واكلوها وغسلو العده وقالو يذاكرو حبه قرو شويه وبعدها ياسر ضرب لي دالين قاليها انا بره ودعت دالين صحبتها ومشت . رجعت البيت لقت امها بتحضر العشاء🤤🔥🔥🔥 قالت ليها :تعالي اتعشي
دالين: الحمد لله ياماما شكرا وباست رأسها وحضنتها 😍
...... :وانا وين من الحضن دا😌
التفتت دالين اتجاه الصوت واتبدلت ملامح وشها خااالص
يا ترا منو الشخص دا 😕 عنعرف دا في البارت البعدو
يتبع.....
