منقوله ❤
" قصـه قصيـره _ميـرو الشريـف"
مـــر الاسبـوع الاول
شـدت تلفونهـا شـبحـت لـ تغطيـه يمكـن التغطيـه مفصولـه ! بـس التغطيـه فُل
خشـت علئ الرسـائل يمكـن جـاها الاشعـار وتنحـئ بـس هـاذاك الرقـم مـش باعـت رسالـه ولا متـصل !
وخـرت علئ السـاس و هـي حـاسـه بـ شـي ينتـش فـ قلبهـآ _حـاسـه بـ حـراره فـ جسمهـا وكـانـا عضـو من اعضـاء جسمهـا قيـد الازالـه
حطـت ايديـها على وجهـا مـ تحبـش اتشـوف نفسهـا ضعيفـه قـدام لـ مرايـا !
سمـعت أول زغروطـه طلعـت من حـوش جيـرانـهم _ كـانـت بتعيـط و ادافـع علئ حُـب كـان لازم من الاول ينتـهي " حُـب خداتـا المسـارات و رمـاها على حـافـة الهـاويـه _حُـب غلـط فـ غلـط أوهـمت نفسـها بـ أن ينتـهي بـ الـزواج وبـعدهـا بـ صـغار _ حُـب فـاشـل "
سمـعـت شـرينـة تلفونـها شبحـت لـ الشاشـه المضيئـه بـ أسمـه " رجُلـي ❤" رغـم ان طلقهـا بس متاملـه تسمـع صوتـه
بـدت أتهـز فـ راسهـا بـ لا مـع شهقـات متقـطعه بـ صوتـها
راجلـهـآ خـدئ بنـت جيـرانـهم عـلاش !
بيـحـرقلـها قلبـها بيـلوعهـآ _ كـان بـمقـدوره أن يـاخد بنـت عمتـه أو خالتـه بـس اختـار البنـت الـي مجـاورتـها فـ الزنقـه
جـارتـها الـي " كلـت معـاهـا فـ صفـره وحـده الـي غطـت علئ أعيوبـهـا _كـانـت تحكيلـها فـ أسـرار زواجهـا و قبـل أشهـر بـس حكتلهـا بـ أن وحـده لاعبـه على راجلـها و الوحـده هـذي طـلعت جـارتـها "
بتسـالونـي علاش أزوج بـعد ما طلقـهـا إذا بينـهم حُـب و اسنيـن
لان هـي طلعـت عقيمــه _ يـعنـي رحمهـا مـ يشيليـش مـ فيـش أصـعب مـن أن الانثـئ تخسـر شـي تحلـم بيـه عمـرهـا و حـد ينـاديـها بـ " مامـا ❤"
لان هـو الراجـل الـي يبـي حـد ايشيل اسمـه _وقـت كلمهـا قاللهـا بـ كـل وقـاحه " بنصبـر سنـه اثنيـن و بعـدهـا سيـوري متـزوج و انديرهـا قـدامك ولا انـديرهـا وراك"
كـان كلامهـا أهـوا صـدمه ليـهـا هـذا حبيبهـا " عـاشـت معـاه على المــره قبـل الحلــوه_وعـت عليـه و هـو سـواق حافلتـها من الابتدائيـه يـعني زابطهـا من الصغــر عارفـها شن تكـره و شـن أتحـب شايفـها فـ كـل حالاتـهـا و حـافظهـا "
هـي لان صـاحبـة القلـب الانـانـي قلبهـا تغلـب عن عقلهـا و رفضـت أن وحـده تشاركهـا فـ حلالهـا طلبـت الـطلاق و كـانـت متأكـده أشد الثقـه أن حيـرفـض الـطلاق و حـيغازلـها بـ كم كلمـه أو عشـئ بـرا عشـان تنسـئ الموقـف أو بـ شكـل اصـح أن كلامـه أيكـون مقـلب بـس طلقـهـا و بـ الثلاثـه
كلمـه منـا وراء كلمـه مع صــوت شهقاتـها الـي يرتفـعن تدريجيـا " طــالق -طالــق -طالــق "
_______________________
أنتبـهت لـ صـوت الممرضـه بـ أن تستاذنهـا أنهـا ادخـل المريـض
غمضـت اعيونـها وهـي تذكـر من قبـل 5 سنـةات تطلقـت و مـ عاش سمعـت عليـه ولا خبــر ! سبحـان الخـالق الـي نسـاهـا فـ حـب كـان على وشـك يـاخد صحتـها
شبحـت لـ الدبلـه الي فـ أيدهـا و ابتسـمت لان من حوالـي 4 شهـور بـس تزوجـت دكتـور نساء امعاهـا حـبهـا بـ قلبـه مـش بعيونـا حـبهـا بـ قلــب و رب❤ و شـاء القـدر و ربـي العالـي مـ يحـرمش عبـد من حقـه و حملـت بـ قـدرة قـادر ❤
و ثـوانـي خـش عليهـا هـوا سـبحـان الصـدف
انصـدمـت هيـا وقـت لقاتـه بــ الحالـه الي فيهـا
مـال عليــه الزمـان لحيتـه المرسومـه ولـت توصـل لرقبتـه _حوايجــه الباهتـه ضحكتـه المختفيـه
كـان يشبحلهـا كيــف متغيـره للاحســن ! و حـالهـا احسـن من حالـه بـ الف مـره !
مدلهـا المـلــف بـ أن مريـض سـرطـان فـ الدماغ
بكـت عليــه بـس وقـت بكـت مـش على خـاطر نـوض عليهـا الحـب الاول او مـاازال ذرة مشـاعر تجـاهه
بكـت لان زيهـا زي شـخص عـادي أتحـس حتئ ولـو دكتـوره فـ قلبهـا ارهــيف و متتحملـش
بكـت علئ خـاطر الايـام الحلـوه الـي عاشتـها معـاه علئ كـل ضحكــه و موقـف حلــو جمعــهم !
انفتـح بـاب المكتـب وخـش رجـل في نهـاية الثلاثيـن و ابتسـم : تميتـي حياتـي !
رفـعت راسهـا لان الموقـف متنحسـدش عليـه "الحبيـب الاولانـي او طليقـها مع راجلـهـا"
صكـرت الملـف و صبـت : الحـاله اهيـا حيجي يستلمهـا الدكتـور الـي منـاوب بـدالي
خـش الدكتـور المنــاوب و تاسـف علي التاخيـر امـا هـو مقـدرش ينحـي اعينـه من عليـها _ وهـي خـدت جاكتـها وشنطتـها وشبحتلـه كـانـا شخـص عـادي مجـرد مريـض شافتـه ومش اكثـر : سلامتـك و مـ اتشـوف شـر
طلعـت مع راجلهـآ و صكـرت البـاب و فـ اللحظـه اهيـا بـ الـذات عـرفـت أن هـي نسـت المـاضـي و تغلبـت عليـه _هـي مش نـاكره ماضيـه لان الـي مـالـش ماضـي مالـش حـاظـر
و بعـد فتـره 4 أشهـر
جـت أخـت طليقهـا طالبـه منهـا السمـاح لان هـاذي وصيـة المرحـوم قضـئ عليـه السـرطـان و أن للاسـف مـ خلفـش ولا جـاب ولـد
و هـي جـابـت زوز توامـه و راجلهـا امدللـها تطلـب و تتمنـئ
و فـ النهـايه النيــه تخـدم صاحبهــآ و القلـب الطيـب عـمره مـ يخسـر _و الـزواج مـش حبنـي و انحبـك و نفتـحو حـوش _اوقفـو مع من تحبــو و متبينلـش ضعفـه و عيبـه خليـه فـ اعيون نفسـه قـدامك بـ أحسن صـوره
والـي يقولو القلـب الـي ايـحب مـره ميحبـش مره ثانيـه !
أنـي من أشد النـاس معـارضـه لـ جملـه أهيـا
القلـب زي ما حـب مـره ايحب ثانـي و ثالـث و عاشـر
اذا صاحـب النصيـب طـلع مـ يستاهلـش منـسكرش قلبـي و انشعفـه على فرصـه اخره ❤
قصـه من خيـالـي كتبتـهـا بــ حُب وليهـا الـف معنـئ والـف حكايـه جمعتـها بـس فـ قصه وحـده بـ حلقـه وحـده ❤
رأيكــم
