بوستات

23

فصلاآن 😂😂😂
- ألو يا ماما😃
-- إيه يا عماد يا حبيبي😍
- حبيبك!😶
-- آه حبيبي وابني اللي شيلته في بطني تسع شهور وتعبت فيه ورضعته وبقالي ٢١ سنة بطبخله أحسن أكل😍
- عاوزاني اعملك إيه يا ماما؟😏
-- كل اللي عاوزاه اني أتطمن عليك بس.. مش مستنية منك حاجة والله.. لا تدخل عليا بكيس فاكهة ولا علبة جاتوه حتى😍
- مالك يا ست الكل؟ فيكي حاجة متغيرة النهاردة؟😮
-- إيه اللي متغير بس يا حبيب ماما؟😍
- ماهي "حبيب ماما" دي في حد ذاتها تغيير.. فين يا صايع يا ضايع؟😮😂
فين ياريتني خلفت دكر بط كان نفعني اكتر منك؟😂
فين دعاكي عليا بوقف الحال😂
يا ماما دا "حبيب ماما" شبشب الحمام لسة معلم في وشه!😅😂
-- كنت بربيك يا عمده لكن انت عارف انك حبيبي😍
- والنبي يا حجة انا قلقان من الحنية دي!😮😅😂
-- ماشي ياعم انا غلطانة عشان بطمن عليك😩
ياللا هقفل بقى واروح اعملك الملوخية بالارانب اللي بتحبها🍲🐇😍
- ماشي يا ست الكل.. سلام😍
-- لا إله الا الله😍
- لا إله الا الله؟!! انتي متأكدة انك امي؟😮😂
-- .......؟!
- اصل "لا اله الا الله" دي مش بسمعها غير من المزة.. ولما تكون عاوزه مني مصلحة كمان😂
-- وانا هعوز منك إيه يعني؟😍
حتى هدية عيد الام مش عاوزاها يا حبيبي..😘 كفاية بس اني اسمع صوتك واشوفك فرحان هي دي هديتي😍
- لا إطمني يا ماما مفيش فلوس اجيبلك هدية اصلا😂
-- هاهاها.. بتهزر يا مضروب؟ 😕
- لا مش بهزر😂
-- لا انا عارفاك بتضحك عليا عشان مش عاوز تحرق المفاجاة.. صح؟😕
- لا بجد ماجيبتش هدية.. وإقفلي بقى عشان تلحقي تطبخي الملوخية بالارانب🍲🐇😉
-- ملوخية ايه انشالله تطفحه😠
- أيوة كدة.. هي دي امي😂
-- جاك مَوّْ لما يؤويك😠
- دا عربي دا يا أمّه؟😂
-- آدي اللي انت فالح فيه.. قطعت الصبيان على خلفتها😠
مش كنت خلفت أرنب🐰🐇 كان نفعني دلوقتي عالاقل كنت طبختك عالملوخية🍲 وخليت أختك تاكله😠
- ...........؟
-- شوفلك حتة تبات فيها الليلادي يا صايع يا ضايع يا خريج الصنايع😠�😂😂😂😂