ولد العم الداني

1

كانت نائمه ك العاده فهي والنوم عشق لا ينتهي
سهيله (ام لجين😍):حي عليها الوقت فات 😴ومزال راقده😮
لجين 💤😴😴😴😴
سهيله:  يالجاااااين
لجين نطت بفزع:وين علاش شن فيه كم الساعه 😭من مات
سهيله باست يدها وش وقفا :  انتي اتحج العنز ع قرونها وانتي مش حتعقلي

لجين تحك فعيونها:  عنز وتيس ع صبح 😒😓 نضت
دخلت الى الحمام
سهيله :سقدي يافالحه باش تمشي مع ياسر متعطليش ب راجل
لجين:نعم ووين السواق 😒
سهيله :مهناش السواق ☺وهيا سقدي باش تفطري وتمشي لي مدرستك
لجين :اوكي مامي دقايق بس 😘
توقفت عن الحركه وهي تنظر للمرءه: ايييه علينا تو بيرفعني الاخ ياسر وبيسحن كبدي ع صبح 😖
على طاولة الفطور تجتمع عائلة (الهيوي)
لجين :ماما علاش مش حاطين زيتون
الجد :اهو يابنتي الماكله هلبا غير كولي
لجين :لللا بنجيب زيتون   انتم تعرفو بلاه فطوري ميحلاش
وذهبت وهي ترتدي جورب واحد والاخر على المقعد (فتات فوضاويه 🙃)
جاءت سهيله تحمل اكواب
خالد: وين بنتك معدش جت تفطر
سهيله وهي تسحب المقعد لتجلس
: اتخبط فللمطبخ وتعارك علخدامات اللي نسو الزيتون🤨
خالد يسكب الشاي  :بنتي هدي مش عارف امتى بدير عقل
عبد الله بابتسامه :تو تعقل في حوش راجلها
رفاه:  😂😂مش متخيلتها عاقله
فلمطبخ
عند خروجها من المطبخ  وهي تحمل علبة الزيتون كامله مع ابتسامه عريضه على شفتيها 😊 اصطمت بطول الفارغ والعريض طفففف بممممم كشششش🤯
الى ان سقط  الزيتون علي زيها المدرسي 
ياسر امسك انفه ضاحكا:  😂😂😂برري بدلي
لجين بغل وعياط :خيرك النهار الاحرف ماتشوفش قدامك ليش ربي مدايرلك اعيون
ياسر الحمد الله ع نعمة العقل 😂:مرزن دمك
لجين :دمك لرزين شن اني قلت نكته ياأخ ياسر 😑وبعدين اعيونك في راسك ولا بطن رجليك متشوفش
ياسر 🤨:ترا بلى لكاعة وصحة وجه  وتعلمي كيف تتكلمي معاي
لجين يماما هذا علاش فيسع مايفنص :تي برا يامريض
ياسر : برري من فجنبي
نادت على الخادمه:  سعااد تعالي ارفعي اللي طاح
الله غالب في فيلة الهيوي في ناس فاقده النظر والذوق وفن الاعتذار
وذهبت مسرعه اللي الدور الخاص ب خالد الذي يقسم لجناحين متسعات وغرفة ضيوف ومطبخ
لجين وهي تصعد الدرج
الجد :وين يابنتي افطري
علي جيت ياسر شافها من فوق لي تحت وجي قمعز
شبحتله لجين باستفزاز وتكلمت : والله ياجدي ياسر خللاهالي في رقبتي وهووا يشتم ويعارك ميسحابش انني اكبيره والمفروض يحترمني
ياسر :بتكبر روحها بسيف اتخرجي من التانوي بعدها اتكلمي
عبدالله" ياسر احترم جدك
ياسر 🤬 : به صبح 😤
لجين: بس انا ماغلطش فيك انت هزبتني ع صبح ربي وغير هكي امس بزعت عليا طاست اميه بلعناد وديما تهزب فيا من دون سبب بلأصح من لما مشي رائد جاتك عليا شكلك كسدة.
ياسر بمجرد ذكرها لرائد انزعج وبقوه فهي ذكرته بموضوع يحاول ان يتناساه بكل مااوتي من قوه وقف ياسر  الى ان وقع الكرسي
خالد عيط عليها:  لجييين فوق لي دارك بلى لكاعه
لجين:  اووف
وصعدت لطابق
الجد :ياسركم عاد ياسر نوض معاي
ناض ياسر لي دار جده
الجد :ياسر خيرك مع لجين راني منتبهلك ديما مشاكل وانت اللي تنابش فيها وتكشخ عليها هيا معدش اصغيره زي قبل فلذلك لازم تحترمها
بكرا ولا بعده تمشي تتجوز وتوللي مرا وانتم مزال هكي ..
ياسر(متقبلش فكرة لجين كبرت واخر سنه ثانوي ..حس بغيظ لمجرد مسمع اننه حتتجوز اضاايق و خطروله ذكريات ايحاول يتناساهم ):تمام ياجدو سامحنا نبحنا ريقك
الجد : لا حصل خير بس بطلو التفاهات اللي ديرو فيهم
(ع فكره جدهم مش اكبير هلللبا وهوا شخص متعلم ومثقف ولاف الدنيا )
اقبل الجد على الخروج و قال:خطمها علي مدرستها لاننه انا وعمامك مش نفس لطريق وبتعطلنا
ياسر :وين للشوفير
الجد :واخد اجازه مرضيه
ياسر :تمام
قدام الباب الرئيسي :طلعت لجين ورفاه
كانت لجين ترتدي زي مدرسي ضيق وطويل ووشاح اسود (حرايري  واسبيدو اديداس ابيض افلات وقميص ابيض وحقيبه بيضاء اديداس) 
ياسر
ياربي من هلبنت مدايرتلي الحاله وديما قالبه الطاوله عليا وكأنها البريئه --فتح شباكه وشبحلها :سقدي ياشاطره
ركبت معاه باأجبار عائلي لا أرادي
لجين :يارب صبرك
رفاه: روقو بس 😂
ياسر :نعم
لجين ( ياربي علي هلحصله):شي
ياسر شبحلها :قصتك
لجين:خيرها
ياسر:دخليها وهيا زي السانك ديما طالعه
رفاه:  وووووو🤣🤣🤣🤣ووو متت 🙃🤣🤣🤣
لجين دخلتها :صبح 🙂نسكتو وخلاص
ياسر :اكويس😒
فلشركه
الجد وألاده في اجتماع لديهم صفقه مهمه ستربحهم برقم ممتاز
سالم الساعدي (صديق) (وشريك) :اوكي اتفقنا ان شالله لمور اتكون تمام
وحنخلي حسام ولدي يتواصل معاكم لاني  عندي سفره للاردن
الجد :تمام بس اليوم عشاكم عندي
سالم :لا والله مفيش داعي اتكلف علي نفسك وان شالله بعد ماتكتمل الصفقه
خالد:😄كيف ياراجل اترد الوالد اليوم تفضلو ومافيها كلافه احني اهل واصحاب
عبدالله :تشرف يا سالم انت خو وصاحب
سالم :بيكم زاد الشرف لاكن
خالد :بلى لاكن اكيد مش حتردنا
:
سالم :لا والله ماترتدو انشالله لليل انكونو عندكم
عبد الله: اتشرف في وقت
وسلمو وطلعو
وحل المساء وظهر نور القمر
في فيلةة الهيوي
استقبلو سالم وولده رائد احلى استقبال
وشباب جلسو على ارائك تبعد عنهم
فهد :ريتو الاسيكو 😍اللي نازله فلسوق
ياسر:اي حاجه من لاخير
حسام:انا ليا فتر عن المعارض الحق بس صاحبي قال بيشريها
فهد :اي حاجه اقنينه
علي (زوج ليلى):والله مش اقنينه وخلاص تي مشالله عذاب تسطريب
فهد :😎اي تو بنشريها
عند الشياب
سالم :وين خليفه مزال امطول
الهيوي:مزال علي عمله
🎇✨
حسام :ياسر من وين الحمام
ياسر :في تاني ممر عليمين
مشى حسام سالم بخطوه رجوليه ثابته وبهيبته وقامته الحلوه🤗وفات بس للحمام النسائي على عكس الجهه (لخبط)😂
لما كان خاش استغرب ديكور الصاله فخم ونازك بس انثوي اسمع صوت اميه فلما قدم للمر
تنح فلكائن اللي واقف علمرايا 😮والاخت مش عبالها انها تلتفت وقاعده اتغني طبعا هيا تتغطى جنب صغار عمها بس كان وشاحها قدام الحمام
لابسه افارول بيتي وكا موري كل معالم جسمها الفاتنه😍وشعرها اللي لين تحت ظهرها ولما التفت والتفت النهر الاسود معاها 😍
لجين صبت وجهها قعد احمر ومعرفتش تتحرك نطقت :انت من وكيف تجي لجناح النساء انت معندكش محارم ولا ماتحسش في غيرك اصلا كيف اتخش هكي
حسام :معليش مش قاصد

                      الكاتبه#إيمان ✨🌺الهيوي
(سطت 🎼✨على ❤ قلبي)
عوده

بم
بب م
ياااااسر
الراجل واقف ويتمعن والاخت💔 معليى صوتها. والامور مبحبحه لاحسيب لا رقيب 😠❌
ياسر نطق ::حسام شن ادير هنا لجين صكري الباب
لجين صكرت باب الحمام حييييي نهاري امغبررر ر شن درت نا مالي ومال التنبله ياريتني ارقيت لي حمامي😭
ياسر انجن
وحسام يتعذر
ياسر:عموما تقدر تتفضل حصل خير
حسام صار اسمها لجين عليك طرف:تمام واسفين ومشى
ياسر عصصصب وهوا عصبي بعادته و في داخله وبركان سيثوور 🔥✨✨✨✨
:اطلعي ياانسه لجين وريني جمالك 😠
لجين حيي عليا:ياسر مامعاياش وشاح مدهولي فلممر
ياسرغااااااض :وحسام اللي كان يتمعن فيك محرم! وانتي طالقه السالف🤓 اللي حتى نا معاك😡 مش شايفه وهو سبحانه علصدف🤬 اللي تصنعي فيهم
لجين غاضت هذا شن يحساب روحه :قتلك مقصديش واكيد مش رخيصه بيش نعرض روحي للخاش وطالع احترم نفسك ورقع دوتك 😟

ياسر ايعيط عليها😡 :وانتي شن جيبك لي حمام الصاله مش دايريلك مصيبه فوق خشي فيه

لجين :انت هي مدلي شالي وتو نطلع انفهمك
مدلها شالها

لبست وطلعت :اولا انا ماقصديش الغلط منك مخلي لذكور يتلاوذو في مكانك
وتانيا انا تربيتي ماعلمتنيش علي انني نغلط غلط زي هكي ومعدش اتعيط عليا وبعدين انت شن حارققك مرات نعجبه ويعجبني ويخطبني ويتلللفني من خليقتك
كان ياسر يتمعن بها وكانه لاول مره يراها 
ياسر.
زادت
من عصبيته    والاخت هامت واكملت ماتقول بكل ثقه غير ابها بشيء 😡🤯مسكها من معصمها والصقها ب الحائط  وحاصرها بين يداه ضرب يده ب الحائط
انتي رفضتي رائد وانا بعدة عنك اجباري تمشي وتاخدي البراني قال
:احترمي نفسك وبلاش دوه زايده وجلوط
والموت اقربلك من ان وسكت
لجين
ياماما هدا خيره اللطف رقد اعضامي وهوا يفنص :ا وكي نحي مكاسيرك
ياسر مش طبيعي اعنادها يارب عض السانه وقعد ايخبط فلساس اكتر من مره ويعيط وغايض :اتلفي لي دارك وصكري كشختك
مشت لجين تجري ومستغربه في ردة فعل ولد عمها
......عند ياسر
 

  (‏فيني شوق وحُب وزعل لشخص واحد )

يابنت عمي ياقالبه كياني ياللي فجرتك معدش فهمت روحي
رن تيليفونه
تؤام روحي
:الوووو يالحب
رائد:  ولد عمي شنجووو
ياسر:  من لما سافرت بسبة ام السان وحالي مش تمام

رائد: شن جوها
ياسر:  مزال مانسيتها
رائد: لا بديت وان شالله نقدر
رائد: وين رفاه حبيبت خوها
ياسر:  زعلانه ف اغلب اوقاتها
رائد:  يالله ان شالله مش مطول
ياسر:  نفس الجمل ديما
رائد :ايصير خير

شن سبب سفر رائد
ليش ياسرايعامل فيها هكي
حسام  لي شن حيوصل
و لجين وين بتوصل  بعنادها
وكلللله 👇👇👇👇👇

/ومازالت البدايه ///////
😋😍رايكم بليز انكمل ولا ستوووب
#Emoo As 💜
@Eman Alh 🔥ايمان الهيوي الكاتبه 🔥👆👆👆👆