بوسعي ان اقضي العمر كله مسكوناًً بهذا السؤال ؟
"كيف تغيب الاشياء التي بدت وكأنها ستبقى الى الأبد..
_________________________
ايه. اكلج سيلو خلي نروح للكافتريا جوعانه
سيلا. ام بطن شكد تاكلين وياريت لو يبين عليج
ايه. لج محاضرة استاذ احمد تخلي الواحد مو بس يجوع
سيلا. ههههه يلا امشي نروح شكد تلغين
ايه. تحجين عليه الة اكل على حسابج لعد 😌
سيلا. مو تدللين يلا نروح 😏
"وباثناء مجاي نمشي نروح للكافتريا اجاني مسج "
سيلا. جمدت بمكاني من الصدمة مداي اصدك الي داي اشوفة تمنيت يوكف بيه الزمن حتى استوعب الي ديصير صابتني نوبة فزع رحت حتى اتاكد من الي اشوفه وتمنيت اني بكابوس مو حقيقة بس مع الاسف اجتني الطعنه من اقرب شخص اليه من روحي ونصف عمرري عقلي مداي يستوعب الي ديصير والي دتشوفه عيوني صورت الموقف حتى اصدك حتى من يرجعلي عقلي اشوف شنو الي ديصير.
ايه. اي سيلو شخبار جو....هاي وينهة
"باوعت عليهة شفتهة مصدومة او واكفة واني مشيت الطريق وحدي رجعتلهة حتى اشوف شبيهة شفتهة كامت تمشي بكل سرعة اتوجهت نحو المعسكر مال جيش الي بصف الكليه لحكتهة بدون وعي حتى اعرف شبيهة كلش خفت عليهة ومن فتت للغرفة وراهة عرفت شبيهة جريتهة وطلعتهة من المكان وهية مو مستوعبه الي ديصير كعدتهة بحديقة الكليه وضلت ساكته ساعات احاول احاجيهة مترد عليه حست روحهة انخذلت والي استغربته اكثر انو مانزلت ولا دمعه من عيونهة
مرات الانسان من شدة الالم الي يحس بي يلجا للصمت. لاشيئ يصعب تفسيرة كما يصعب تفسير الصمت فهو الاحترام والاهانة والرضا والسخط اللامبالاة والمبالاة كلها.
بعد مرور ٣ساعات
————————
ايه. يلا سيلو خلي نروح خلص الدوام
سيلا. كمت ومشيت وياهة واتخذت قراري الحتمي مراح اكوللهة على قراري حتى لاتحاول تاثر عليه خليهة على باجر اكوللهة رجعنه للبيت حاولت اخفي الي شفته من ملامحي بس ماكدرت بس برغم هالشي من احد يسالني اكول ماجاوبت بالامتحان ومقهورة ويكعدون يواسوني ويحاولون يرضوني بس كسر الكلب ماينجبر طبعا حاجيت اهلي بقراري الي اتخذته طبعا كلهم حزنو وضاجو بس بالنهايه هايه حياتي ومصيري فتقبلو الموضوع وجانو كلش فخورين بيه.
"كيف يتم اقناع الغصن المكسور ان الريح قد اعتذر"
ها شتريدون مراح اكوللكم الصار وشنو القرار الي اتخذته سيلا هسة لان هاي تعتبر تسريع للاحداث حتى اشوقكم اذا حابين تعرفون شنو الصار تابعو القصة وعالبارتات القادمة راح يتوضحلكم كل شي احبكم♥️
انتضرو البارت كل يوم بنفس التوقيت وادعموني بتعليقاتكم الحلوة حتى اكمللكم القصة وتكونون راضين وشكرا♥️♥️
Write:-Nabaa
أنت تقرأ
فصليه الحب
Romanceعندما كنت في الخامسة عشر من عمري وقعتُ في حبك والى الان لم اعرف طريق الخروج كانك سوادا عمى عيني عن العالم وعندما ذهبت تركتني في وسط فوضى من الذكريات التي لم ترحمني اتمنى ان يجمعني الرحمن بك فهو اعلم بحبي منك
