أصبت بـدِاء الـٓعـشُـقِ

الجزاء الرابع

ليتني طفلاً لايكبر أبداً..
فلا أنافق ولا أهان ولا...
🌸اكرهـ أحدا🌸
____________
مكان مظلم أصيح محد يسمع صوتي
..بابا ماما ماكو احد
اركض وداير مدايري ظلام ماشوف اَي شيء كمت ابجي وأصيح..ساعدوني..ساعدوني..يارب غمضت عيني حيل وإني خايفه ورجف أخذت نفس فتحت عيني ببطئ شفت ورد عدده سته من الأكبر الصغر إحجامهم كومت امشي بتجاه الورد كان شكل ألورد حيل حلو(ورد جوري) دايري المكان مظلم امشي بخوف ورعب احس ما بقه قطره دم بجسمي وقفت وإني اشوف الورده الثاني توكع اشويه وكعت الورده الثالثه بعده وكعت الاولئ ركضت عَل ألورد اباوع علي صار رماد وختفئ صار خوف بكلبي من المنظر بقت ثلاث وردات يذبلن ويرجعن يوردن صوت هزني هز صوت مرعب (استعدي)
بقه يكرر الكلمه بصوت مرعب فزيت
...لا لا لا..اتفس بقوه.. اه اه..
ابو أمير..شبيج بابه..وكف السياره
أمير انطاني مي شربت نصه وهمه شبيج وشبيج
بخوف.. شفت حلم
أمير..عبالي شيء مهم باوعي صرتي صفره
أم أمير.. اسكت انته ها بنتي هسه شلون صرتي
..حمد الله أحسن
شغل بابا السياره وكملنه الطريق اباوع عَل نفسي عركانه رغم الجو بي برد اوف شلون حلم
اكو شعور بداخلي حزن من شَيْء اووف الرب يحمينه لزمت قلاده الصليب وبقيت اطمن نفسي

بعد وقت من الطريق الطويل وصلنه الموصل كانت الفرحه مرسومه عَل وجه مام وإني هم فرحت لأن عبالك اعرف المدينة كانت الموصل جميله اباوع بيه اهواي اثار وإني اموت عَل النتيكه كانت المنطقة الي ساكنه بيه خالتي من المناطق الراقيه جداً نزلنه يم بيت عالي كولش حلو دكينه الباب وطلع رجال تقريب عمره بالثلاثينيات سلمنه علي ودخلنه جوه طلعت خالتي كانت تشبه مام بس مام أحله منه كان مشهد موئثر من اتحاضنن وحده اتعاتب الخ اجت سلمت علينه اني وامير ودينيز
بعده إجه ابنه(فارس) عمره٢٣بس مع الأسف هو اخرس كولش انقهرت عليه نوب اجت بنت خالتي رنه عمره١٨
اتعرفت عليهم و خالتي كولش حابابه وتحب مام وهم سئلت مام ليش متغيرة كالت جهال ودوام وتعب وضغط عليه
بقينه شهر يمهم حيل فرحت يمهم بس زوج خالتي ماعرف أحسه مو راحه أبداً أني ماهتميت له بس ابتعدت عنه ومن يجي ابقه بغير مكان طبعاً خلو الطابق الثاني النه أمير دائماً ويه زوج خالتي وبابه هم يطلع بس احنه البنات مخلصاته لعب ومقالب عَل الناس طبعاً رنه مخطوبه
فرأس دائماً بالغرفه انقهرت عليه جان شاب جميل وخلوق قررت احجي وياه دكيت الباب ودخَّلت طلعت تلفوني وكتبت..هلو فرأس
باوعلي وابتَسَم..هلو غزال
ضحكت..تعرف صار شكد ماسمعه هاذه الاسم
..اسمج حلو ليش كوله يكولن عنج بطه
..لان اني بيه طبع من احزن أصير سمينه
..ههه منو يصدك انتي اسمنين
..ليغرك ضعفي هاذه كله رياضة والتزام غذائي
..اني اشوف انتي تبقين حلو سمنتي أو لا
..انته عيونك حلو وتشوف كلشي حلو بيهن
..هه صرنه واحد يغازل الثاني
..شنسوي عندنه جفاف..صدك شلونه حياتك العاطفيه والمهنيه
..هه العاطفيه شايل أيدي منه والمهنيه مستقره
..حلو شغلك بإلكترونيات يعني شكو شيء جديد يمك ..اَي حلو..
من هاذه اليوم صرنه اني وياه أصدقاء