سلام عليكم
( ۿۿﮧـ͡ـــ͡ــلاﮧو ♫😻❤ حبايب شـلٖو୭ٰٖنـٰكم 💛 ؟۽
حبايبي اريد دعم اكثر عامود اكمل باقية البارتات
ويله خلينا نبدي البارت
الام : يلا ماماتي تكعدين اتأخرتي ؏ الدوام
رهام:ممم هسه كعدت
الأم: يلا ماما الساعه 8 اتأخرتي
كامت رهام مفزوعه
رهام : ياي ماما اتأخرت😭😱
الأم: ههههه لا ماماتي الساعه7:30
رهام.. بتعب : لاماما صدك ليش هيج
الأم : يلا روحي بدلي وغسيل وجهج
رهام: اوك
رحت غسلت وجهي وبدلت الزي المدرسي ( رهام ابد متخب المكياج)
نزلت عامود اتريك وأروح للدوام
لكيت بابا وماما ( اخواني بالكلية) كاعدين دخلت المطبخ ....
رهام : صباح الخير للكل
الأب : صباح النور حبيبتي
الأم:صباح النور
رهام:خجلتوني😅
الام: ههههه
الأب : بنتي شلونج بالدراسه
رهام : تمام باباتي
الام: يله رهام لتتأخرين روحي للدوام
رهام : اوكي
رحت للدوام
عندي 3 صديقات كلش احبهم ضفاف وأطياف وفاطمة كلش احبهم
دخلنه للصف واحتي المدرسه اول درس رياضيات واني كلش احب درس الرياضيات وكلش قويه بالرياضيات المدرسه كلش اتحبني مو بس هيه
كل المدرسات
أخذنه درسين ودق الجرس رحنا اني والبنات
للساحه وضفاف وأطياف جديدات على المدرسه جايات نقل هاي السنه وحجتلي عن عائلتهم وهم جديدين على بغداد جانو بأربيل
وفاطمة صديقتي المقربة هم حبتهم وهم كلش حبوني اني وفاطمة
نتركهم هسه نروح للبطل
كعدت الساعه سبعه لان عندي قضيه وخلصت القضية بسرعه ورحت المدرسه مال اخواتي لان ميندلون ( صار شهر ببغداد) رحت بسيارتي ولكيت اخواتي واكفين ويه ثنين بنات وحده ضلت اتباوعلي( فاطمه ) واكلتني بعيونهه والثانية ولا شالت عينه (رهام) رحت يمهم وسلمت وهيه وحده ردت والثانية مجاوبت أخذت اخواتي وبالسيارة سألت
ذرغام: منو هذول البنات
ضفاف: هذول صديقاتنه كلش حبابات
اطياف : حبيتهم خصوصاً رهام
ذرغام : أي وحده رهام
ضفاف : ام عـيون رصاصي
اطياف: وليش تسأل
ذرغام: لاهيج بس حبيت اسأل
اطياف: ممممم ( بطريقه غير مقنعه)
وصلت للبيت ورحت لكيت امي بست رأسه
ودخلت لغرفتي وضليت افكر بالبنية ليش ماردت السلام ولا حجت كلت لهل درجه مغروره وهواي فكرت الى ان نمت ومحسيت
رهام: اجه اخو البنات وسلم بس اني مرديت لان اخويه انور كلش متشدد بهاي الشغلات واني ماحبيت احجي
وجنه نمشي بالطريق أني
وفاطمه خبصتني بالولد
فاطمه :شنو من شخصيه وسيارته جارجر
رهام: لج فاطمه كافي عاد خبصتيني
فاطمه:لح غير يجنن ماشفتي شكله شكد صاك
رهام : ولا اريد اعرف أصلاً سدي الموضوع خلص
فاطمه: اوكي
وصلت للبيت لكيت ماما بلمطبخ ومسويه اكلتي المفضله دولمه
سلمت على ماما وهي هم ومن هل حجي
رهام : يلا ماما راح انام ولحد يكعدني بليل ادرس
الام: ليش ماما مو مسويه الاكله الي تحبيه
رهام : لا ماما مومشتهيه
الام: اوكي بنتي
رهام: صعدت للغرفه وكلبت بالتلفون شوي ونمت
❣️ولهنا يكون خلص البارت شنو رأيكم اكمل وصوتو القصه عامود انزل البارت الثاني ❣️
