واخيرا احبها ♥️

البارت الثالث

البارت الثالث
دخلت حياه المكتب واذا بها تتفاجأ
عبدالله وحياه في نفس اللحظه :انت
بعض لحظات الصدمه تحدث عبدالله اخيرا :اتفضلي يا انسه حياه اقعدي
جلست حياه وكانت مرتبكه بعض الشئ
عبدالله :بصي هو انا لسه ماسك الشغل جديد وكنت محتاجه سكرتيره خاصه تراجع الورق ورايا وتشوف مواعيدي والاجتماعات اللي بتحصل كل يوم والورق المختوم
حياه:تمام يا استاذ عبدالله
عبدالله :قوليلي عبدالله بس بلاش الرسميات ثم سكت برهه وتحدث مره ثانيه :بس هو انتي مستنتيش تخلصي كليتك الأول لي
حياه وهي تحاول التحكم في دموعها :امي كانت عايزاني اشتغل قبل ما أخذ الشهاده
ثم انفجرت في بكاء حاد فهم عبدالله حالتها فامها ماتت منذ شهر فقط حاول أن يهدءها وهي مازالت تبكي جلب لها بعض من الماء سريعا فاخذته
عبدالله :انا اسف علي السؤال بجد ربنا يرحمها ويغفر لها ويسكنها فسيح جناته
حياه :امين يا رب
عبدالله :هتبتدي الشغل من بكرا ان شاء الله
حياه :تمام ثم سكتت برهه وتحدثت:ممكن اسأل سؤال
عبدالله :اكيد
حياه :هو احنا هنروح الشغل والجامعه في نفس الوقت ولا هنشتغل في الجامعه
نظر لها عبدالله وانفجر في.الضحك تعجبت حياه منه لما يضحك هكذا ونظرت له وجدت ضحكته جميله للغايه تقريبا أجمل شئ به حتي الآن
عبدالله :لا اكيد مش هنشتغل في الجامعه بس لو تحبي ماشي، موضوع الشغل والجامعه دا بابا هيضبطه مع مدير الجامعه و هيعملنا انصراف في نص اليوم
حياه:بس احنا كدا مش هنحضر معظم المحاضرات كدا
عبدالله :في ملخصات هتبقي ناخدها من الدكتور.
حياه :تمام اتفقنا
عبد الله :تمام
ثم استأذنت حياه وذهبت بينما عبدالله في سره"انتي بتهزري. اكيد يعني انا بحاول انساكي وانتي تيجي تشتغلي سكرتيرتي الخاصه"
######################
صباحا في منزل حياه
حياه :ما خلاص بقي يا معاذ ما قولنا باباه محمد البنا صاحب اكبر شركه تصدير واستيراد النحاس
معاذ :يا حياه يعني اي هتقسمي وقتك بين الجامعه والشغل انتي كدا هتتعبي
حياه :متقلقش عليا يا روحي ربك يحلها
معاذ :ان شاء الله يلا بقي سلام
############
في الجامعه يقف عبدالله مع أصدقائه
فارس:بس اي يا عم ربنا نجدك من بيري دي
احمد :انا اي يابني عمرك ما تخسر رهان ابدا
عبدالله بغرور مطصنع:طبعا يا بني دا انا عبدالله البنا
فارس :طب والله لاخليك تعلق واحده وتخسر الرهان المره دي
عبدالله :بس بقي علشان انت كل مره بتقول كدا وبكسبه في إلاخر
احمد:هو صحيح موضوع السكرتيره بتاعتك دا
عبدالله :موضوع اي
احمد :أن البت دي معانا في الجامعه
عبدالله :اه معانا في الجامعه اسمها حياه وبعد برهه دخلت حياه الجامعه ثم قال عبدالله موجهه كلامه لأحمد :هي اللي هناك دي اللي لابسه فستان اسود
فارس :اي القمر دا يا عم
احمد:والله ولعبت معاك يا بوده
فارس :دي بتشتغل معاك ازاي دي
عبدالله :شبهه الناس يا حبيبي ويلا بقي بلاش رغي
انهي عبدالله وحياه المحاضره الاولي وخرجوا ليذهبوا الي العمل ظن عبدالله انها هتركب معه ولكن خانت ظنه وذهبت لتذهب بتاكسي ذهب عبدالله ناحيتها
عبدالله :انسه حياه
حياه:ازيك يا استاذ عبدالله
عبدالله :الحمد الله بصي تعالي هتركبي معايا علشان مش هتلاقي موصلات توديكي الشركه
حياه :لا شكرا جدا انا هركب اي تاكسي وهروح ان شاء الله
عبدالله :مش هينفع يرضيكي بابا يهزقني علشان اتمرمتي معايا وهو واقفلي علي الواحده
ابتسمت حياه رغم عنها ثم قالت :ميرسي بجد مش هينفع
بعد إلحاح عبدالله عليها ركبت معه وكانت مرتبكه كثيرا
عبدالله :ما تقولي اي حاجه عنك بدل الملل دا
حياه :شكل اي يعني.
عبدالله :اي حاجه عرفيني علي نفسك
حياه:مممم انا حياه محمود وعندي 22سنه وعايشه مع اخويا وبس وانت
عبدالله :انا يا ستي عبدالله البنا عندي برضو 22 سنه وعايش مع امي وابويا وفي بتاعه صغيره في البيت كدا بيقولوا انها اختي يعني
ضحكت حياه رغم عندها ثم قال عبدالله :وصلنا يا ستي اهو
ودلفا الي الشركه
تعبت حياه في يومها الأول لانها لم تتعود علي هذا العمل الكثير وايضا كانت تتعرف علي العمل اخذت أغراضها وكانت الساعه ٩ مساءا وكانت ستذهب لولا سمعت صوت عبدالله يقول لها:هوصلك انا
حياه :لا لا شكرا انا هروح كانت هتذهب لولا أن عبدالله امسكها من معصمها وقال:هتمشي قدامي وهوصلك بكل هدوء من غير كلام كتير علشان انا عندي اخت شبهك ومرضاش انها تروح الساعه ٩ لوحدها
لم  تستطع حياه الرد وذهبت خلفه ركبت بجابنه وكان الصمت سيد المكان قطع هذا الصمت عبدالله :احنا ممكن نبقي صحاب الموضوع هيبقي سهل وهنعرف نتعامل مع بعض اكتر
حياه بارتباك :انا مش بعرف اتكلم مع حد غريب وعمري ما كلمت حد غريب قبل كدا
عبدالله :اعتبرني اخوكي وكمان انتي لازم تعرفيني علي اخوكي علشان اعرفه اني هوصلك كل مره علشان ميقلقش ثم أعطاها كارت وقال لها :دا رقمي كلميني عليه وسجليه لو عوزتي اي حاجه متتردديش
ظل يتحدث وهي لا تعرف ماذا تقول
ثم وصل اللي بيتهم وقال :تصبحي علي خير خلي بالك من نفسك
حياه :وانت من اهله وفي سرها"هو لي مهتم بيا اوي كدا"
ذهبت حياه وظلت تحدث نفسها "بس الواد مز يا بت حلاوه اي دي بس، بس بس يا حياه دا مديرك في الشركه الله، بس اي عليه نظره يخربيت جماله، بسسسسسسس اخرسي بقي" وظلت تحدث نفسها حتي دخلت اللي المنزل ثم تفاجأت ونظرت لها بنظره صدمه وخوف :عمتي!!!
البارت خلص البارت الثالث