اما مروه ومصطفى عينهم وقعت على نجوى واحمد وبقو مخلوعين 🙄
هناك برضو نجوى شافتهم ولفتت احمد ومشو على مروه ومصطفى
احمد: مصطفي (بخلعه )
مصطفى: احمدددد ياخ وينك مختفي كدا؟
احمد: صحبي يااخ😂😂😂 (وسلمو علي بعض سلام مااار شديد)
اما مروه ونجوى برضو سلمو على بعض سلام حلو)
مشو قعدو في التربيزه ونجوى مشت نادت دالين عشان تسلم عليهم وكانت لجين مع دالين
لجين: بابا... ماما وين حسام وفهد😂
دالين ونجوى مخلوعين 😂😂
لجين قالت لدالين: دالين تعالي سلمي على ماما وبابا.
نجوى: ما شاء الله يابتي كبرتي وانا من الصباح مشبهاك لكن ما شاء الله تبارك الله😂😂😂😂
دالين سلمت عليهم ومشت على لجين فجأه جا داخل آسر والناس طبعا قايلنو العريس😂😂😂
لجين لفتت دالين: دالين... العريس بسوي شنو هنا؟😱😱😱
دالين اتخلعت: كيف يعني من غير عرستو ؟؟؟
لجين: عايني .. جاي علينا يااا رب ما يكون حصلت شي😧😧
دالين بتضحك :دا..
قاطعها اسر: دالين وين اخوك😳
طبعا لجين مسطحه ساااي ما فاهمه شي 😂😂😂
دالين: كيفك؟
آسر: تمام الحمد لله... يلا انا ماشي لاصحابي واشوف اخوك دا وين 🙂
دالين: حاااضر
لجين: دالين دا شنو دا.. في مشكله حاصله؟؟😥
دالين: لالا دا اخوي🙂
لجين :عارفه يا هبله.. لٱ قصدي مالو داير شنو؟☹
دالين: ما داير شي (فجأه دالين بقت تضحك)
دالين: اوع تكوني فاكره دا العريس؟😂😂😂😂😂
لجين: وانا برطن من الصباح بقول شنو 😒
دالين: لالا دا اسر تؤام ياسر 😂
لجين وهي مصدومه قالت: كيف يعني ..يعني ياسر عندو تؤام 😂
دالين: اااي
فجأه الانوار ضلمت ركانو العرسان دخلو العرسان وزفوهم ورقصو اسلو كمان... المهم بقو يرقصو وحنين وياسر رقصو رقيص التقول ما عرسان😂😂😂😂
آسر كان بيرقص مع ياسر
آسر: تعبت... تعال نقيف هناك حبه يا ياسر
ياسر :ارح😂
في دائره الرقيص لجين شافتهم قالت تبارك للعريس😂
لجين مشت ومددت يدها لي آسر: مبروووك
آسر: الله يبارك فيك .. عقبالك
لجين لقت ياسر واقف معاه :كبرووك لاخوك
ياسر بصوت واطي :الله يبارك فيك
(لجين حست في شي رجعت عاينت لآسر قام اسر رفع حاجبو نظام في شنو 😂)
لجين: في شنو يا جماعه😂
ياسر: انا العريس ودا اخوي😂
لجين حست بالاحراج قالت تلطف الجو: اعمل ليكم شنو يعني بتشبهو بعض شديد لا وكمان لابسين زي بعض اعرفكم كيف انا 😂😂😂😂
آسر: ااي لكن ظاهر 😂
لجين: عان بتاع ظاهر دا ولا ظاهر ولا شي
التلاته ضحكو 😂😂😂😂😂
خلصت الحفله والناس ودعت بعض وماشين خلاص
لجين: دالين امشي نادي فهد عليك الله
دالين: انا ما بعرف اخوك دا لكن😂
لجين: كيف يعني مش معاك في الجامعه؟🙄🙄
دالين: بيكون بس ما شفتو 😂
لجين التفتت لقت فهد وحسام جايين قالت لدالين: اهندا فهد والجنبو حسام
دالين بخلعه: كيف؟😱
لجين: اخواني فهد وحسام
دالين :بالله فهد اخوك😳
لجين: ااي 😂
دالين: فهد كيفك...
فهد :تمام التمام 😍
طبعا دالين متجاهله حسام خاالص كانو ما معاهم
احمد ومصطفى اتواعدو انهم يتواصلو ومروه ونجوى كمان
كل زول رجعو بيتو وكلهم على السرير م̷ـــِْن شده التعب ما قادرين يفتحو عيونهم كلهم نامو ماعدا مروه كان بتفكر في موضوع وخاتاهو في راسها وقالت الا تعمل الشي الفي راسها ففكرت في فكره
يتبع.....
