اسفة حبايب على تاخير البارت لان كان عندي مشاغل و ممتفرغة بس يالله رجعتلكم انشالله تعجبكم القصة لا تنسون التصويت للقصة وية التعليق
اموت عليكم
"طيبة"
شفت علي طلع من المظيف فكلت انتظرة لحد ميجي حتة يجيبلي الكتاب لان بوكتها جان عندي امتحان ومكدرت ما اراجع طبعا هذا الحجي كلة الساعة بالوحدة بالليل فنتظرتة خمس دقايق عشرة ربع ساعة اشو هذا تأخر فدزيت اوس على علي ( طبعا اوس وانس ينامون يمي بس قمر تنام يم نور )
طيبة : سوسو حبيبي روح شوف ابوك وينة شو ما طلع من الغرفة
اوس : اي عمة رايح
طيبة: يمة فديت حبيب عمتة ...بستة بخدة
الحمد الله انس جان نايم لو كاعد هسة جان زعل والله شلون تبوسين اوس يريد بس هو ابوسة وتعال شراح يرضي بس الحمدلله جان نايم
راح اوس شاف ابو واجة
اوس :عمة بابا نايم
طيبة :ناااايم والولد عافة وحدة
اوس : اي طبعا ايعوفة وحدة ليش هوة يكدر ينام من غير ماما
طيبة :ههههه ببببببم في منتصف الجبهة يا بيبي
اوس : ههههه غير اني ما احجي
طيبة :دمشي روح يالله عيب اتكول هيج كلام على اهلك
اوس : ميحتاج اتكليلي اصلا اني رايح
طيبة : راح اوس للغرفة واني ضليت اظحك عليي صح اصغير بس اللسانة اطول منة
طيبة بنفسهة : ممعقولة الولد لهسة منايم شي اكيد هسة نام راح اروح اجيبة واجي ..بعدين صفنت شوية
لا شلون اجيبة اني تخبلت بالله طلع كاعد خلي اصيح لاوس هوة بجيب الكتاب ...رحت حتة اصيح الاوس انوب لكيتة نايم
طيبة : اووف هسة هذا شيكعدة بالله احسن شي اني اروح اجيبة واجي
رحت فتحت الباب اول مفتت لكيتة متغطي بالبطانية
طيبة :الحمد الله طلع نايم بعدني مماخذة الكتاب شفت ضوة مال المبايل صار علية شفتة كاعد يباوع علية مبين عليي التعجب عاقد حواجبة بس الي احرجني انو ملابس شي بس بالبجامة لا وفوكاها معضل واكف على افراشة بسرعة اخذت الكتاب وطلعت ركض للغرفة يمكن لو يذبحوني ميلكون قطرة دم بية كمت بالكوة اجرالنفس بس خفت ليروح يكول لعلي غير يموتني اذا يدري طالعة هيج كدام واحد غريب
"احمد"
ورة مجيت لبيت علي وضلينة نسولف اشوية وصبولنة السفرة ما شالله ممخلي شي ممسوي فورة ماكلنة وتعللنة وضحكنة وسولفنة كل واحد راح لبيتة فعلي ضل يتكلب طبعن اني وعلي اخوان مو بس اصدقاء
احمد : لك شبيك تضل تتكلب متنام وتسكت
علي : اكلك شي
احمد : كول
علي : لك ما اكدر اذا مو على جربايتي ما انام
احمد بمكر : وانت علمود جربايتك لو علمود شي ثاني علي :انجب لك استحي اشوية استحي
احمد : ههههههه روح عمي روح روح نام على جربايتك
علي: الف رحمة على والديك معروفك هذا ما انسالكيا طول عمري
احمد :هيجي ايسوي العشك
علي :اوووو اكثر من ما تتصور..يالله اني اترخص
احمد :هههه الله وياك ...ورة مراح علي ضليت باوع بالمبايل شوية وطفيتة وغطيت راسي بالبطانية سمعت واحد فتح الباب عبالي علي رجع اخذت المبايل شغلت الفلاش واتفاجئت من شفت بنية بس شنو من بنية الشعر واصل للخصر والزنود طالعة وفوك كل هذا لابسة برمودة صح مو بيضة بس حلوة ضليت متفاجى بالي ديصير كطعت افكاري من شفتهة اخذت الكتاب وركضت ضليت مصدوم اتذكرت علي من كال عازمك.على نجاح اختي بس اتوقعتهة صغيرة انتبهت على نفسي ملابس شي بس بالبجامة رحت اتغطيت بالبطانية ضليت افكر بيهة اتخيلته بحظني هسة ..احمد شنو هل افكار استغفرالله ربي اني شكاعد احجي هاي عرض صديقي و علي مو بس صديقي علي اخوي وهاي السوالف مو الي ....راسن نمت ما اريد افكر بشي بعد نمت كعدت خطية حطولي اني وعلي ريوك اتريكنة كملت كعدنة اشوية سولفنة وترخصت منة ورجعت للبيت
"طيبة"
ورة مجبت الكتاب راجعت واني مسيطر علي الخوف كلت اتوبة بعد اذا اطلع من الغرفة صح هوة حلو واي بنت تحلم بي واعرف انو اني الي رحت علييي مو رحت علي وانما رحت حتة اجيب الكتاب مرايحة على احد اني بس اني ما اعرف كرهتة اني عندي اذا يصير فد موقف صغير اكره الشخص او احبة فهاهية كرهتة هل انسان هذا بعد لو تنطبك السماة على الكاع ما احبة ما اعرف اذا هل شي راح يتغير بس اني ما اعتقد راح اغير هيج شي بداخلي
أنت تقرأ
احببته بعدما انجبرت عليه
Romanceبنت حلوة وعايشة حياة الطبيعية وية عائلتها ماكو شي جديد لحد ما يجي اليوم المشئوم الي تنجبر بي على الزواج فهل راح تحب زوجها أو راح تكرها ومتكدر تكمل حياتها ويا................ تابعوا القصة
