مرحبا اعرفكم بنفسي اني بنين عمري 19 طالبه مرحله اولا (جان حلمي اصير اعلاميه او
مقدمه برامج واهلي سندوني او وكفو ويايه حته وصلت لهاي لمرحله والحمد لله)
مواصفاتي «عيوني سود مفتوحات رموشي طوال وعندي خدود لون بشرتي حنطيه لا بيضه ولاسمره وسط وجسمي حلو «» اني محجبه ولبسي طويل ومستور
اهلي «بابا حسن ضابط بالجيش
ماما « اسراء ربت بيت
اختي «نور مزوجه ابن عمي وعدها بنوته اسمها ملاك
رجوع للوراء قليلا!
جنه كاعدين بيت جدو اهل بابا وي بيت عمي الجبير عمي عنده ولد كبار بس اني بنيه لان
اختي نور مزوجه وطالعين من البيت بابا يخاف عليه ومرت عمي كلش مسمومه تحب
المشاكل بابا كال احسن شي اشوفلي بيت حلو وصدك طلعنا من بيت جدو
لبيتنا الجديد كلش حلو وجبير وبي حديقه كلش ارتاح من اكعد بيها ماما صارت عدها صديقات
واكثر شي وي الي بصفنا وصار بينهم طبه وطلعه »اسمها ام نورس « نورس الجبيره اصغر
مني بسنه والثانيه حوراء اصغر من نورس بس اوعه واحسن منها نورس عدها تكبر وحيل
مغروره والي تريده يصير لومهما يكون وامها مطيتها حريه حيل مااعرف يمكن لان يتيمه
ونسيت اكوللكم ابوهم شهيد وامهم مدرسه وهيه الي تصرف عليهن /الصراحه طول الفتره
الي مضت وياهم محبيت نورس تحب تمدح نفسها كله اني واني والمصيبه العضمى من تجي
يمي كله موبايلها بيدها ميوكع من ايدها مرات اخاف منها
»ارجعكم للواقع «
اليوم الجمعه -الساعه 10ونص
ماما / بنين كعدي كافي نوم
بنين/ ايي هسه حكعد
ماما / ولج كومي عاد
بنين / اووف ماما هيه جمعه شعدي كاعده من الصبح
ماما /ياصبح الساعه 12 هسه
بنين /هاا صدك والله كعدت اباوع للساعه بلعشره وربع اووف منج ماما ليش هيجي تسوي بيه مو بنتج اني
ماما / مو اله هيجي يله تكعدين انوب ابوج بلدوام اضوج لوحدي وبعدين الاحد حتبدين دوام لازم تتعودين يله حنزل الكاج ورايه لطولين
بنين / اوك شويه واجيج وره منزلت كمت رتبت غرفتي وسبحت ونزلت تريكنا سوه ونضفنا البيت انوب كعدنا اكولج يوم والله ضوجه خلي نروح للزوراء
ماما / والله ماادري اشوف ابوج اذا قبل حته اكول لم نورس نروح سوه
بنين / اذا عله بابا اكيد يوافق بنونته تريد تطلع ميرفض
ماما / هههه تعرفين الجواب محاجه اكولج
بنين / دكت ماما عله بابا وافق لان ابويه يجي عشره ايام اهنا وعشره بالدوام فااتعودنا نطلع وحدنا ماما عوفيها لم نورس نروح بس اني وياج
ماما / قابل حيمشون برجليج لو انتي الي تصرفين عليهم شضارج من جيتهم ويانه
بنين / اهووو ماروح هسه تجي ست نورس تتفيك براسي
ماما / انجبي لا تحجين عليها كلمن علي بروحه مالج علاقه بااحد عليج بروحج
بنين / اووف يله نتحمل المهم نطلع
ماما / اي ادري بيج تموتين ع طلعه
بنين / خابرت ماما ام نورس هم قبلت تمنيت متقبل اتفقنا انروح ب4 العصر صارت الساعه ب3ونص بدلت لبست بدي طويل ماروني وبنطلون اسود اني مااستغني عن المكياج بس احط خفيف سويت الحجاب لفه حلوه ومناضر سود وي الجنطه والحذاء اخذت الكامره مالتي
خلصنا طلعنه
ماما / حروح لم نورس
بنين / لا اطولين لان حاره كولش
ماما / امشي وياي
بنين / لا حبقه اهنا حته بسرعه تجين
ماما / اعرفج عنوديه ميفيد وياج الكلام
بنين / راحت امي ماطولت شويه وطلعن
ماما / يله بنونه امشي
بنين / سلمت ع ام نورس وع البنات اني وحوراء ميانه كلساعه اتذبلي حجايه
حوراء / اني اول مره اشوف كمر ماروني
بنين / ههه خجلتيني 😊
نورس / ماما نسيت اجيب المناضر مالتي
ام نورس / عرفتج حتنسيهن حطيتهم بالجنطه مالتج.
بنين / وصلنه للزوراء ومخليت لعبه تعتب عليه
ماما / بنات حروح للحمامات منو تروح ويايه
نورس / اني خاله
بنين / كعدنا ع مصطبه نطك صور وخاله بس تضحك علينه وره شويه اجوي شباب ثنين
سلمو عله ام نورس 😰 ......؟
الى هنا ينتهي البارت الاول »
»آلَكۣۗـۙآتۣۗـۙبۣۗـۙهۣۗہ نۣۗـۙسۣۗـۙمۣۗـۙآتۣۗـۙ آلَلَيۣۗہلَ ❤🌌
