عڜگ الچاسر

7

مرتايام كلش حلوة بيني وبين جاسر  كانت الحياة اللي جنت اتمناها جان ياخذني يونسني ونسافر نروح للمحافظات كلش كلش تونست وياه ونسيت كل الكلام لي كاله الي قبل الزواج واني كلت خلص الماضي راح ومراح  يرجع  ليج اعيش حياتي واتقبلها مثل ماهي خاصة اني هسة كلش فرحانة وية حبيبي

مر على زواجنا اني وجاسر شهر و15 يوم من احلى ايام عمري وي حبيبي وعمتي جانت متخليني اشتغل لاهي ولا البنات يكولون بعدج عروس ومتشتغلين هسة بس اني ابد مارد عليهم

بس دائما الفرحة مادووم ولازم ينقص شي ويفوت على حياتج مشاكل تخليج تكرهين نفسج وتكرهين الزواج همين

جاسر يعاملي بلطف بحنيةكاني بنته وحتى عمتي جانت تعاملني نفس المعاملة

بس تغيرت ‭‭‭180‬‬‬ درجة عني صارت تصرخ علي ومرات حتى تمد ايده عليه واني مااحجي  لجاسر ولا اكول شي

مهما يكون هي مثل امي بس هذا الشي زاد عن حده صارت يومية تصرخ عني على شغل البيت مع انو ابد مومقصرة

تكلي والله جبتج وندمت جنت احسب بيج خير رح يصيرلج شهرين عندنا وما حبلتي ليش اكيد انتي عاقر يعني كلام يسد البدن

وكثرت جيات اختها وبنتها عندها يعني يوم بعد يوم عندنا ونور ابد متغيرت علي نفسها اختي وصديقتي ودائما تصبرني

وتكلي لا تهتمين لامي بس تحجي والله تحبج ومن هالحجي

جاس/ مرت احلى ايام حياتي وي بت كلبي واني مدللها وهي مدللتني وابد ماقصرت وياي ردت كل هالفرحة دوم

واني رجعت لشغلي تقريبا ماافوت للبيت كثير اغلبية افةت بس بليل لان اليوم كله مشغول جيهان تتلكاني بضحكتها وجه البشوش واني حاسس بيها شي بس ابد ماتحجي اسئلها تكلي بس من تعب

وتفضل السكوت الى مرت ايام وصارت تنك علي تريد ولاد

ادري كل بنية تتزوج تريد ولاد تلعب بيهم وتفرح همين بس مابايدنا شي كل شي بايد رب العالمين ننتظر حتى يكتب رب العالمين

بس هي لا ماتوكف نك الا اني يوم صارت مشكلة بينا

جيهان/ جااسر حبيبي خليني اروح لدكتور والله بس اريح كلبي اشوف شنو بية مابيه

جاسر/خلص جيهان فوتي هالموضوع  اذا الله راد برزقنا شنو لحيتي هيج

جيهان/ جاسر والله اذا ماتاخذني اروح لماما تاخذني والله بس اطمن كلبي الله يخليك جاسر وداعت كل عزيز على كلبك اخذني

جاسر/ جيييييييهان كافي خلص كلت ماكو روحة وانسي هالموضوع حتى تفرج بعدين اني ماريد ولاد

جيهان ببجي/ هااا انت ماتريد مني  ولااااد مو ياجاسر لان امك قرت براسك تاخذ بت خالتك

جاسر بعصبية / شهالحجي جيهان ومنو كلج اني اريد اخذ بت خالتي 

هايعني صدك جاسر تريد تتزوج علي والله اكتل روحي ولا ابقى وياك 

ماحسيت الا براشدي سطرني سطر

خلص ولجج كااافي زهكتيني  من طاح حظ هالعيشة النكرة وج ملييييييت منج ملييييت شبيج لحيتيي على الجهال شبيج جيهان انتي من صدك تغيرتي

طلع وخبط وراه الباب

اني كعدت على ركبي وابجي على حضي وليش مااجيب ولاد لييش ياربي

من جاسر لحد هسة ماجى صارت الاعة 12 بليل وبعده مادخل

بقيييت انتظره حتى ‭‭‭‭‭‭12.30‬‬‬‬‬‬ يلا اجى كالب وجهه علي وداير وجهه كانه مايشوفني  ولا رغايد يشوفني

اهئ اهئ جاسر حبيبي الله يخليك حس بيه انت ليش هيج هيج متحس والله جاي اموت

جاسر/ بعد ماصارت المشكلة بيني وبين جيهان طلعت من البيت صارتا عندنا كعدة مارجعت للبيت الا على الساعة ‭‭‭‭‭‭12.30‬‬‬‬‬‬ فتت للغرفة واشوف بت كلبي شون تبجي كطعت كلبي ماحب اشوفها تبجي ولا زعلانة بس هي لحت هواي على هالمضوع والله اني مالحيت مثلها اكيد اريد صير عندي ولاد بس كلشي بايد رب العالمين حضنتني من ظهري وهي تبجي درت عليها وجريتها لحضن اريد ادخلها بين ضلوعي

اششش وج كافي مو راحن عيونج يروحي انتي والله نروح لدكتور بس اصبري شوي ليش هيج لحيتي على الولاد جيهان بعدنا عندنا بس 4 اشهر اكو ناس ماتجيب الا بعد سنة سنتين

جيهان/ جاسر والله مجاي اتحمل بعد امك على الطالعة والنازلة تعيرني وكالت تريد تزوجك ببنت خالتك وانت كتلها هيج وراح ياخذووك مني جاسر والله اموت الله عليك جاسر اخذني بس مرة وحدة وريح كلبي الله يخليك

جاسر/ يعني هذا حجي امي مو بسيطة خلص يرويحتي باجر اخذج ونروح والله يلا تعي نام تاخر الوكت

.....................................................................................................................................................

السلام علييكم حبايبي كلش كلش اشتاقيت الكم ادري زعلانين مني بس والله ضرووفي ومشاكل وانتو تدرون بكل بيت اكو مشاكل

بس الحمدلله مرت على خييير

وهذا بارت بمناسبة عيد الفطر احب اعيد عليكم مسبقا

اكلكم كل عام وانتو بالف خير ينعاد عليكم بالعافية والخير