This is us!

chapter 1

بداية اعرفكم بنفسي

ادعي ياسمين

15 سنه

طالبه بالصف الاول الثانوي

****************************

صديقتي المقربة هي سلمي

15 سنه

طالبه بالصف الاول الثانوى

***************************

مثلي مثل اي بنت انهت المرحله الاعداديه و ف بدايه المرحله الثانويه و حاليا انا ف اجازه نهايه العام

احداث القصه هترجع بيا كام شهر تحديدا يوم اعتبرته انا و اصحابي يوم تحفه و حزين جدا و هو اخر يوم ف الدراسه يوم ما ودعت اصحابي لاني هروح مدرسه تانيه بعد ما قضيت ف مدرستي اسعد ايام حياتي بس اللي مصبرني علي الموضوع ده ان اعز اصحابي .. سلمي وليد .. هتكون معايا ف نفس المدرسه اللي لسه لا انا ولا هي نعرف عنها اي حاجه غير ان انا و سلمي هنكون فيها

نرجع بقي لاحداث اخر يوم ف الدراسه

سلمي: ياه يا بنات انا مش متخيله ان اخر يوم جه بالسرعه دي ده انا لسه فاكره اول يوم و كأنه امبارح

ياسمين: اه و الله هتوحشونا اووووي

تسنيم: كان لازم يعني تحولوا من المدرسه؟! مش متخيله المدرسه من غير رخامتكم خالص L

سلمي: احنا رخمين برده

ياسمين: عندك شك ف كده

سلمي: انتي مع مين يا حجه؟

ساره: طب خلاص خلاص اهدوا علي نفسكم شويه

تسنيم: ايوة يا عيال اهدوا بقي

سلمي: عشانك و الله يا توتا لولا كده كان زماني قتلتها و خلصت

ياسمين: نعم يا ماما حسه ان في تهزيق ف الموضوع

سلمي: حسه يعني مش متأكده

ياسمين: لا لا لا لا مينفعش كده لازم تحترميني اكتر من كده متنسيش اني اكبر منك ب 3 ايام خدي بالك يعني

سلمي: يادي ال3 ايام اللي ذلاني بيهم دول

تسنيم: انتم هتفضلوا تتخانقوا كده كتير ع فكره انتم مكملين مع بعض لكن في ناس هنا عايزة سيلفي للذكري

سلمي&ياسمين: تماموز

و بعد حوار طويييييل و خناق اطول و صور كتييييييييييييير روحت انا و سلمي عندها قلنا اهو نغير المود عشان قلبت نكد مع البنات و عياط بقي و مناديل و جو البنات ده .. اول ما وصلنا عند سلمي كانت طنطوطه حبيبه قلبي مستنيانا تشوف عملنا ايه ف الامتحان بتاع النها ردة

طنط: ازيكوا يا بنات عملتوا ايه ف امتحان النهارده؟!

سلمي:احم احم ايه الدخله دي بس يا ست الكل .. الامتحان كان جميل و انا حليت اجمل

ياسمين: لا و الله يا طنط الامتحان كان حلو و هي مجاوبه صح هي اللي اوفر حبتين بس

طنط: ما انا عارفه بنتي انتي هتقوليلي

سلمي: كده جبتيلي الكلام .. طب يلا قدامي ع الاوضه بدل ما اضربك

ياسمين: ماشي ماشي ندخل الاوضه بس

و بعد ما الحمد لله اخدت تهزيق من سلمي قررنا نشوف هنعمل ايه ف المدرسه الجديده اللي بيقولوا عنها دي اللي اهلنا قرروا يخلصوا منا فيها عشان طلعت مدرسه داخليه

سلمي: يرضيكي اهلنا يعملوا فينا كده .. احنا ده احنا اتشلينا

ياسمين: بس اهو علي الاقل احنا مع بعض

سلمي: اه و الله يا بوت ده اللي مصبرني عليهم

ياسمين: ههههههههههه تمام

سلمي: طب تعالي نرتب بقي هنعمل ايه ف الكارثه اللي اتحدفت علينا دي

قعدت انا و سلمي نشوف هنعمل ايه ف المدرسه دي او تحديدا دقيقه نتكلم و دقيقه نشد ف شعر بعض .. الفراغ بيعمل المستحيل نعمل ايه بقي

المهم نرجع بقي للوقت اللي انا فيه دلوقتي في الاجازه..اللي فات كان لمحه بسيطه من حياتسي انا و سلمي

بس احب اقول ان اللي فات كله حماده و اللي جاي ده حماده تاني خااااااااااالص و القراء و صبرهم بقي

#Zayn lovely mirror