ححين تضعين فتاة متبرجة غير محتشمة شبه عاريه لحسابك الشخصي على مواقع التواصل الاجتماعي...
في حين انكِ بكامل عفتكِ وحشمتكِ عند الخروج من المنزل
فأنت تؤذين أمام زمانكِ اكثر من غيركِ
لأنك تنادين العجل....
وتنقضين القول بالعمل....
واعلمي انكِ تشاركين الناظرين إليها بأوزارهم
#كوني كما يحب أمام زمانك ~~~~~~~~~~~~~~~~~~~
اأعظم مصيبه قد تحدث لك: أن تنشر المعاصي في مواقع التواصل،ثم تموت،وتبقى ذنوبك مستمره بعد موتك.
~~~~~~~~~~~~~~~~~~~
رسالتي الج أختي حترافقج طول حياتج اذا فتحتي عقلج وكلبج سوه وقريتيها صح....
كل بنيه منكم جوهرة اذا جانت ضعيفه،سمينه،بيضه،سمره
احب اكلها انتي جوهره
الى كل بنيه تعبت ع نفسها ودرست حته لو سنه او سنتين
الى كل بنيه وكفت صلت بگلب خاشع وشافت روحها نقيه و نظيفه وهيه كدام ربها
تذكري شي وحطي ترچيه بأذنج
الله خالقج انثى شي نازك وراقي مرغوب
مهما كان عمرج لو حالتج مهما كان وضعج بالبيت
مهما كان ظرفج وحياتج
حتى لو كان احد من اهلج مأذيج
حتى لو اكو تفكك اسري
او حتى لو كنتي بلا اسرة
حتى لو كان البنات التعرفيهم هيج سوو
حتى لو كل الشباب تركض وراج
ماككو شي بالدنيا يستاهل تخلين نفسج فرصة
#لعب لواحد ماتعب لحضه وفكر بعرضه قبل مايلعب ع بنات الناس
ولا وگف لحضه وفكر بخواته وأمه او بناته بالمستقبل قبل لايوعد وحده بشي
شي ثاني لاتتهاونين بنفسج ولتصدگين...غير اليجي #يدك بابج
مو الي يگلج ناوي ادك الباب....
عيشي غاليه...حييل غاليه
والي يگلج معقدة،شايفه روحج،حقنه
گليله ونصين...اذا الاخلاق والاعتزاز بكيانج يخليج معقده تعقدي صدگيني
خلي يتعب يله يگدر يوصلج ويضوك المر لان التعب هذا حيخلي يتذكر طول العمر شگد تعب لحد ما حصلج وهذا التعب حيضل محفور براسه لحد ميشوف احفاده منج وهم راح يسولفلهم ويكلهم (جدتكم خذيتها بطلعان الروح)
مو ياهو اليجي ودگ كلبج تحبي...تعرفين ليش ؟
لان الاختيار الأول مو تجربه
والجرح الأول مو تجربه
هذا الجرح مراح ينزف بكلبج حينزف بعيونج ويعميج عن الزين من يجي..
راح تشوفين الكل بنفس النظره وحيخرب شخصيتج ويخليج تصيرين مثله
وحتروح البراءه والطيبه والفطره ويجوز هاي العلاقه الفاشله حتعرفج على بنات فاشلات وتعرفين واحد وره واحد واحد وره واحد
ويخرب كلبج وتموت روحج وتنام ذيج البنيه الجانت نيتها #حُب
نصيحتي الج خيتي
دوري بداخلج عن الحب اهتمي بنفسج وحبيها
بدل مدورين واحد تسولفين ويا الزمي ورقه وقلم وسولفي
كتبي
رسمي
شخبطي
خيطي
طرزي
اشتغلي
اقري قصص وقصايد
اقري روايات وكتب تنميه بشريه
شاركي بفرق تطوعيه نمي إنسانيتج غيري افكارج وثقفي نفسج
صيري انسانه واعيه وراقيه ومثقفه صيري مميزه
اابجي بس مو گدام احد لوحدج خلي الناس تكول عنج عانت بس هيه #قويه لاتخليهم يكولون #خطيه
ومن تحجين وازني حجيج وكبري عقلج احسن من ماتكبرين كلبج ب الهم والتعب والقهر
ومن تضوجين لشتغلين اغاني ولطم ودلغمين وتبجين طلعي مثلاً فد فلم يضحك وغيري مزاجج بنفسج
يمعوده طلعي كارتون تحبي من جنتي صغيره
لو اعلمج على درب لازم...
كعدي سولفي وياه منوه؟ الله
لج ربج شگد حنين....
اابد ميمل شكد متحجين وهوه يعرف كلشي بس يسمعج مايضحك على أمنياتج من تتمنين مثل البقيه ولو شويه ركزتي وصفنتي وخشعتي حتلكينه يجاوبج
ب آيه ويمكن ب سوره ويمكن ب موقف
#تأملي عزيزتي
من وجد الله ماذا فقد ؟
ومن فقد الله ماذا وجد؟
~~~~~~~~~~~~~~~~~~
الكفر وللأسف صاير مثل الاكل والشرب
صار عصبي كفر...نثغث من شي كفر...ماسووله غده من وكت كفر....لكله ملابسه مايابسه كفر....
بكيفه يصعد الله وينزله! يابه شبيك؟
والله عصبي ماسيطر ع نفسي ماشوف شي كدامي من اعصب.....
عباله ديكفر باللبعه مايدري يكفر بالنطاه اللسان الي ديكفر بي..... #اووف
اقرو فد روايات تعزز معرفتكم بالله وردعو شيطانكم بأذكارات وشغلوا نفسكم بتفكيرات ثانيه
لتخلون تفكير واحد يسيطر عليكم مثل متسمعون صوت بداخلكم....انتو رجعوا احجوا وي داخلكم بأن الله اكبر من ان يكفرون به واتعوذوا من الشيطان واستغفروا...#ززين؟
~~~~~~~~~~~~~~~~~
#اذا عجبكم اكمل نشر
أنت تقرأ
خطوات مهدويه
Spiritualكتاب صدقة جارية لوالدَيَ وإلى أرواح شهداء العراق وإلى قدوتي في الحياة الشهيد السعيد ✌(أحمد مهنه اللامي)✌ كونوا دائماً على استعداد أحداً ما سيأتي قريباً قريباًً جدأ 🇮🇶♥️
