Maling Pag-ibig
Kailan ba matatapos ang pagtangis?
Ng puso kong pag-ibig mo lang ang nais
Hanggang kailan ba ako magtitiis?
Para sa pagsinta mong walang kaparis.
Kailan mu matututunang mahalin?
Ang tulad kong sa pag-ibig mo'y alipin
Lahat ng paraan ay aking gagawin
Upang pag-ibig ko sayo'y kilalanin.
Ikaw lamang ang tangi kong hinihiling
Na sana'y palaging nasa aking piling
Sa pagtulog ko at sa aking paggising
Laging mamalas ang 'yong mukhang maningning.
Tila ba lahat ng ito'y kabaliwan?
Sapagkat ako lamang ay masasaktan
Dahil turing mo lamang ay hanggang kaibigan
Na kailanma'y hindi madudugtungan.