المهم المهم.. شسمه. ليش فجأة نسيت '-'؟، كله منكم. الهذا شكنت بقول ايه البارت ماله سبب. بس جي افرحكم بشوفتي.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اكِ يلا نبدأ السالفة العقيمة. تضحك اقرأها.
اول شي امتحانات الوزارية بدأت يوم الأربعاء، بين قوسين قبل أمس. الي هو أول امتحان كان دين، المفروض سهل وجي، المهم عصرت الكتاب ونا ادرس عصصرر وحفظته حرف حرف. ويوم الامتحان جاء. المهم عندنا النظام ماتقعد اي مكان تبيه وقت الامتحانات الوزارية، تقعد حسب اسمك، والمرة الماضية قعدوني اول واحد بالنص بعد!!. يعني تخيل السبورة بنص وجهك والمراقبة عيونها عليك والمدير اذا دخل يوم يقعد يقرأ التخبيص الي كتبته بالورقة!!. الشسمه ذا الفصل قعدوني بالنص بعد بس الثاني الحمدلله.
المهم جات ورقة الامتحان، وكانت 35 سؤال، انصدمت! (المرة الي قبل كانت 50 سؤال شنقصها بسم الله)، المهم فتحت الورقة، وكانت 5 صفحات، وكانت فيه 25 اسئلة اختياري (اربع خيارات وتحوط الجواب صح)، و10 مقالي (كتابة عادية). المهم جت الصدمة يوم قريت الأسئلة، نصه مهارات ونصه من الكيس وبس 0.00000001% من الكتاب، '-'....... 💔.
وبعدين جاني سؤال ما كان تحويط كان كتابة، وبعد كل الأسئلة الي تلحس المخ معرفت احل صح. وكان السؤال شي زي جي "علل: الملائكة لا تسأل المجرمين عن ذنوبهم". ولاني واحد صايع ماعرف وايد بالدين كنت بكتب "لانه ما يخصهم"، بس استحيت علىٰ ويهي وسألت الي وراي وعطاني جواب غبي زيه بس كتبته.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدين يوم الخميس، الي هو امس، كان امتحان اجتماعيات، وماتتخيلون كيف متت ونا احفظ (لاني متعود امتحان الاجتماعيات دايماً لازم نحفظ كل شي عشان ننجح)، وبعدين كان صعب لانه مايخص لا ابوظبي ولا الشيخ زايد ولا الامارات نفسها!. نقعد ندرس استراليا وامريكا الشمالية واوروبا وفجأة ندرس الاندلس. طيب ليش مسمينه "الدراسات الاجتماعية والتربية الوطنية"؟.
المهم جات الصدمة، يوم فتحت كتيب الامتحان الي 6 ورقات. كان تفكيري كله جي 🗿🗿🗿: "الامتحان كله علىٰ بعضه خارجي!! كله مهارات!! كل دراستي راحت علىٰ الفاضي!! الأسئلة صعبة موت!! انا راسب!!. "
