مرت شهور و كلو مستقر .. بس خوف رهف بيكثر و بالذات أن مهاب مش ظهر بعد يوم الخطوبة وهي في حالة قلق .. هادي عمل خطة لسمر و هيدمرها تمام .. مهاب مش بطل تفكير في رهف .. رعد قلق من هدوء هادي و بالذات جه اعتزر له .. و في يوم قبل الفرح "يوم الحنة"
_______________________________
الصباح في بيت رهف
صحيت رهف قبل اختها زي كل مرة و عملت روتينها و صحت اختها و فطروا
علي سفرة الفطار
سمر: انا بفكر انا وانتي مش نروح في مكان و نظبط نفسينا عشان بكرة
رهف: لا يا حبيبتي مش محتاجه و بعدين انتي هتقعدي ليه.. انا واخده إجازة عشان انظف البيت و اعمل اكل قبل ما يجي المغرب و كل يكون موجود
سمر: بس انتي العروسة و المفروض تبقي زي الملكة
رهف وهي بتقوم: انتي عارفه مش لينا حد . انا الي بعمل كلو
سمر و هي بتقوم و تشيل الطوابق: عشان كده مش هروح الكليه و هسعدك
رهف ابتسمت و و مسكت وش سمر بحنان: يا حبيبتي انا متعودة اني اعمل كلو لوحدي مش عاوزة حاجه غير تروحي لكليتك و تركزي في دروسك
سمر مسكت اديها و باستها: حاضر
رهف بتسائل:اه صحيح الواد الي كان بيعكسك لسه ولا مش بقا يقربلك
سمر بقلق من هدوء هادي: لا مش بقيت بشوفه اصلا
رهف: طيب الحمد لله يلا روحي بقا حبيبتي
سمر بابتسامة ممزوجه بقلق: حاضر
سمر خدت حاجتها و نزلت علي الكلية .. اصلا قلبها خايف و قلقان اليوم ده من الكلية . و حججت انها تساعد اختها بس مافيش فايدة
_______________________________
في فيلا الالفي
لسه مش جه هاشم و اتصل علي مهاب و قال له مش هيجي بعد فترة و مهاب استغرب بس قال اكيد عاوز يرتاح شوية ....
مهاب كان نايم في اوضة (نايم علي بطنه و اديه وقع و في سابع نومه و كان ظهره عريان و لابس بنطلون بس ) صحي علي رن التلفون
مهاب بنوم: الوو
رعد: ايه يا عم انت لسه نايم
مهاب: ايه يا رعد دايما بتصحيني كده عاوز ايه
رعد: شركة ****** ***** وافقت علي المشاركة
مهاب ابتسم بغرور: اكيد مين يتجرأ و يرفض مشركة شركة مهاب الالفي
رعد: هتيجي أمتي
مهاب بتريقة: بعد ٥٠ سنه..
رعد: ومين هيمسك مكانك
مهاب بغضب علي غباء صحبه: ابويا ياض
رعد بدهشة: هو ابوك رجع بالسرعة دي
مهاب بخنقة: تصدق انك عيل *** اقفل ياض .. ولما اجي الشركة مش عاوز اشوفك
مهاب مش انتظر الرد و قفل في وش رعد و رعد استغرب و انصدم
رعد بصدمة: هو ماله ده في ايه .. احسن ولا انا عاوز اشوفه ...
مهاب بتأفف: اوفف عيل غلس
_______________________________
في الكلية
حلا كانت ماشية و ماسكة كتابها و مش مركزة في الطريقة .. اتخبطت في حد و كانت هتقع بس مسكها من خصرها
حلا شهقت و بارتكاب: هااه ... اااا اسف اوي
الراجل سرح في عيونها البونية الي شبه الشكولاته و شعرها الاسود سواد الليل
حلا سرحت فيه برضو بعيونه الخضراء مثل الصقر الحاد و عضلاته و رجولته
الراجل فاق من سرحانه و بص لها بغضب
الراجل: مش تحسبي يا انسه
فاقت حلا بدهشة فكان من شوية هادئ و جميل و دلوقتي متل المجنون
حلا: قولت اسفه ولا انت الي سرحت
الراجل بغضب: سرحت في ايه يعني
حلا بخبث: معرفش .. الي عرفاه أن جمالي بيهبل الرجالة كلهم
الراجل بغضب: جمال ايه يا ماما و مين قال اني انهبلت بجمالك
حلا: لو مش اتهبلت يبقا مش ماسكني كده
الراجل افتكر أنه لسا مسكها سبها تلقائيا و وقعت علي الأرض
حلا بالم و غضب: اااه ظهري يا حيوان
الراجل وصل لمقامها وقال بصوت مرعب: مين الحيوان .. بت انتي انعدلي الي انا اوريكي مين الحيوان
ارتعبت حلا من هذا الرجل بصوته الي يرعب و مقامه الي يخوف .. بعدت عنه
حلا بخوف: انا الي حيوانه انا كنت لسه هكمل و هحط ال ه
الراجل: امم ماشي (وقام) احسن لك مش اشوفك تاني عشان لو شفتك ابقي اتخيلي هعمل فيكي ايه
حلا بسرها: كل ده علشان قولت له حيوان طب لو شتمته بقا كان عمل ايه
حلا قامت بسرعه و مشيت من قدامه
الراجل لف لقي حذيفة صحبه بص له بصدمة
الراجل: ايه بتبص لي كده ليه
حذيفة: ايه يا عصام دي لكل ده
عصام: هي شتمتني تستاهل بقا
حذيفة: دي قالت لك يا حيوان طب لو شتمتك بقا بجد كنت عملت ايه
عصام بغضب: كنت موتها بسناني
حذيفة: ينهار ابيض .. طب اروح انا سلامو عليكو
حذيفة مشي و ساب عصام
(استووب: حذيفة عنده 29م مخطوب لبنت معجب بيها و مدرس اللغه العربيه صديق عصام المقرب)
(عصام: عنده 29 م برضو من عيلة صعيدية سايب أهله في الصعيد و اشتغل في كلية الاسكندريه و معلم الفزياء الجديد وده لسه اول يوم ليه)
_______________________________
عند سمر
حلا راحت للفصل لقت سمر قاعدة و راحت لها
سمر : كنتي فين يا بنتي
حلا: ايه ده هو لسه الدرس مش بدأ طيب الحمد لله
سمر: طيب كنتي فين
حلا: كنت هنا
سمر: مش عاوزة تتكلمي خلاص براحتك
حلا: هحكيلك.....
سمر بضحك: ههههههه
حلا بغضب: بتضحكي علي ايه
سمر: عليكي . يا هبله
حلا: انا هبلة طيب مش تتكلميني
سمر: يا لولو بهزر معاكي
حلا: هه ماشي
خلص الدروس و سمر جت تروح لقت حد شدها و كتم نفسها بالمانديل و أغمي عليها ....
_______________________________
المغرب في بيت رهف
كانت رهف قاعدة و الضيوف بدأ يجو بس لسه اختها مش جت قلقت عليها اوي و في مخها اللف محور ..... و بعد مدة لقت تلفونها بي رن
رهف بلهفه: الو..ايوا....مالها سمر.... ايه !! .. طب مستشفي ايه ... طيب حاضر جاية
و بثواني راحت المستشفى تحت عيون مصدومة و مستغربة من الي عملته رهف بس مش عارفين السبب !!
_______________________________
البارت خلص اسفه على التاخير اسفه اوي بجد
انا هكتب البارتات باللغه العامية
كومنتات كتييير لحد بكرة
بحبكم ❤
#اميرة_الشربيني
#ميرا_نوفيل
أنت تقرأ
حكاية قلوب / بقلم أميرة الشربيني"ميرا نوفيل"
Romanceرجل كلجبل قلبه من الحجر ليس عنده مشاعر و لا احاسيس مثل الصلب لا يهتم لأحد غير نفسه و عقله يفعل اي شئ يريده و لا يحاسبه الناس فتاة بسيطة عاند الكثير من صغرها قلبها ابيض و طيب تحب الخير للناس و انها جميله للغاية .. فأن رائها حتي اعجب بها و وقع بحبها...
