عاوزين نتحب

52 ... بدايةة فرحةة

_
#الكاتبةة

الدكتور : انا اسف للي هقولة لكن للأسف المدام دخلت في غيبوبة

الكل اتصدم ومحدش فيهم نطق ولما بدأو يستوعبوا الي اتقال

منه : ليه
الدكتور : السبب ورا الغيبوبة نفسي اكتر منه عضوي .. هي اختارت بإرادتها تبقي فاقده الوعي
رمضان : وهتصحي بإرادتها بردو ؟ مفيش حاجه تصحيها؟
الدكتور : ميعاد ما تفوق ده علمه عند ربنا ممكن  يووم اسبوع شهر .. بس انا بأكد ان السبب نفسي مفيش اي سبب جسدي اينعم كان ف نزيف لكن سيطرنا علي الوضع .. ااه معلش حضراتكم تبقوا اية للمريضة
رمضان : انا جوزها ودول اصحابها
الدكتور : وانسه نهي تبقالها ايةة
رمضان : هي بنت خالتي اناا .. بس ليه
الدكتور : انا اكدت عليها بالراحه التامه للمريضة وهي قالتلي انها عايشة معاها وهتاخد بالها منهاا
منه : حضرتك يوم ما كشفت عليها قولت لمين فيهم انها حامل
الدكتور : انسه نهي .. المدام كانت وقتها دايخه اصلا ومش مركزة ادتلها حقنه مسكن وخرجت برة علشان اقول لانسه نهي
هاجر : يعني حضرتك مقولتش لاسراء عن الحمل
الدكتور : لا حضرتك بس طبيعي انسه نهي عرفتها ... معلش عن اذنكم هروح اشوف باقي الحالات
رمضان : اقدر اشوفها
الدكتور : حاليا لا .. هي هتفضل فالعناية فتره اول ما تتنقل اوضة عاديه تقدروا تشوفوهاا .. ربنا يشفيهاا

.ومشي الدكتور

هاجر بعياط : يارب تكون مبسوط دلوقتيي
منه : انا كنت شاكه فيها وقولت لإسراء الي يقلبي قالتلي لا دي ساعدتني دي طيبه
هاني : اهدو يا بناتت ممكن اهدوا
عمرو : واهلها الي جاين بكره دول ياربيي

هاني موبايلة رن وكان باباه

هاني : ياربي نسيت اهلي خالص كانوا المفروض جاين انهارده اقولهم اية دلوقتي
رمضان  : يلا روحوا كلكم اصلاا انا الي هفضل معاها
منه : ده ف احلامكك
هاجر : مش هتفضل معاها ثانيه لوحدكمم
محمد : اخرسوا خلوني ارد .. الو ايوة يا بابا .. لا احنا كويسين .. احنا ف المستشفي .. لا لا احنا كويسين والله دي اسراء .. لما اشوفك ي بابا بقا .. تيجو دلوقتي .. لا لا هي نامت اصلا واحنا راجعين البيت كمان فالطريق اهه .. بابا متعرفش عمي عامر واكد ع ماما متجبش سيرة لطنط سهير هما كده كده جاين بكره فبلاش تقلقوهم علي الفاضي .. ماشي ي بابا سلامم

رمضان : اتفضلوا روحوا
هاني : وانت هتقعد لية .. مش هسيبها لوحدها  معاك يا رمضان
رمضان : وانت ان شاء الله هتخاف عليهاا اكتر منيي دي مراتييي
هاني : مراتك !! مراتك اية الي ضربتها وهنتها اودامنا كلنا ولا الي قولتلها هتتجوز عليها وهي هتبقي مجرد خدامه ولا ولا ولاا انت فاكر هي هتنسي كلمه من الي اتقالتت بس تعرف احنا اغبية اكتر منكك احنا صدقنا الكلام الي نهي هانم قالته عليها واحنا الي معاشرنها اكتر من 4 سنين .. احنا كلنا ظلمناهاا
رمضان : خلصت .. اتفضل يلا خد مراتك وامشوا انا مش هتحرك من هناا
عمرو مسكه من الجاكيت : انتت ايهه ؟! ايه برودك ده مراتك بتموت !
رمضان : انت متتكلمش ولا حد فيكم يتكلم مفيش حد هيقدر يفهمني ويعرف احساسيي ابني مات من قبل حتي ما اعرف بوجوده وحبيبتي مراتيي كان ممكن هي الي تبقي موتته ولما استعوض الله ف ابني و اعرف ان مراتي مش هي الي موتته مراتيي تبقي بتموتت انتو مش هتفهموا ولو قعدت عمر كامل اتكلم انا حاسس بايه ... اتفضلوا معلش انا عاوز اقعد لوحدي