هيام الشيخ

البارت الاول ❤

هلاو بلبدايه خلي اعرفكم عليه اسمي هيام مواليد 92 حاليا 27 سنه مواصفاتي شعري طويل اسود بشرتي بيضه عيوني واسعه وسود ومكحله ملامحي بريئه طبعا حياتي بيهة معناه بس رغم كلشي ابد منكسر خاطري صح مرات تنزل دمعتي تصدف ابد مانزل دمعتي غاليه جونو لكل يكولون هيام شخصيتهة قويه ويخافون منهة محد يوكف بوجهة لان جنت من اتصرف برزانه بحكمه عمري صغير بس لعمر مجرد رقم لكل جان يتمنى يصير مثلي بقوتي وبذكائي وابد مجنت اخاف من احد لان واثقه من نفسي واني وصغيره تعلمت على القوه ماكلكم جنت حبابه جنت مخبله وشويه عندي تصرفات طيش ولمشاكل يوووو شكد جنت اسوي مشاكل ورغم كلشي جنت اقره وانجح علمود ابد مامد ايدي لاحد اعرف صح من غلط بس مرات اتخبل مامدح بنفسي او اكبر نفسي بعين احد بس هاي اني

عندي اخت وحده هدى وتلث اخوان اخوان حسين اكبر واحد مواليد 85 همام 87 وعباس 95 عشنه بيت جدي 16 سنه ماعرف 17 سنه وبعدهة نتقلنه بلانبار راح ابديلكم قصتي من سنه 2005 جان عمري 13 سنه 2005

2005

الساعه 9صباحاً

كعدت من نوم نزلت جوه جانت عطل اخر سنه يعني حصير بلاول رحت غسلت وجهي وبدلت ونزلت

الجده.يايمه نزلت لعرمه بعد جديتج ياخايبه ماتجين تمرغيلي كريعاناتي

هيام.شمالج جده دكولي صباح الخير صباح لصخام تلكيتيني بكروعوج موعندج جناين وجهال تارس لبيت ترس لو اله هيام تمرغلج اله هيام

الجده. صخام بوجهج ياغمه لسان دلالات فلك طرج عمي مااريدن تمرغيلي لابارك الله بهل وجه

هيام.ضليت اضحك وعفتهم رحت تريكت لمحت من بعيد ادهم ابن عمي جاسم ديطب هذا لوليد كلما اشوفنه يجيني حماس مال فتانه واخرط لقضى ولمضى ومن شفته بساع نهزمت ني وداركض جان صيح جده

الجده.ياغمه.لاتكعين وتنكسرين بعد ياهو ياخذج

هيام.ضلي بهذا تفكيرج المتعجرف مادري لمتجعرف وهيه طفره وهوه نعال جده نوب شلون نعال يبوو يطك بلكاع نعالهة مال حمام لاستيك وضربتني على ضهري يمه شلون حمستني ورحت بساع للغرفه لكيت لبنات كاعدات
سجى بت عمي ناضم ومروه بت عمي جاسم وهدى كاعدات يسولفن شافتني جيت الهف وجهي احمر

مروه. خيرج يعرمه شجرالج شكو شمالج

هيام.كله منوره اخوج لعود ورفعت ايدي لسمه ربي وين انطي وجهيي

هدى.يايمه ولج احجي شجرالج

هيام.هذا ادهم شفته طب للمطبخ وني هذا من اشوفه يجيني حماس مال فتانه شسوي كللي

سجى.ياخايبه شمالج نتي مصخنه بيج شي حلمانه

هيام. لاعيني مابيه شي بيه بس لعافيه ومو صوجن صوجي انا اجيت اهنا شكولاتجن مو وجه نعمه لا والله صدك لو كال امير وجوهجن مو نعمه