السلام عليكم ❤
في موضع في بالي ليه كم يوم و اليوم قررت ندوي عليه🤦♀️😂💔 لما نحكو مع اي شخص او نشوفو الي ينشرو في الفيس و الانستا و الوات و هلبا برامج اخري المهم اكترهم يقولو ان هما الي مظلومين و خانوهم احبابهم و اصحابهم و باعوهم و غدرو بيهم😞 و ان هما الي طيبين و تحس كانهم ملائكه🤷♀️ " اكتر الاشخاص الي تسأله شن عيبك يقولك الطيبه الزايده و هماا🤦♀️😂" و ان هما مستحيل يسيبو اي شخص او يرخو بيه 😕راجو شوي🤔 اني الي نبي نعرفه من الي الظالم و من الي خاين و من الي باع و غدر وووو🤔😐 99.9% او خليني نقول 90% هلبا 99.9%😂 ال90% هدوما مظلومين و مجروحين و متعدبين🙄 معقوله 10% ظالمين و خاينين😏 .....
خاطري نشوف شخص يقول اي اني رخيت بشخص غالي اي اني سيبت شخص غالي اي اني وعدت و مقدرتش نوفي بوعدي اي اني درت و درت🧐 ( اكيد حتي انتم خاطركم اتشوفو هالشخص🤓☻ ) و على فكره الي باعو و رخو و غدرو في الي كان مجبرو يدير هك☹ و في الي هوا دار هك😒 يعني متجوش تحكمو على شخص و انتم متعرفوش ليش دار هك 🙂و اني اليوم بنقول اي اني الي رخيت ب اعز شخصين💔 اي اني الي قتلهم مستحيل نسيبكم و جي يوم و سيبتهم 💔اي اني و اني و اني💔 بس اني🤚 مش انانيه ولا مصلحجيه ولا من الكلام الي تفكرو فيه توا 🥺اني صح سيبت الشخصين هدوما بس و الله حبيتهم ااكتر من روحي❤💔 و سيبتهم لان الظروف جبرتني اندير هك 🤷♀️و على فكره
لما تبعد على اي شخص غالي عليك و تحبة هدا ميعنيش انك شخص مش كويس او اناني 🤦♀️مرات الظروف تجبرك انك تبعد على اشخاص تحبهم و تعزهم و غالييين علييك وااجد 🤷♀️💔الي بيقولي لا كذب و مفيش شي يخليك تبعد على شخص يحبك و الظروف سبله بنقولك لا في و في ظروف اقوي مني و منك😣💔 الظروف تجبرك و تتحكم فيك😖 في مجتمعنا و بدات البنات👱♀️ احني البنات اي شي نديروه يشبحولنا و مركزين عليااا🤷♀️ هوا صح في اشخاص يبعدو و يسيبو في الي يحبوهم و يسبلو بالظروف 🤦♀️💔بس والله في ظروف تجيرك تسيب اشخاص اغلي حتي من روحك 🙃💔..
" مرات البعد ظروف وقت مش خونه للغلا"في امان الله ❤🤚
أنت تقرأ
هذا واقعنا 💔⚡
Randomكلام و مواضيع من واقعنا بنحكيهم باليبي و الهدف من الكتاب كلام تقرؤ كلامي و تفهموه و تستفيدو منه مش هدفي ان نكون كاتبه او مشهوره لان يعتبر كلام عادي😊💛