روح

الفصل الثالث💜

روح ❤الفصل الثالث❤
بعد معركه صريخ دارت بين معتز وروح!
معتز بصدمه وعيون واسعه: انتي عاوزه اي!! حد يخض حد كداا!! انا قطعت الخلف اه والله قطعت خلف! مش هتجوز!!
روح وهي تمسكه من ملابسه: انت مين اخلص؟ انت حرامي؟ انت خاطف؟ انت بتبيع لاعضاء الناس؟ انت مغتصب؟!!
معتز وهو لا يقدر ع الكلام ويحاول الهدوء: لو حلفتلك اني دكتور نفسي مش هتصدقي صح!
روح: انت بتهزر!
معتز: طب بصي اهدي حاولي تفتكري!
روح: خليك هنا لاما لو رجعت متلاقتكش هدور عليك وهقتلك انت فاهم
معتز: فاهم فاهم ممكن تبطلي بقا صريخ طبله ودني اتخرمت!
وذهبت روح الي غرفتها لكي تبحث عن اي ورق او اي شيئ يدل ع وجود هذا الشخص في منزلها وظلت تبحث الي ان وجدت ورقه ع الارض وعندما قراتها وجدت انه صادق
روح بعد ان ذهبت له مجددا: انا اسفه يا....
معتز: معتز.
روح وهي تمنع نفسها من البكاء: انا انا بس ثم لم تنهي كلامها وذهبت الي غرفتها لتبكي فهي مع انها كل يوم تصرخ تبكي تغضب فهو بينها وبين نفسها!
معتز: انا ليه شايف كميه الوجع دي كلها في عنيها! هي ازاي نسيت دا لسه اليوم متمش!! انا محتاج اعرف كل حاجه
...........
*في المكان المليئ بالحقد*
رجل: الاكل بعتوه ليها ولا لسه؟
: حاضر ياباشا امرك.
........
*في الصباح*
استيقظت روح ولاحظت ان كل مكان تذهب له معتز يذهب ورائها تذهب لليمين يذهب لليمين تذهب للشمال يذهب للشمال الي ان نفخت بفمها وقالت: اي! هتدخل معايا الحمام!
معتز: احم!... لا هستناكي هنا طبعا!
روح: اوووووف! ياربي!
بعد ان خرجت وذهبت لتجلس
روح: نعم.! عاوز اي! اخلص!
معتز: انا ليه ورا القوه اللي بتحاولي تظهريها دي ضعف كبير ليه بتحاولي تداري ضعفك وحزنك اللي باين للكل بانك حبه وهتتحولي لروبوت بيعمل كل حاجه من غير شعور!؟ عارفه! لو محتاجه حد يسمعك مش هتلاقي احسن مني! حتي لو مش مريت بحاجات كتير فانا مريت بمواقف كتير حتي لو مش معايا مع غيري وانا اقدر اساعدك! احكيلي!
روح: احكيلك! احكيلك اي ولا اي! انا الكلام عمره ما هيقدر يساعدني! اقولك اني جمب مشكلتي الاساسيه حسه بحاجات كتير جوايا! طب سيبك من الكلام دا كلو....... ثم تنهدت وقالت... هو ممكن الانسان يحس انو ميت وهو عايش؟!....... وذهبت الي غرفتها.
معتز بعد ان ذهبت: ممكن! وتنهد وقال بس انا مش هخليكي تتحولي في يوم لمعتز القديم!
............
*في الليل *
معتز: مش جايلي نوم طب اعمل اي!!
وخرج فوجد روح جالسه امام المدفاه!
معتز: اي دا؟ اي الصدفه الحلوه دي؟
روح بعد ان ابتسمت: ع اساس ان احنا مش عايشين في بيت واحد.
معتز بابتسامة بعد ان جلس بجانبها: لسه صاحيه ليه لغايه دلوقتي؟
روح بعد ان محت الابتسامه وعبست مجددا: مش هينفع انام!
معتز: ليه!
روح بعد ان رات في عيونه الطمانيه ووجدت انه فعلا يريد ان يساعدها: هو انا لو حكيتلك بجد هتساعدني؟!
معتز: انا قبل ماكون ساكن معاكي يعني جارك وقدمتيلي خدمه السكن انا دكتور وقبل دا كلو وقبل ماتحكي؟ تقبلي يكون واحد حلو زيي كدا يكون صاحبك....؟
روح: اقبل....... انا بنسي مش بنسي زي الناس الطبيعيه لا انا بنسي كل حاجه ولما اقول كل حاجه ففعلا كل حاجه قصت له كل شيئ وانها لا تعرف هل لديها اهل ام لا ولو لديها لما تركوها وحيده وقصت له مرضها واحساسها كل ليله وحزنها والامها........ ومعتز يسمع بقلبه قبل اذنه وقلبه مع كل كلمه تقولها يؤلمه قلبه جدا يؤلمه وحدتها يؤلمه وجعها يؤلمه شعورها بكل شيئ قبيح شعرتها في يوم من الايام!
معتز بعد ان انتهت روح لم يعرف ما يقول وسال نفسه هل هناك كلام يمكن ان يريح قلبها هل هناك شيئ يقال يجعلها تشعر بالتحسن من كل هذا الوجع ولم يجد سوي: انا جمبك ياروح وهفضل جمبك..... انا عارف انك متعرفينيش بس انا عمري ما اكون حيطه مايله او سند ضعيف اسندي عليا و ارمي همومك عليا ومتخافيش انا جمبك وهفضل ارمي ضعفك حزنك وجعك حتي دموعك انا اللي همسحها ولم يعرف ما هذا الشعور الذي يحسه الان ولكن قال انها اصبحت ملزمه منه اصبح كل شيئ يمسها يمسه اولا!
روح بدموع وبالم: ارجوك متسبنيش انا محتجالك! انا وحيده جدا... انا حسه اني بموت! لما اصحي انسي كل دا ارجوك انت افتكر...... افتكر اني بعاني افتكر بتوجع لوحدي افتكر اني مهما اعمل فانا خايفه افتكر اني محتجاك جمبي مهما اقولك ابعد انا معرفكش ارجوك خليك جمبي وعالجني!
معتز لم يجد ما يقول سوا ان يحتضنها كانه يريد ان يخبئها كانه يريد ان يمتص كل ما بداخلها من الام كل مابها من هموم.......!