تاني يوم صحيت زمن واخدت شاور وصلت ولبست زي عباية كده بس قصيرة بعد ركبتها لونها ابيض وعليها رسومات بينك ولبست كوركس بينك وسرحت شعرها وجابت طرفيه وعملتهم ديل حصان وسابت الباقي
صهيب: صباح الخير
زمن: صباح النور
صهيب: يلا عشان تفطري
زمن: يلاا
نزلت زمن وقعدت مع رنا وعملت زي كل مرة بدلت الاطباق وشوية وطلعت اوضتها
صهيب: قومي اعملك فحص صغير كده
راحت زمن ومعاها مريم وصهيب
وعملها صهيب تحليل واشاعة وبعدين وزنها علي الميزان
صهيب بزعيق: ايه ده انتي جسمك قل جدا ازااي وانتي كنتي بتنزلي تاكلي
زمن: م.مقلش
صهيب بزعيق: زمن متكدبيش انتي وزنك قل انا بقول عايز جسمك يزيد انتي وزنك بيقل؟
زمن: م.معرفش
صهيب بعصبية: متعرفيش؟ اه المفروض مين اللي يعرف اناااا؟
حست زمن ان الظلام بيحاوطها مش قادرة تقف والدنيا بتلف بيها واغمي عليها
جري عليها صهيب ومريم
صهيب: زمن زمن
وفضل يخبط علي وشها
صهيب: مريم جهاز الضغط بسرعة
جابت مريم جهاز الضغط وقاس صهيب الضغط لزمن
صهيب: ضغطها وااطي اووي ده من قلة الاكل بس انا هتجنن ازاي وانا بوديها هناك تاكل
مريم:حضرتك دي ملحقتش تبدأ اكل اكيد جسمها مش هيلحق يزيد
صهيب بتفكير: صح انتي عندك حق انا هصبر كام يوم وارجع اوزنها
شالها صهيب من الارض واخدها اوضتها وعلق ليها محلول عشان يرفع الضغط شوية وفضل قاعد معاها هوا و مريم
مريم: بس حضرتك اتعصبت عليها جامد
صهيب: اعمل ايه يا مريم انا اول ما لقيت وزنها قل كده بقيت هتجنن انتي مش شايفة هيا رفيعة ازاي
مريم: ايوة بس حضرتك عارف ان زمن مش بتيجي بالعصبية ولا ايه
صهيب: عموما هيا لما تفوق هخدها تعمل جلسة الكيماوي
مريم: طيب بس بلاش عصبية
صهيب: ماشي يا مريم
بص صهيب علي زمن وشوية بدأت زمن تفوق
صهيب: يلا يا زمن عشان الجلسة
بلعت زمن ريقها بخوف
زمن:م.ماشي
وقامت زمن ومشيت مع صهيب وهيا خايفة
صهيب: نامي علي السرير يا زمن
أنت تقرأ
زمـــــــــن ...💜🍃
Romanceفي عز ضعفي قوتني وفي عز الضلمة اللي كنت حابسة نفسي فيها جيتلي النور في عز يأسي كنت الامل في عز حزني كنت الفرحة في عز مرضي كنت علاجــــــــي ...! ••••••••••••••• اتمني تعجبكوا الرواية ديه💞
