خطوات مهدويه

8

نحن لم نركب سفينة نوح (ع) ولم نوفق لإدراك الإمام علي (ع) ولم نفز مع اصحاب الحسين (ع) ولكن ما زال هناك أماكن فارغه في قافلة الإمام المهدي (عجل الله فرجه الشريف) تنتظر الصادقين المخلصين فلنعمل من أجله.
اللهم عجل لوليك الفرج

** ** ** ** ** **

قبل ما أبدأ....احنه العراقيين مو دائمآ نگول بأسم الدين باگونه الحرامية؟ زين الشيطان مو هم باگ عقولنا... نفس الصنف سبحان الله....تردون تعرفون شلون الشيطان يحاول أن يسرق عقولنا بأسم الدين اشگد خبيث

الشيطان يوسوس إلك حتى بالعباده مثلاً انته جنت تقره قرآن وأثناء قراءة احدى السور شكيت بخطأ بقرائتك هنا راح يوسوسلك ويگلك عيد حرام عليك هدفه يخلي عندك إرباك وملل تضل تكره تقره لأن كلما تحاول تقره يوسوسلك لحد ماتضوج وتمل وتهجر القرآن وغيرها من الأمور الي يخليك بينك وبين نفسك تكول حرام اذا ماسويت كذا وكذا لحد ما تكره الدين وتتهرب منه وانته عبالك الشيطان يوسوس بس للمحرمات لا هو هدفه يبعدك عن دينك.
يخليك تضايق وتشك وللعلم الشيطان ضعيف كلش بس من يشوفك اطيعه يشن حرب عليك خاطر يسيطر عليك.
انته لاتلح على نفسك حتى بالعباده الشي الماتگدر عليه لتسوي اهم شي أدي الواجبات وتجاهل اي شك وابقه صامد ومن تجيك الوسوسه أتجاهل وأثبت
ومن يشوفك هيج أيام قليله وراح يبتعد عنك ويروح لغيرك لشخص إيمانه ضعيف او تائب ودائماً يشن حرب ع التائبين ويريد يرجعهم لعالم الظلمات.

** ** ** ** ** **

خل نحجي عن حب الدنيا
تدري شنو حب الدنيا؟
يعني حب الشهوات حب الأغاني حب السرقه حب الربا حب فضح الناس حب الخيانات حب ظلم الناس حب اغراء الناس حب التكبر حب تسقيط الناس حب هتك الأعراض حب القتل وغيرها.......
ولو صفة وحده من هاي صفاات حب الدنيا بيك راح تموت قلبك وتدري هذا الحب راح يخليك تكره واحد يجيب طاري الله تعالى كدامك وتبتعد عن قراءة القرآن وتهرب من تسمع بطاري الموت مع أن الموت بكل بيت بس هذا الحب هيج اصلاً اسم الآخرة مو ابالك مع إن الآخرة هي دارك الابديه

شوف الدنيا مخليتك كأنك راح تعيش للأبد اكو الله تعالى هو مالك هاي الأرض أقوال أئمتنا المعصومين (عليهم السلام) الدنيا سجن المؤمن وجنة الكافر
شوف ذره من الرمل تخيل ذرة الرمل الله ميغفل عنها هاي البكتيريا الي متنشاف الله يشوفها ضربت مثال خاطر اكلك الله تعالى بكل مكان وفي كل زمان
واكو بعض الناس من يسافر لغير دوله ينسى ربه ودينه ومبادئه وتربيته تره لاتغرك الدنيا وتغرك نفسك لكن للأسف لو تعرف شنو حب الله جان صليت بخشوع وانته تتساقط دموعك لو جنت بأخر العالم
اخوويه واخيتي كلما تصفن كول الحمدلله عندي رب يحبني وكلشي موفرلي اذا تبقه ع الناس تره ماتفيدك لو بيدهم الهوى جان گطعوا عنك الله وحده الحب والحنان والدنيا والآخرة فسبحان الذي بيده ملكوت كل شيء.