اشراقه واحمد بقو ينادو فيا كانت اول مره اتأمل ملامح "التومات" 💜سبحان من خلق فابدع ❤ ناديت احمد شال واحده وانا واحده وطلعنا في انصاص الليالي بقينا نجري زي المجنانين ومن ركن لي ركن😨 ما كان في اي احساس بي التعب كل البتملكني كان خوف💔 مرات في عز الجريه بشوف طيف اللواء رهاب رهاب😨😨😨 كنت بصرخ بي اعلي صوووت💔😭😭 احمد واشراقه بهدوني عطشنا شديد عاينت لي احمد😢 انا خلاص التعب بدأ يوقفني عطشانه💔 واشراقه بقت تلهث من العطش قال لي قربنا خلاص قلت ليهو يعني انت عارف الشارع😨 قال لي ما اعرفو الا انا😌 شعرت بي احساس فقدتو زمان اسمو الفرحه💔بس كنت بخاف ابيت ارتاح بتخيل كل لحظه اقيف فيها هو بتقدم ناحيتنا خطوات قبل ما الصباح يطلع شفت ضوء😍احمد شووووف دا شنو؟؟؟! ضوء ضوء اشراقه شوفي قال لي ايواا عارف دا موقف 😌موقف شنو😢 قال لي دا البوصلك بورسودان بس لما سمعت الكلمه دي😨"بورسودان" قلبي وقف جسمي تقل شعرت بيهو منمل لساني اتبكم حسيت جاني شلل وقتي "ح اشوف امي؟😭 ح اشوف حبوبه😭 ح اشم ريحه امي؟!😭دعاش بورسودان؟!😭احساس الحريه😭 فجأء اشراقه ضربتني في كتفي😐😍
ح تمشي اهلك😍ح اوصل معاكي كسلا لي اولادي اصلا البصات بتجي بي هناك😍😍❤ ملاك اناما مصدقه قولي لي اني بحلم 😭😭💔احمد قال لينا هوووي اررح سررعه كان نشرب لينا شاي وزلابيه والله بطني تكورك من الجوع💔 هم بقو ماشين وانا وراهم فجأه خطواتي بدت تقل هم فاتوني كتيير احمد عاين ورا شافني😨 جا جاري علي مالك اسمك #ملاك صح؟! لقاني انفجرت بكاء حلفت ستين يمين ما امشي مكان الضوء💔ح يجينا اكييييد ح يقتلنا😭💔 حنسوني واقنعوني وصلنا كدا العربات بدت تتحرك جرا احمد لقا لحسن حظنا مقاعد اصحابها ما جو قبل اركب ادا اشراقه التومه الشايلها ركبت بيها قام ماشي قلت ليهو دقيقه😢" جيتني ليه؟! عرفت اسمي من وين؟! عرفت انو اهلي في بورسودان كيف؟!" قال لي "من ما شفتك في السوق عيونك مليانه قهر وحزن عشان كدا مشيت وراكم تابعتكم لحدي البيت رجعت بيتنا احساس تأنيب الضمير ما فارقني بقيت اتذكرك كتير امكن اكتر يومي عشان كدا جيت راقبت البيت عرفت اسمك لما انا دقيت الباب ناديتيني بي همس "انا ملاك" وانك من بورسودان لما حكيتي لي في الباب انو اصلكم هناك💔 وانا كنت سايقكم بيتنا بس طريق البصاات طلع في شارعنا وقلت احسن تسافرو طوالي😊
ربنا يوفقك يابت الناس كوني قويه وربنا مع الضعيف 💔ما عرفت اشكرو كيف اتبكمت بس دموعي نزلت زي النار في خدي احمد اداني ضهرو وبدأ يختفي😢💔 ما وعيت الا بي صوت البوري والناس تكورك😨😐 جريت ركبت اشراقه طلع مقعدها ورا شلت منها التومه مسكتهم سوا صعب علي بس ما بطمن الا وهي معاي اتحركنا كدا بعد 6 دقايق فجأه صوت عربات😨😨وناس تكورك وقفو البص😨😨😨😨💔💔💔
😨😨💔 فتحو باب البص دخلونا ناس بدو يعاينو في وشوش كل الناس انا في اللحظه ديك قلبي وقف😭💔 ضمت التومات علي غطتيتهم بي الطرحه الهدوء كان المسيطر على الوضع بس قلبي حلف ما يهدأ جا واحد منهم قرب علي في اللحظه دي بقيت لا شعوريآ اررررررجف قال لي شايله شنو انتي مغطيه شنو😐 بقيت زي المجنونه اكورك قلت ليهو والله تلمسهم اقتلك الناس كلها عاينت علي قال لي يا مره هوووي ما تقلي ادبك تقتلي منو انتي؟!! انزلي يلاااا😡 فجأه اسمع ليك شررررد شرد ياهو داك شكلو في زول جري وكلهم نزلو وراهو طلع زول مرتكب جريمه وساكنو ناس البص اعتذرو مننا وتمو الرحله وانا حلفت ما اسكت😭😭فتحت ليهم بيت بكا الراجل القاعد جمبي قال لي بتبكي مالك احكي لي وانا ما قدرت اسكت حكيت ليهو كل شي قال لي خلاص رايك شنو اعقد عليكي انا واربي ليكي بناتك واعوضك عنك كل شي فقدتيهو ما لقيت نفسي الا وانا بنبزو بي ابشع الالفاظ😡 هجت فيهو زي المجنونه الناس قوموهو من جمبي رقدت تومه في الكرسي وشلت التانيه
وصلنا كسلا اشراقه نزلت هناك😭😭😭💔 واصلنا الطريق وصلنا بورسودان😍 انا مهما اوصف ليكم شعوري ما بقدر يمكن دا كان اجمل شعور في حياتي زي الارض النااااشفه الكبو فيها مويه😍 لالا زي الصايم لما يفطر😍 لالا زي الام لما يقولو ليها ما عندك امل في الولاده بعد سنين من الدعاء الله يرزقها الذريه الصالحه ولحظه شوفه ولدها😍 اااي اااااي زي الاحساس دا نسيت التعب والالم نسيت ااااي شي واجرت عربيه مشيت بيتنا 😍😍😍اااامي اخيرآ ح اشوف امي😍😍😍 حبوبه ياربي كيفها😍 انا مسامحاهم علي كل شي❤😘 وصلنا البيت ❤نزلت دقيت الباب ككككمم مررره 😍بكونو نايمين سمعت صوت زول فتح الباب😍😍😍اخيرآ بس... انت منو😕 امي وينها!! ناديها لي قول ليها ملاك جات😍 قال لي💔
نحنا اصحاب البيت الجداد لينا 7 شهور هنا وقبل شويه جو ناس كدا غريبين بسألو من ام ملاك او ملاك ما متأكد بكونو هسي في الشارع التاني😨😨😨😨.......
😨 انا خلااااص قلبي طااار وجريت علي الشارع التاني الحمدلله لقيت بتاع العربيه النزلني وقف جمب دكان يشتري ركبت معاهو يديني اتملخت من شيل التومات رقدتهم في العربيه💔 قلت ليهو ناس امي رحلو وانا ما عارفه هم مشو وين خلينا نفتشهم وانا ح اديك حقك وزياده وافق وبقينا لافين بعد ما انا اتبلمت بي الطرحه قال لي اتبلمتي ليه 😕 قلت ليهو حاسه اني ح يجيني اللتهاب المهم نحنا بنلف زي ساعه تغريبآ في النهايه اتذكرت عم محمد بتاع الدكان😍اكيد ح يكون عارف محل رحلووو قلت ليهو رجعني الدكان القبيل الانت كنت جمبو رجعنا لقيت عم محمد😍❤ ما عرفني بس انا ذكرتو بي وعرفني اتأثر شديد لما عرفني قلت ليهو عم محمد😢 انت ما عارف ناس امي رحلو ويين قال لي ااي عارف يا بتي وانا الوصلتهم هناك ورحلنا معاهم باقي الحاجات بعد ما باعت جزء كبيييير من عفش البيت قلت ليهو عليك الله يا عم محمد وديني ليهم ارررح قال لي دقيقه اقفل الدكان ما كنت قادره انتظر لحدي ما يقفل الدكان 💔 ركبنا وبالرغم من انو السواق ماشي سرررعه بس انا حاسه بيهو ماشي برررررراحه😭😭 لما قرررربنا نصل عم محمد قال لي ياهو دااك البيت بس ديل منو؟! الناس البره دي ؟!!!😕 انا من ما شفتهم عرفتهم😨😨😨تبع اللواء😭😭😭😭💔💔💔قلو لي بتاع العربيه اقييييييف هنا اتبلمت قلت ليهووو ارجع سررررعه قبل ما يشوفوك رجع بينا بي شارع تاني قلت لي عم محمد ممكن تقعدنا في بتيتك لي المساء؟! بس😢😢😭💔 قال لي معقوله يا بتي؟!!! البيت بيتك والله رجعنا وانا ما قدرت اقعد كأني قاعده في جمر انتظرت لحدي ما بالليل جا💔 خليت البنات عند ناس عم محمد ومشيت بررااي لقيت بره مافي عربات 😍دقيت الباب برررررراحه سمعت صوت رجلين جااي علي😓 الباب فتح لقيتها امي.....
