شقراء الصعيد

هنادي ف مصر

سافرت هنادي وراحت علي مصر بعد ما عرفت العنوان بتاع والدها ف الصعيد طبعا هنادي أول مره تنزل مصر عجبتها جدا واول ما دخلت علي الصعيد عجبتها الطبيعة والناس البسيطه ريحه الحطب والاطفال وهما بيلعبو طبعا الحاجات دي جديده عليها جدا لكن مبسوطه نزلت من العربية وراحت سألت علي العنوان ولان والدها معروف ومشهور كان الوصول لبيته سهل جدا
طبعا هي أول ما دخلت محدش عارفها لكن ولادها أول ما شافها عنيه دمعت هو مش عارف ليه بس كان حاسس أنو عارفها بس إزاي حاجه بتربطه بيها هو صحيح مش عارف الاحساس ده إيه لكن هو ساعتها مكنش مع الناس إللي حواليه كان سرحان ف الماضي ومش عارف ليه ف الوقت ده بالذات ماجده جت علي باله
رمزي :اهلا وسهلا يا بنتي آنتي مين وعاوزه مين

طبعا هو مش عارفها ولو حتي الشبة بينها وبين ماجدة كبير لكن كان مستحيل يتخيل إنها بنته
هي عارفاه من الصور إللي لقيتها ف الصندوق بتاع مامتها وإللي كان فيه كل ذكرياتها مع رمز
هنادي: أهلا وسهلا بحضرتك طبعا حضرتك متعرفنيش بس أنا عارفاك كويس جدا عامل إيه يا بابا
رمزي :بابا مين يا بنتي بصدمه آنتي هنادي
إن يتحمل رمزي الصدمه واغمي عليه
هشام :هاتو الدكتور بسرعه بابا اصحي مالك يا حبيبي
يصرخ هشام علي هنادي آنتي مين وايه إللي قولتيوله خلي حالته كده
رمزي بصوت ضعيف:تعالي يا حبيبه ابوكي أنا كنت عارف إنك جايه عرفتك أول ما دخلتي بس كنت بكدب نفسي
بصوت ضعيف قالها وحشتيني آوي يا ماجده يااااه مكنتش متخيل إن إليوم إللي حشوفك فيه حيجي أصلا تعالي
نزلت هنادي لمستوي الارض وحط أيده علي ملامح وشها إللي كانت بتشبه ماجده بشكل كبير
فضل يبكي لحد ما قطع هشام الصمت الغريب إللي كان مسيطر علي المكان
حد يفهمني إيه إللي بيحصل أنا مش فاهم حاجه خالص
رمزي :تعالي يا هشام إنت عارف الاوضه إللي أنا مانع أي حد يدخلها إلا علشان التنضيف بس
هشام:آه عارفها
رمزي:بتاعة حب عمري ماجده ام هنادي
هشام بصدمه:حضرتك كنت متجوز علي ماما
رمزي بضحك:لا يا حبيبي ماجده مراتي قبل مامتك
هشام :لا بالراحه كده وآحده وآحده وفهمني أحسن أنا مش فاهم حاجه خالص
رمزي حكاله كل حاجه من أول قصه حبهم لحد ما هربت وسابت البيت
هشام :طيب نتأكد إزاي إنها أختي
رمزي :أنا متأكد إنها بنتي
هنادي:أنا ساكته من بدري حضرتك  متعرفش كل حاجه عاندك أجزاء عند أمي بس
من الواضح إن ماما كانت عامله حساب اليوم ده وكانت كاتبه اجنده فيها كل حاجه حصلت من أول ماسابت البيت لحد ما أنا كبرت وسابت لحضرتك جواب ولة عاوز لسه تتأكد أنا ممكن أعمل تحليل DNA علشان تتأكد آكتر
هشام :أنا كنت حقول كده برضه مش أي حد من الشارع معدي يقول أنا بنتكم نروح إحنا صدقينه
هنادي:طبعا عاندك حق بس أحب اصحح لك معلومه انا مش من الشارع أنا اغني منك أنا مش جايه عاوزه منكم أي حاجه أنا مكنتش  عارفه بوجودكم أصلا الامن أسبوع ولولا وصيه ماما مكنتش جيب اصلا
رمزي:وصيه مين ماجدة فين اوعي تقوليها
هنادي:والدموع ف عنيها آه ماما ماتت من أسبوع كانت عيانة جدا والدكاتره معرفوش يعملو أي حاجه سفرانها أحسن البلاد للعلاج مكنش في أمل لأن ماما كانت رافضه الحياه
هنادي أدت الأجنده والرساله ل رمزي وقبل ما تخرج قال لهشام يوديها للاوضه بتاعة مامتها وقال هنادي الوحيدة إللي من حقها تدخل الاوضه دي
دخلت هنادي الاوضه وكانت زي ما مامتها وصفتهالها بالظبط ارتاحت أول ما دخلتها كانت شامه ريحه مامتها ف كل حتة ف الاوضه
عند رمزي :فتح الأجنده وقعد يقرأ فيها لحد ما  خلصها وعرف إللي بنت عمه عملته والكلام إللي سمعته ماجده إللي مكنش يعرف بيه أصلا ومحاوله اجهاضها هنا فهم ليه ماجدة خبت عليه حملها فضل باصص للاجنده ودموعه نازله عليها وإللي علي لسانه سامحيني يا اغلي الناس سامحيني يا اغلي الناس أنا أسف أنا قصرت ف حقك
فتح رمزي الجواب إللي كان فيه ريحتها وقعد يقرا فيه

الرساله...
حبيبي رمزي  اسمحلي اقولك حبيبي  أنا عارفه إن الكلمة دي مش من حقي لأنك بقيت ملك واحدة تانيه انا مش عارفه آنت طلقتني ولا لا وميهمنيش أعرف لأني حرمت علي نفسي الجواز والحب لأنك إنت حبي وعشقي الوحيد
أنا بعدت عنك ف لحظه غضب وحزن والم اعترف إني غلط لكن لما راجعت نفسي عرفت إنك ملكش ذنب وبنت عمك الشيطانه هي إللي وقعت بيني وبينك لكن هنادي أول ما اتولدت كانت تعبانه ولما خفت وبقت كويسه ماما ماتت كنت راجعه مصر لكن عرفت إنك استغنيت عني واتجوزت الصراحه زعلت جدا لما عرفت لكن لما هديت عرفت إن ده من حقك
علي الرغم إن جالي ناس كتير ومناصب عالية إلا إني رفضتهم كلهم لأني مش شايف راجل غيرك
هنادي أمانه عاندك دي حتي منك أنت أديتهالي هديه علشان تفضل معايا رغم بعدي عنك ممكن تكون هي سبب لتهوين عذابي ف بعدي عنك
أنا سميتها هنادي زي ما كنا متفقين علشان تعرف إني مش ناسيه
(ولا بنساك ولا ثانيه وكل دقيقه والتانيه بفكر فيك وأنا وياك حبيبي إنت إللي بالدنيا تفوت أيام وبتعدي وحبك ليا مش ادي بحبك حب مش موجود مالوش وصف وكلام عاند)
لما توصلك الرساله دي حكون مش موجوده حكون خلاص بعدت بس سيبتلك حته منك خلي بالك منها دي حبي ليك

حبيبتك المخلصه للابد ماجدة
بحبك

يا تري إيه إللي حيحصل بعد كده و هنادي حتعمل إيه وإيه المفاجأه إللي مستنياها ويا تري هنادي عارفه حتتصرف أزلي ف المفاجأت إللي جايه يا ريت أعرف توقعاتكم وأنا اقبل ارائكم ويا رب تكون الحلقه عجبتكم وتابعو الحلقات للنهايه إن شاء الله حتعجبكم