زمـــــــــن ...💜🍃

1

.دخلت كالعادة المستشفي صحيح نسيت اعرفكم بنفسي انا دكتور صهيب لسه منقول لقسم الكبار اللي لسه مبني اصل انا بشتغل في مستشفي 57357 لعلاج السرطان دخلت لمدير المستشفي لأنه عايزني

صهيب:دكتور أورام في مستشفى 57357 عنده 28 سنة عنده عيون عسلية واسعة وشعر بني فاتح ناعم و من صفاته انه عنييييد لأقصي درجة مبيشرفش علي حالة الا لما تتعالج

صهيب:صباح الخير دكتور رأفت

د.رأفت النور يا دكتور صهيب اتفضل

صهيب: خير يا دكتور حضرتك كنت عاوزني

د.رأفت:انت هتتنقل لحالة جديدة الحالة ديه دخلها دكاترة كتير اووي بس مفيش اي استجابة خالص

صهيب:طب يتري بنت ولا ولد

د.رأفت:بنت عندها حوالي 18 سنة

صهيب:ممممم

د.رأفت:عندها سرطان في الدم من حوالي سنة ونص عندها يأس غير طبيعي حاولت تنتحر قبل كده اكتر من مرة منهم مرة كانت خلاص هتروح مننا بس لحقناها عند اخر لحظة استجابتها للعلاج تكاد تكون معدومة بسبب حالتها النفسية انا اخترتك انت تكون الدكتور اللي مسؤل عن حالتها لأني عرفك يا صهيب انك ممتاز في شغلك وكماان عندي اووي مش هتسيبها الا لما تخف

صهيب:ان شاء الله يا دكتور بس من كلام حضرتك شكل حالتها صعبة اووي

د.رأفت:يأسها هوا اللي مصعب حالتها لما حالتها النفسية تتظبط نقدر ساعتها نواجه المرض وفي فرصة كبيرة اووي للشفا بس اهم حاجة نفسيتها

صهيب:تمام يا دكتور اسمها ايه

د.رأفت:زمن اسمها زمن

صهيب بتعجب:اسمهااا ايه!!!!!

د.رأفت: اسمها زمن يا صهيب هيا اسمها غريب شوية واوضه*****

صهيب:ماشي زمن زمن بعد اذنك

د.رأفت:اتفضل

مشيت وانا رايح علي اوضة آآآآ..اسمها ايه ز.زمن زمن ايوة زمن وصلت عند اوضتها خبطت علي الباب واستنيت ترد بس مردتيش خبطت تاني برضه مفيش رد ففتحت الباب ودخلت كانت اوضة بسرير واحد وكان التكيف عالي فالجو في الاوضة كان برد وفي هدوء قاتل حتي التيلفزيون مقفول للحظة تخيلت ان الاوضة مفيهاش حد لغاية اما لقيت واحدة مدياني ضهرها عرفت انها بنت بسبب شعرها الطوويل اللي مغطي ضهرها روحت ناحية البنت صاحبة الشعر الاصفر ديه ووقفت جمبها و..

صهيب:احم...آآ

رفعت وشها وبصتلي بعيونها الخضرا الواسعة

صهيب:انا دكتور صهيب ...انتي زمن صح

البنت:ايوه

مراد:طيب يا زمن انا عايز اتكلم معاكي شوية

زمن:وانا مش عايزة