نهوت شيوخ

بارت7

محمد:جنت نايم حسيت الباب نفتح بسرعه كمزت طلعت بنت عمي

ريتاج:اسفه خاف كعدت بس اجيت اخذ مخدات نريد نام

محمد:هاا لا اصلن اني جنت كاعد عفوا ممكن اسئلج سوال

ريتاج:اي تفضل اسئل

محمد:انتي شنو اسمج وشكد عمرج

ريتاج :اني اسمي ريتاج وعمري16سنه

محمد:هاا عاشت الاسامي والعمر كله يارب

ريتاج:تسلم حمودي يلا اني اترخص

محمد:عفوا عفوا شنو كولتي حمودي من وين تعرفي اسمي ؟؟

ريتاج :اي غير من رحت تغسل سمعت اخوي صكر يكولك محمد خلصت

محمد :هاا اوك مرخوصه عيني تصبحين على خير

ريتاج:ونته من اهل الخير باي رحت ركض الغرفتي جانن البنات نايمات اوووف ياربي ولله شكد حلو بس لا يطلع مزوج لو مخطوب لو يحب ولله ياريتاج نامي احسن الج نمت فزيت الصبح على هوسه بالبيت كاعدين يتريكون كمت غسلت وعدلت ملابسي ورحت يمهم

ريتاج:صباحوووو ياحبي بست ماما وبابا بوست الصباح لازم هاي احلى شي بالحيات الله يخليهم النه

ايلول:صباحج عسل حبي يلا اكعدي حتى نخلص ونطلع ويا الشباب للمول نجهز نفسنه بعد كم يوم راح ننتقل للبصره

روان:اكول لولو اذا نتقلنه بعد مانجي الاردن ها

ايلول:ولله اذا لزمنه جدج يمكن حتى الشارع بعد مانشوفه ههههههه

ريتاج:عزززه العد اني ماروح هاذي الحيات ماتحلى بدون الدياحه ياختاااه

ايلول:ادبسزز صوتج عدنه خطار ياطايحت الحض امشي كملي شغلج لا اصيح صكر عليج ولله

ريتاج:على كيفج يمعوده رايحه رايحه عابت

روان :جنت اغسل بالمطبخ وفجئه دخل عليه ولد من ولد عمي ماعرف اسمه

نمر:هاا اعتذر مادري بيج اهنا اسف بس اريد ماي

روان :هاا لا عادي اي تفضل

نمر:عفوا بس ماعرفت شنو اسمج

روان :اسمي روان ونته

نمر :عاشت الاسامي ولله اني اسمي نمر يلا كامو يصيحون باي

روان:بايات اووف ولله حلو هسه تجي ايلول وتكلب البيت فوك روسنه خلي اخلص احسن

ايلول :اكول ماما شنو رايج نطلع نشتري ملابس نروح بيهة للبصره

ام صكر:اي ولله حبيبتي بس يجي ابوج خلي ياخذكم يلا كومي صبي غده لولد عمج اجو

ايلول:من عيوني ياست الحبايب

ريتاج:ايييي عيوني ست الحبايب وحنه عيني ادبسزز وتغلطين ع قاطعتني

ايلول:ريتاج فدوة اروح الطولج امشي من كدامي تره مالي خلكج شكد تفلفسين براسي اووف عبالك بالعه مسجل شو امشي

فهد:هستوني ردت ادخل للمطبخ علمود لجاي وسمعتهة ترزل باختهة متت من ضحك عليهة نوب شلون عصبيه ولله هاي البنت كويه ياعيوني اجيتي برجليج لنار
....................

ديم:من راحو الشباب احس البيت ماله طعم همه جانو محلينه بصياحهم وشقاهم خلصت اليوم كله واني ارسم جنت كاعده وشعري مفتوح كمزت على دكت الباب لان جنت مركزه ويا الوحه

الشيخ بدر :ديم افتحي الباب شبيج صارلج من صبح بغرفتج مريضه بيج شي حبيبتي احجي

ديم:على كيفك على كيفك مابيه شي حبيبي بس كولت اضل اعدل بلوحات قطعني

الشيخ بدر:شنوو شنوو عيدي بله شكلتي

ديم :جنت اعدل بلوحاتي

الشيخ بدر:لا مو هاي قصدي عيدي الكلمه ديمي تره ولله كلبي مشلوع من وراج احجي لا تعبيني

ديم:صرت حمررره من الخجل هسه وكتهة تطلع هاي الكلمه

الشيخ بدر:حبيبتي ارفعي راسج وكوليهة

ديم:رفعت راسي صارت عيني بعينه كتله. حبيب حبيبي

الشيخ بدر:اوووف الللله الج يروحلج حبيبج وكل اهله وعشيرته سبع فدوات ياعيوني انتي

ديم:بسرعه اخذاني الحضنه ضل تقريبا عشر دقايق حاضني حسيت ضلوعي راح تنكسر من كثر قوت حضنه بس عطره اووف ياعطره يدوخ واني اصلن اموووت علي فدوة لكلبه حبيبي
..................

فهد :وره الغده رحنه للمول كلمن راح يجيب شغلاته اني ولشباب رحنه لمحلات بي قوط كلش حلوة شترينه اني ومحمد ونمر نفس الملابس اتفقنه نكعد كلنه بامطعم المول رحنه بس الي اسمهة ايلول ماكو

صكر:بنات العد وين ايلول شو ماكو وياكم

ريتاج:شنوو احنه عبالنه اجتكم

روان:هيه ماجت العد وين راحت عززه بس لا نخطفت يمه اختي

فهد :اهدئوو شباب مشو ندور عليهة موبايلهة عدهة

ريتاج:لا ماخذت موبايلهة تركته يم ماما

فهد:اوك اوك انتو روحو من هاي الجهة واني من الجهة الثانيه

الشباب :ماشي يلا

فهد :رحت ادور عليهة دخلت للمحلات وسئلت محد شافهة طلعت من اخر محل وجان اشوف ........
.
.
.
.
.
.
هيلاووو حبايبي يلا توقعاتكم شنو شاف حضرت الضابط فهد وشبيهة ايلول خلي اشوف تصويتاتكم ولتعليقات المعدله فديتكم يالعمرر انتضروني باجر بارت جديد بااي