راكان:قعمز ع السرير وعيونه لوطه يفكر
فجأه تجيه هبه تبكي وتحاول تبوسله يديه ورجليه وتترجى فيه
هبه:بالله عليك😭😭😭😭ورااااس من عندك غالي متقوليش نزلي يلي في بطنك والله منقدر نقتل قطعه مني وربي كل شي مني صار بي دون قصد منعرفش علاش اتزوجتني لاكن بالله عليك نترجاك
راكان:وقف وهوا يتنهد وهبه طايحه وتبكي وتترجى فيه
هبه:بالله عليك مستعده نقعد خدامه طوووول عمري تحت رجليك😭
راكان :اسمعي يابنت الناس
هبه:نتبهت ومسحت دموعها
راكان:انا لا نعرفك ولا تعرفيني ومهما كنت انسان قاسي وظالم مستحيل ندير شي زي هادا في النهايه هاذي روح
هبه:ريحلي قلبي وقولي ليش تزوجتني بالله عليك
راكان:مش رح نكدب عليك ..تزوجتك عشان شوية ورق من المحكمه لازم نكون متزوج وعندي ع الاقل طفل واحد باش يمشي الحال المهم توا ديري بالك علي روحك وع يلي في بطنك كويس تحتاجي شي قوليلي مش رح نقص عليك ولا حاجه لاكن شرطي انك متدخليش في حياتي ومتسأليش علي شي نهائي بنقعدو اسبوع هنايا في غريان عشان تخف اثار الضرب يلي علي وجهك وبعدين نمشو طرابلس وين مفي حوش اهلي وبي اذن الله رح تكوني مرتاحه
هبه:مصدووومه عقلي وقف مش فاهمه شي اثار الصدمه ع وجها لدرجه مش قادره ترمش ....يعني مش رح يكون في ضرب ولا معامله مش كويسه ؟!
راكان :تحرك من مكانه ونحا الجاكيت ويعلق فيه...وليش الضرب يعني ؟!
هبه:بعدين شنو رح يصير فيا بعد مايمشو ورقك حتا اهلي توا معادش يتقبلوني
راكان :تلفتلها وقايم حاجبه....وهاذا اول شرط خالفتيه وسألتي ودخلتي في حياتي
هبه:جسمي رعش مع بعضه من نضرته ليا تخوف شخصيته كانت قويه لدرجة مش طبيعيه
راكان:بس لان السؤال هاذا من حقك رح نجاوبك ...بمجرد متمشي الاوراق تمام حتعيشي في حوش ملكك وين متبي غريان طرابلس اي مكان ورح يكون ليك راتب شهري وانتي في حوشك ومصاريف ولدك متخمميش فيهم وبي هكي تكوني نفذتي من الموت ونفذتي ولدك معاك وقدرتي تأمنيله مستقبله
هبه:قعدت ساكته وعيوني معلقات فيه بس
راكان:اول منوصلو طرابلس منبيش اسإله مهما شفتي ومهما سمعتي مهم تقعد صحتك تمام ومينقصك شي خليك في حالك وحياتك وبس
هبه:هزت براسها وتشبحله
راكان:نحا سلاحه حطه علي جنب السرير وقعد ينحي في ساعته ....وطبعا متخافيش اهلي ناس طيبين وبي اذن الله رح يعاملوك كويس
هبه:قلبي كأنه جمممممره ونصبت عليه اميه بارده اول مره حضي يحالفني في موضوع زي هاذا حسيته ولد حلال شن مزال نبي مدام رح يعاملني كويس اهم شي بدون ضرب ولا اهانه
راكان:ارتاحي وانا طالع تو نرجع في الليل متستنينيش
هبه:ح ححاضر
راكان طلع من الغرفه
هبه:نضت قعمزت ع السرير قلبي مرتاح وعقلي بيتفجررررر من الاسئله ياربي ولد في عز شبابه وزي الغزاااااال تبارك الرحمن ورق شنو يلي لازم يكون متزوج ع خاطرهم وغير هكي شنو الشي يلي رح نشوفه وميبينيش نسأل عليه ...مع كلللللل الاسئله هاذي عيوني شافاته رااااجل❤️كيف احترمني وقدرني حتى لو كان علي حساب مصلحه
🔥روايات بنووتة الشيخ.اروى الطاهر المسلاتي🔥
حاتم:شن بنقولو لي الناس يابوي
لطفي:سفرناها تتعالج بعدين تزوجت من غادي الغادي
عبد المعطي:العيله بتاكل وجوهنا يا بوي مع منو سافرت ؟
لطفي:دبرو اي كذبه انا راجل كبير ومعش نتحمل ره
