❤ صباح الجمعة❤
خالد اتصل علي ناس بيتنا ..وكلم ناس بيتم يجو يتغدو معانا طبعا وومضه زوله اساسيه في الجمعه دي❤
دخلت علي البيت نضفتا وولعتا البخور احمد اخد الجردل عاوز يمسح لي حميتو ..قال لي عادي انا قعد امسح للحجه ..بس خشي المطبخ ظبطي امورك ..دخلت المطبخ هلكتا هلاك خالد كان بمشي ويجي يقول لي في حاجه اساعدك بيها ..تهاني واميره عملو معاي الحركات وم جو ساعدوني ...خالد قال لي انا ماشي لي امي وجاي ...خالد مشا لقي تهاني واميره يحضرو ومشغلين التكيف ..جاني معبوور وقال لي اساعدك بي شنو قلت م عندي حاجه تساعدني بيها عندي بصل بتقدر تقطعو...قال لي بقطعو انتي تعبتي ارتاحي شويه اديتو البصل ..مشيت وجيت لقيتو ليك دموعو دي عشره عشره🙊..عاين لي قال لي تضحكي شنو تعالي امسحي لي دموعي ...مشيت علي لي اول مره اقرب منو لي اول مره امرر يدي علي وشو مسحت لي دموعو. ..باسني في يدي قال لي كل مره ح اقطع ليك بصل 😂
بعد خلصت وولعت والبخور تهاني واميره جو لقونا قاعدين نحضر ..والبيت رااايق ..تهاني قالت لي ف حاجه نعملا ليك...قلت ليها خلصتا والله بس ممكن تجي تشربي قهوه معانا انا وخلود...خالد لما يسمع خلود تااني م بركز😍....تهاني م قعدت اتغااظت ومشت قالت ماشه تساعد الحجه الليلة تعباانه امي ياا خالد ..ياا ساتر مالا انا جيت لقيتا نايمه...
خالد قال لي ياا ريناد الايام دي م غيرت نظرتك لي م شويه بديتي تحبيني والله لما اسمع خلود منك بحس بي الجد انتي بتحبيني😍 م عارف لكن انا لو لفيت الدنيا م بلقي زيك اتمني انك تبادليني نفس الشعور...قعد يعاين لي في عيوني لما خجلتا..قال لي عارفه انو عيونك جميييله ...وعندك اسنان مقعده قعيد ...ملامحك طفوليه وروحك طفوليه حاااسي بيك زي بتي ...م عارف بي حكم شغلي واني بلاقي بنات كتير ..فيك براءة وفيك احترام ...وخجلك ده بقي اصلا مافي
اااحي انا من الخجل الدخلتا فيهو عمري ماف زول سمعني كلام زي ده
جوني ناس امي وابوي كان مبسوط من الوضع الانا عايشه فيهو وم كان اقل من الوضع الابوي كان معيشني فيهو امي ومضه لفو الشقه كلها امي طبعا كان م نظرت م بترتاح غيري ده كده وجيبي السراير دي كده المهم اليوم داك البيت كلو طلعت راصاهو غلط😂😂
جات خالتو مريم وتهاني واميره وسلمو وخالتو مريم من قعدت تشكر فيني ..لمن راسي كبر وخالد كان مبسوط😍...ومضه دخلت معاي المطبخ وشالت العصير وانا دخلتا اكلمل شغلي خالد جا داخل وراي وفضل يضوق بي يدو من الحلل ..قال لي بالجد تسلم يدك ترفعي الراس😌😌....ضربتو في يدو قلت لي حالتك دكتور زح يدك دي شيل بالمعلقه...فضل قاابض في يدي وانا اقول لي فك يدي ..قال لي القال ليك اضربيني منو...وجراني علي .. الليله دي تلحه شنو ياا اخواني😂..كدي فكني عشان م يجي زول ...قال لي خلي يجي ..م بفكك الا تبوسني 😳😳
انت م جادي طبعا جاادي والله تحدي الليله بس ...حاولت افك يدي منو بس م قدرت ..بقينا نتلاوي ..وهو ميت ضحك ويقول لي يعني ح تقدري علي..
حسيت بي زول واقف بعاين لينا عينت شفت رجل تهاني ...ايوااا البت دي عاوزه تمغص روحا براها ...امسك ليك خالد وابوسو في خدو ...وبعدها اتخلعتا خلعه وخالد من الخلعه فكاني ليك 😳..طبعا خالد عمرو م يتوقع الحصل ده ...وبقيت بعاين بي الاتجاه الواقفه في تهاني لسه وقفه ..بقت اتدلع خلاص ياا خلود امشي اقعد مع الضيوف يلا يااا حووووب الناس معانا وياا قلبي ...وداك يااا النيااص..طبعا كان شفتو وش خالد غالبو الكلام😂😂
تهاني جات داخله قالت اااجي الزول بخلي ضيوفو ويقعد براهو ..
خالد احم احم كلامك صاح انا ماشي ...جهزي غداك ده سريع يا ريناد 😌😌
جهزت السفره انا وومضه وكانت سفره ملكيه ظبطتا ليهم غدا كللهم اندهشو حتي امي اندهشت ..غدا خالتو مريم تاكل وتشكر عاد ياا ولدي امانه م عرستا ..مرتك طبااخه وكريم وادب وحترام الله يفرحنا بي جناكم .... خالد عاين لي حسيت بيهو اتكسر ...💔💔ردا عليها بي برود امين يا حجه اكلي ...رديت عليها انا امين ياا خالتو مريم عاوزين نجيب مريم😍
خالد عاين لي وقعد بتبسم وقال لي امين ياريناد 😍❤
امي قعدت تحكي ليهم عني وعن طفولتي ..وخالد كان مركز شديد ..قال لي معناها بتك لسه طفله حركاتا م اختلفت كتير😂😂
تهاني واميره خاالص م اتكلمو ولا كلمه ويهبشو في الاكل هبيش 😏😏
خلصنا الاكل وجبت ليهم التحليه كنت مظبتا كم نوع وخالد كل م اجيب حاجه يقول لي الله يحفظك لي الله يخليك لي ..امي وابوي كانو مبسوطين شديد خاصه من خالد ...كان يوم ممتع وقررو يمشو ..امي وومضه دخلو غرفتي حقت النوم ..ومضه قالت لي هسي ده م سرير وااحد انتي بتنومي وين وخالد وين😂😂
امي قالت ليها والله امرق الشبط ومضمه قالت ليها خلاص سكتا الا الشبط ياا حجه 😂😂
امي قالت لي راجلك الشايفاهو عيني ده لو لفيتي الدنيا م بتلقي زيو ابقي علي عشره....
امي وابوي مشو وومضه...وخالتو وبناتا مشو...والبيت حالو بالبلاء
دخلنا انا وخالد علي المطبخ ظبطناهو ونضفتا وولعنا البخور ...خالد اتصلو عليهو في العيادة قال ليهم م بقدر اجي...كنا مرهقين ونمنا من التعب لي اول مره خالد ينوم جمبي صحيت الصباح لقيت روحي ناايمه في حضنو لي اول مره اكون قريبه منو اتامل ملامحو😍من قريب شكلي حبيك يااا خالد ولا شنو ياا ريناد ...
خالد فتح عينو لقاني بعاين فيهو جراني عليهو عاوزه اتكلم قفل لي خشمي بس فضل حااضني عليهو. ..احساس بالامان غريب حسيت بيهو ❤
فضلنا في حضن بعض لحد م غفينا ونمنا تاني
