#شهوه 11
منى:فرحتي لااااتوصف بي انس حبيبي اليوم
رانيا:شبحت لي انس
بشير:خير
منى:اخيرااا طلب مني نخطبله
رانيا:بدون شعور طاحت منها السفره وطاحو المعاين كلهههههمممم تكسروو وهيا عيونها في انس وكلهم مصدومين
اسيل:ناضت من ع السفره...رانيا خيرك؟
رانيا:تشوف فيهم كيف يشبحولها ومصدومين وبشير يقول نكسر الشر عادي عادي ...رانيا معش تسمع في شي وضببت قدامها لين طاحت
اسيل:مشتلها تجررررري....رانيااا رانيا تسمعي فيا
امل:تبكي وتحاول تنوضها
منى:ياااسمين جيبي ميه بسرعه
انس:مقدرش يقاوم ومشالها يجري يخبط ع وجها بشووويه وينوض فيها وقريب يمووت من خوفه عليها
معتصم:هاك صنه ديرها عليها
انس:خذي شوية صنه دارها في ايده وقعد ينوض فيها
رانيا:فتحت عيونها ببطئ وشافت قدامها انس
انس:انتي بخير؟
رانيا:ابتسمتله ودموع عيونها نزلو...اي تمام
انس:قعد يتباعد عليها شوي شوي وجت اسيل في مكانه
بشير:بعيد الشر عليك شكلك متاكليش به
اماني:تشبح من بعيد
اسيل:نوضي معاي شوي شوي لي الدار ارتاحي
رانيا:وقفت بشويه وامل واسيل ساندينها وركبوها
منى:ربي يستر وخلاص ع الاقل لين تتزوج بعدين معش دخلنا البنت امانه عندنا
بشير:لالا كله تمام ان شاء الله ولايهمك
انس:انا طالع متبي شي امي
منى:سلامتك وليدي دير بالك ع روحك
انس:تمام...وطلع
اسيل:مقعمزه جنب رانيا ع السرير...متقوليش خيرك؟
رانيا:قلة ماكله ممكن ونتعب في الشغل هلبا وزاد موترني موضوع الجواز
امل؛به نجيبلك شي تبي حاجه؟!
رانيا:لالا حبيبتي سلامتك بنرقد شوي
اسيل:به ارتاحي تعالي امل ننزلو هليها ترقد شوي
امل:به ..ونزلو
رانيا:ردلها عقلها واذكرت ان انس بيخطب وبدت تبككككي بي العبره وفي عز بكاها وصلها مسج من رمزي
رمزي📩:عروستي وتي روحك بنجي ناخذك عشان نختارو الدبله ودار النوم
رانيا:لوحت التالفون وبدت تبكي بشكل هستيري
انس:طلع من الحوش وقلبه قعد عند رانيا مكانش يعرف انه يحبها لدرجه هاذي💔في وقت قصير وبدون هلبا كلام بينهم خذت قلبه وعقله وكل شي فيه يتعذب ومش قادر ينساها بس للاسف دار غلط شبه مجتمعنا كلللله يدير فيه كلم امه تخطبله عشان ينسى رانيا
امل:خايفه عليها
اسيل:بي اذن الله مش صايرلها شي تو ترتاح وتنوض امورها تمام
امل:ان شاء الله ...حقا بنسألك
اسيل:شنو
امل:في شي بينك وبين معتصم؟!
اسيل:ااااععع تفو حشاني علاش؟!
امل:يضحكلك ويناشب فيك طول الوقت
اسيل:عارفتيه حقير وحشيشته البنات
امل:بس انا معمره كلمني
اسيل:يشوف فيك صغيرونه
امل:وحتا رانيا مكلمهاش قبل
اسيل:اففففف ياااا خلاص صكري عليا سيرته
امل؛سكتت
🔥روايات بنووتة الشيخ.اروى الطاهر المسلاتي🔥
طق طق طق
رانيا؛مسحت دموعها ...خشي
بشير:السلام عليكم
رانيا:نصدمت ان بشير راكب لافوق ع خاطرها ...اهلين عمي تفضل
بشير:كيف تحسي في روحك توا
رانيا:بخير الحمد الله
بشير:عارف انك يمكن مضايقه من الزواجه هادي ومكنتيش حاطتيها في بالك
رانيا:نزلت راسها
بشير:لاكن خلاص يابنتي امر الله وصار حتى انا حاولت ندخل ومقدرتش لاكن الولد شاريحك ورح يقيمك ع كفوف الراحه
رانيا:انا مفي شي عندي مهم في حياتي غير خواتي منبيشي يقطعني عليهم وخاصتا زيارة بوي
بشير:اكيد اكيد من حقك هاذا هوا كلمتي توا وقالي قريب يوصل
رانيا:شبحتله بي صدمه
بشير:يبي يرفعك تختاري معاه الذبله والاثاث زي اي زوز مخطوبين يعني
رانيا:خليه يأجلها انا تاعبه
بشير ؛يابنتي الراجل قريب يوصل ره وعيب نردوه بعدين كلها ساعة زمان وتروحي
رانيا:سكتت
بشير:هيا نوضي سلم بنتي
رانيا:تنهدت تمام
بشير:ابتسملها وطلع من الدار
رانيا:ناضت من مكانها لبست عبايه سوداء ووشاح اسود وساعه دهبيه وشنطة وكندره ع البيج مسحت دموعه عيونها ومدارتش ولا نقطة مكياج قعدت مقعمزه ع سريرها وسااااارحه لين وصلتها رساله من رمزي
رمزي:📩انا لوطه حبي انزلي
رانيا:تقززت من كلمة حبي ونزلت بسيييف مش طايقه روحي تمنيت قلبي يوقف وقتها
