(طشتي💆🏻‍♀️💗)

رواية.... (طشتي💆🏻💗) الحلقة الاولى

وفي صباااح يوم جديد وشمس مشرقة 🌞 تأتي الهزايب من حيث لا تدري🌚

(ماما) اية نوضي يا بنت عندك جامعة يا تنبالة(كسولة😹) نوضي والله انكب عليك امية

( انا) صبيت ،،، توا في  في العالم ام اتنوض بنتها هكي  مفروض اتجي اتبوسيني وتقوليلي حبيبتي نوضي

( ماما) حبك برص ما اصلاً كان ما تقعدش في غيبوبة را انوضك هكي

( انا) 😹😹 حرام عليك يا ماما

( ماما) هيا صبي افطري ونوضي خوك  يلي انتو الاثنين تبو سنة بيش اتنوضو😒

( انا) حاضر 😹

خشيت للحمام  غسلت وجي ودرت معجون وطلعت . مشيت لدار مهاب وقفت ع باب الدار وندربك ونرقص
خويا يا خويا يا خويا 💃🏻😹 وهو كان واعي  صبه يرقص معايا

(مهاب) اختي يا اختي يا اختي😹

( انا) تعال افطر هيا 🙈 جت خشت ماما

(ماما) تعالو را نعزق الكريب 😌

( انا ومهاب) كريييب😻 وبدينا فيها جري  قعمزنا كلنا ع الطاولة

( انا) ماما وين بابا شفتش

( ماما) طلع بدري للكتيبة (طبعاً بابا عميد 😌😻)

( انا) ربي يعاونه  ،، حمدلله شبعت 

( مهاب) ماشية للجامعة

(انا) لا ماشية للكلية🌚 ،،، ليش نبي انوض من توا يعني

( مهاب) ههه دمك ثقيل 😒

( انا) ماحد طلب رايك😌

( مهاب) اسكتي ياقصيرة 😝

( انا) خزي بارد 

ومشيت لداري القيت حبي دازلي رسالة

(إياد) صباح الخير حبيبتي💗

دزيتلة

(انا) صباح النور حبي🙈   توا طالعة للجامعة انتلاقو غادي💕

غيرت دبشي ولبست بلوزة طويلة لونها بودري فاتح وفوقها جاكة جينز ووشاح بودري نفس لون البلوزة وكويشة بيضة وشنطة كتف بيضة وفيها ورد بودري  وحذيت مفتاح سيارتي ونزلت

(انا) ماما طالعة باي

( ماما) في امان ربي حبيبتي💙

طلعت لقيت ناس في الحوش يلي مقابلنا دوبهم محولين (كانت تسكن في وحده عزوز ماتت الشهر يلي فات💔) ركبت في سيارتي اتصلت بشهوده

(شهد) الو طيرتي🙃💕

(انا) صباحو حبي🙈💙 واتية انتي طلعت من البيت

(شهد) لا😹 قاعده نفطر

( انا) من جدك انتي عارفه والله نوصل عندك ما نلقاكش واتية نمشي ونسيبك 😒

(شهد) حي عليا بعدها عندك سوابق نمشي نلبس بسرعه😹💔

(انا) ايوه سلم الشاطرة😹
ربع ساعة ووصلت لشهد 

درتلها رنة طلعت تجري😹

(انا) والله طلعتي اتخافي😌

(شهد) صكري فمك مدرعنه كيف مكيجت 😭

( انا) كذا بحتي فيا،،،  نعليا طرف 😻

(شهد) 😌💙

(انا) را تصدقي روحك😹
 وصلنا للجامعة بحتت في تليفوني ألقيت الرسالة يلي بعتتها لإياد ما مشيتش
اول ما خشينا ونشوف إياد مقعمز مع وحده وماسك يدها 💔في اللحظة  عرفت إني وحده منخدعة لها اربع سنين  بالعيل هذا( طبعاً مش راجل ويخسارة ان اسمه راجل) مسكتني شهد قالتلي تعالي ماتعدليش تستاهلي واحد خير منه الحقير ونا كنت مزال مش مستوعبه شئ حتى بكاء مابكيت يلي انا ابسط حاجه اتبكيني عطتني شهد امية وصبيت قتلها مستحيل نسكت ونقعد نا الهبلة الضعيفة صبيت ونا ماسكة روحي بالقوة جيته وابتسامة صفره ع وجي🙂 اول ما شافني إياد ماعرفش شن إدير جاني يجري وقالي

(إياد) مش ع اساس مش جاية للجامعة😠

(انا) دخلكش انجي ولا منجش،،، وهو ساكت ولا كلمة عارف روحه حقير

(انا) اكيده كم مره متقابل مع وحده بعد انغيب ونا الغافلة الهبلة يلي كنت دايرتك راااجل 👌 تاريتك عيل ماتسوه حاجه  ليش ماقلت ليش ما قلت انك واحد سخيف وتافه اه ليش رد

(إياد)😳

(انا) شن بتقول اصلاً  تحسابني نزعل ولا نقعد دايرة الحولة ولا كأني شفت حاجه(دايرة روحي قوية قدامة😪)  يخساره حبيت واحد حقير زيك  ومشيت ..... وهو مزال مصدوم رديت اخره

(انا ) اسفة انسيت حاجة 👋 ضربته كف. لعند حسيت يدي تأكد انك مش رح تلقى وحده تحبك زي ونقولها لك في وجك مش انا يلي انتعوض بغيري😌 وهو مشاه ركب في سياره وطلع والبنت يلي معاه هربت طول

مشيت جتني شهوده تجري كنت خانقتني العبره خلاص نبي نبكي وعيوني تعبو دموع حظنتها وقَعَدت نبكي في بكاء اول مره نبكي هكي في حياتي كلها  ونا منبكش عليه هو نبكي ع روحي  و ع قلبي يلي صدقناه السنين هذين كلهن💔 كانت عندنا محاضرة مهمة بس نا مقدرتش انخش  سكنت لشهد اتخش عشان تشرحلي بعدها قعدت تشويه هكي ومشيت للكافيتيريا ونا ماشية ونبكي خبطت في واحد ع كتفة

(انا)..........

(هو)...........

يتبع💗...