جنوني_أدخلني_عالم_المافيا

partie 1

الحلقة 1: سيدال : يااااي ريناد شوفي الحالة معمرا ليڨارد كور و الطونوبيلات كحولة باينا الحالا اكشن و مافيا لداخل ايا ندخلوا ريناد : اوووف شبيك هبلتي نتي سيدال : ايا تعيشي تعرفيني نموت علا هاد الحاجات ..ندخلوا و نشوفوا واش كاين برك و نخرجوا ريناد : تسما دوك عندنا شحال ماتلاقيناش و كي تلاقينا باش نتعششاو و نڨصروا نتي حابا دخلينا هنا و بلاك مانخرجوش حيين سيدال : لالا نخرجوا حيين ماتتقلقيش ريناد : امشي امشي خلينا من التمسخير ديالك سيدال : اووووف نتي كون مانكركركش ماجيش و جبدتها من يدها و راحت بالاتجاه تاع الاوتال لي واقفين عند بابو ليڨارد كور لي معا اللول ماخلاوهاش تدخل بصح سسدال عرفتلها و غمزت لواحد برك و مدتلوا النيميرو لي ألفاتو من راسها و خلاها تدخل دخلوا و بداو يدوروا حتا وضلوا لصالة معمرا بالرجال و النسا لي باين عليهوم مرفهين غير دخلت سيدال الاعين كل دارت ليها علا زينها و زيد كيفاش حفلة كيما هادي جايا ليها بلبسة هكاك ____________________­_______ أنس : إياد شفت هادوك الزوج بنات لي جاو عندهوم واحد 10 دقايق إياد : ايه واشبيهوم أنس : ملي جاو و هوما يدوروا و لبستهوم ماتوحيش بلي مالمعازيم و راني شاك فيهوم إياد : واش تقصد مبعوتين يخربوا الحفلة أنس : جاسوسات إياد : روح دوك شوفلي شكونهوم أنس : اوك ________ _________________ ريناد : سيدال يعيشك ايا نخرجوا الحالا متبشرش بالخير و راني خايفا سيدال : من واش خايفا مايديرولك والوا ريناد : مممم ايا نخرجوا ايا
سيدال : اوف ريحي ريناد : أنا نخرج نستناك برا سيدال : اوك 5 دقايق و نجي ريناد : اوك ريناد خرجت تسنا سيدال برا و فاتوا 10 دقائق عيطتلها ريناد : وين راكي ؟ ايا اخرجي سيدال : اصبري ريناد : ايا ريحي الجياحة و اخرجي سيدال : والله مانخرج منا حتا نعرف واش كاين و. لواش راهوم يخططوا ريناد : أففف اوك كيما تحبي أنا راني رايحا سيدال : اوك ڨاع واش هدرا سيدال و راح يجري يقول لاياد أنس : اسمع وحدا راحت و لوخرا سمعتها تهدر فالتيليفون و قالت بلي مانخرجش منا حتا نعرف واش كاين و لواش رام يخططوا إياد : اوك مال هي لي مزالها و قوللهوم يشدوها أنس : اوك سيدال قاعدا دور حتا كرهت و كي جات خارجة حكمها زوج رجال سيدال : واش تسحق عندي اطلقني و دربت واحد بدبزة لوجهوا رعفاتو و هوا دربها هبطت فإياد سيدال : بعدوني اطلقوني و تعيط إياد من الزعاف خيطها بكف تصرعت إياد : أنس لديها للدار و دوك نلحق و حسابي معاها كي نجي أنس : اوك ____________________­__________ سيدال سليماني هي البطلة تاعنا عمرها 24 سنة يماها ماتت كي ولدتها و بابا مزادش بزاف و مات بآكسيدون و خلالها الدراهم و الشريكات لانو كان مرفه ... سيدال عاشت حياتها و عندها مربية تحبها و هي فمكانة يماها _ إياد مالك من اكبر رجال الأعمال فالبلاد باباه مات كي كان صغير و يماه لي رباتوا مرتوا قتلوها اعداؤوا عندوا وليدو في عمروا عام
أنس دا سيدال لدار إياد لي شغول قصر طبطب حلتلوا يمات إياد فضيلة : واش يا وليدي جبتلنا عروسة أنس : هههههه لالا يا يما هادي جبتها وليدك عندوا حساب معاها فضيلة : مسكينة راي غاضتني خطها فالصالون أنس حط سيدال فالصالون و قعد معا فضيلة فضيلة : ليك وجها تبان عاقلا واش كاين علاش يستحقها إياد أنس : واقيل جاسوسة فضيلة : يادرا émoticône slightsmile. ربي يسلكها علا خير مع انو إياد ماشكيتش يخليها أنس : باينا فضيلة : طلعها للبيت لفوق و أرواح تتعشا أنس : و فؤاد وينراهو فضيلة : راو راقد أنس : اوك يما دوك نجي أنس طلع حط سيدال فالبيت و ربطها فالبونك و خرج جاز لبيت فؤاد صابو نايض رفدوا و حبطوا معاه و قعد يتعشا معا فضيلة و يلعب معا فؤاد حتا جا إياد وجهوا مايتفسرش إياد : وينها أنس : راي لفوق فضيلة : اقعد تتعشا و اومبعد ساهل إياد : اوك قعدوا تعشاو و اياد يلعب معا فؤاد كي كملوا العشا راحو للصالون إياد : عرفتلي كاش حاجا عليها أنس : وي إياد : ايييه أنس : سيدال سليماني 24 سنة بنت يوسف سليماني عائشة فالفيلا لي خلاها باباها سكتها ماتت كي ولدتها إياد : و كي كانو والديها معامن عاشت أنس : المربية تاعها تحبها و تعاملها كي يماها إياد : اوك تبعت زوج رجال لدار هادي سيدال و تقوللهوم يراقبولي هادي المربية أنس : ماتبداش تخلط و المربية واش دخلها إياد : يا الحمار كون مانهددوهاش بوحدة قريبة ليها كاش تعترف باي هيا جاسوسة أنس : اممم اوك إياد : اوك أنا نطلع نحط فؤاد يرقد و تجوز نشوفها ايدا ناضت أنس : ايا اوك دوك شويا نولي راني خارج ايا طلع لبيت فؤاد حطوا و راح لبيتو حل لباب لقاها هداك وين بدأت تنوض سيدال : وين راني واش تسحق عندي ؟ إياد : أنا لي نسقسيك واش جابك للحفلة تاعي و شكون بعتك سيدال: مابعتني حتا واحد جيت وحدي إياد دنا ليها و شدها من شعرها ... راني نقولك شكون لي بعام لعندي اهدري سيدال : اييي وجعتني اطلقني .. واحد مابعتني خليني نروح إياد : واقيل عمبتلك أنا حمار سيدال : اطلقني وجعتني إياد : بعتك ياسر اهدري هوا بعتك سيدال : شكون ياسر واش راك تخلط إياد : ماتكوفيش روحك و اهدري ماتخلينيش نقتلك هنا سيدال : والله مانعرف ياسر هادا و الله إياد : اوك و جبد تيليفونو و عيط لواحد من رجالوا إياد : الواا حل الكاميرا الراجل : اوك سيدال كانت تبكي حتا دنا ليها إياد وورالها التيليفون سيدال : ماما زهية علاش دير هاكا قوللهوم يخلوها علاش رابطينها هاكااااا إياد حط التيليفون إياد : اعترفي من جماعة شكون نتي و شكون بعتك نقوللهوم يخلوها سيدال : راني نقولك واحد مابعتني إياد : مال واش جابك للحفلة سيدال : اه شفت الحالا معمرا ليڨارد كور و انا نحب المافيا و الاكشن حبيت نعرف واش كاين إياد بدأ يضحك ...و راكي تشوفي فيا بهلول ؟؟؟ سيدال : و الله هادي الحقيقة إياد : ايه باينا خرج و خبط الباب و راح للصالون . صاب أنس يهدر فالتيليفون و غير شافوا كوبا إياد : نهار ڨاع و نتا تجلب فالبنات أنس : واش حبيتني نظير تقبني الفيد إياد : اه يا وليد عمي أنس : قريتها معا هاديك الزلة إياد : اممم مي باينا خاطيها أنس : تسما ماشي ياسر لي بعتها إياد : لالا خاطيها و واحد مابعتها مي مانقوللهاش بلي آمناها و نخلوها بسك نسحقوها هاد اليامات أنس : واش تستحقها إياد : خممت قلت نظامك باير نزوجك بيها أنس : يا الرب فهمت روحك والله راني حاب نتزوج اييييه و كاش حا تقبل إياد : والله غير نتا حمار آمنت بلي حل نزوجك بيها أنس : طلعت بروحي و خممت واش نسميو ولادنا لعبتهالي يا الكلب إياد : أففف بلع اومبعد نزوجوك المهم هيا نسحقوها باش جيرانا السيدي هداك من عند محمد أنس : ايييييي محمد كي يشوف هداك الزين و هاديك لاطاي مايمدلهاش غير السيدي ياو يمدلها كلش إياد : راني حاب ندربك كون شويا سيريو يا البغل أنس : اوك اوك سمحلي إياد : ماصبتوش مربية لفؤاد أنس : وليدك هداك رهج كيما نتا المربية لي نجيبلوا يهربها ليوم جبتلوا زوج زلات تفاهمت معاه وحدا ليا وحدا ليه مي. وليدك مايعرفش صلاحوا و بقا يبكي و يعيط و حاوزتهوم يما إياد : شفت له غدتني قريب درت لافار بصح فسدها عليك فؤاد أنس : والله مايحشم زعما أنا عموا مي كي يكبر يندم إياد : اممم روح ترقد راو جايك واحد الكف أنس : اوك إياد : اغلق لباب علا هاديك أنس : نرقد فبيتك و نعسها إياد : لالا مغسي ارقد فبيتك و انا نرقد معا فؤاد أنس : بن عمييييييي
فطنت سيدال صباح و هي ميتة بالخوف و تخمم فمصيرها و. تقول فقلبها لوكان غير خديت راي ريناد حتا دخل اياد سيدال : واش تسحقو عندي خلوني نروح و الله ماني جاسوسة إياد : اففففف تشاقلالة نتي اسكتي وين جبتي هاد القوة علا صباح ربي سيدال : حابا نروح لدارنا إياد : حابا تروحي لداركوم ؟ اوك تروحي سيدال : ياااااي مغسي إياد : بصح كاين شروط سيدال : وشنوا هوما إياد : تخدمي معايا سيدال : لالا مانخدمش مهبول نتا أياد : اوك مال روحي لداركوم تودهي ماماك زهية سيدال : افففف موافقة إياد : سيني العقد و روحي لداركوم سيدال : علاش راك تشوف فيا بهلولة نسيني عقد بلا ماعبالي واشفيه إياد : ماشي راني نشوف فيك ياو راني سور سيدال : ..... إياد : معندكش خيار وحدوخر يا تسينيي يا تموت ماماك زهية سيدال : واشش كين فهاد العقد ؟؟ إياد : تخدمي و واش نقولك ديري ووين نبعتك تروحي حتا جوز فترة سيدال : و شحال هاد الفترة إياد : هداك الشي شغلي سيدال : اففف يا ربي واش داني ندخل للحفلة ديال هاد الهم إياد : وي تاع الصح واش داك ... و هادي الهم اومبعد نتفاهموا عليها ... سينيي دوك سينيات سيدال العقد اياد : ايا خلاص سيدال : خلاص خليني نروح إياد : اوك حل إياد الرباط إياد: اراي النيميرو ديالك و مدابيك نعيطلك مانصييكش مانحوشش نفهم و مانحب حتا غلطة منك و واحد مايعرف واش صرا و بلي راكي تخدمي عندي سيدال : اوك :) سيدال قعدت واقفة و تخزر فيه و تهدر معا روحها سيدال : يا ربي واش هاد الزين و الوقفة 😍 تقول نسرقو و نخبيه حتا الحصلة معاه حلوة إياد : اطلڨي راسك واش كي تسناي نديرلك شوفور يوصلك سيدال : اوك خرجت سيدال صابت أنس ياكل