حكمت محكمة الحب

البارت ٣٧

مراحب حبات قلبي

😥 مؤلم هذا البارت

٣٠٠٠ كلمه قراءه ممتعه

#حكمت_محكمة_الحب

بقلم #الزينبيه

البارت #٣٧

وفجأه علت الاصوات وصياح وصريخ

انتفض سلطان وكال شكو ياستار

ركض ينزل الدرج كل بايتين سوه

واني ورا

من البدايه جنت حاسه هذا اليوم يوجع هذا اليوم مؤذي حاسه بي ضلام خفي حزن يتختل بااركان البيت

حاسه فرحتنه ماتكمل وبالذلت اني مامقسوملي افرح واشتم هوه شبابي مثل باقي الناس

وصرت ما ايقن ان اكو فرح بحياتي

بعد ماشفت هذا المنضر منضر بنتي قطعت كبدي والنار شاعله بيها شعل

مو بس هي ما انتهت مشكلتي ومصيبتي لهنا لا ياريتها بنتي وبس

ماما حبيبه امي الي ماعندي ام غيرها احلى وافضل وارقى ام اشوفها والنار تاكل طولها اكل

وهي تفتر بالبيت وبيدها رقيه وتصرخ والله جانت تكول لكوها الرقيه لحكوها

والله بهذاك وضعها وماهمها نفسها اهم شي عدها رقيه

والرياجيل اقاربهم كلهم دخلو للبيت يردون يطفوها مايكدرون لان وجع الحرك خلاها تركض بكل البيت

صرخت بصوت عالييي واركض وره ماما حبيبه اريد احاول اطفيهن اطفي بنتي الترفه واطفي كلمه ماما قبل لا انحرم منها

ركض سلطان وهو يصيح حبيبه جاب بطانيه من غرفت الحجيه وصار مكابل الحبيبه ولفها بالبطانيه وهو يصرخ ركضووو جيبولي سياااررره

وصاح ابن خالته سيارتي بالباب وشالها وبنتي بحضنها

صررخت يماااا رقيه متتي اكيييد لحمج ترف انوكل بسع والنار ماترحم

لبست عبايه مال وحده من النسوان الكبار ورحت وراهم حاولو يمنعوني

بس الله ذب عليه شراسه وحركت كلب منو يصير كبالي ادفعه

صعدت واني اصرخ وابجي

وعاط بيه سلطان وهووو يصييح نزززللللي

-ما انزل والله ماانزل ولج يمه حبيبه بنتي ماتت وانتي بسلا تعوفيني

-سكتتتي لاتحجييين ششششي سسسسكتي

جان يصيح من توتره وشدت الموقف بي

وصلوا للمستشفه واني يادمعه مانشفت

وركضو بيهم وسلطان حاله ماتقل عن حالتي ويفتر واني بالكاع كاعده والطم على وجهي

شوي وطلعت السستر من الغرفه مطلعه بيدها شي اصغير اسود امفحم ملفوف بقطعه

وكفت عن البجي بسرعه فتحت عيوني وحلكي كمت وكفت كبال السستر وكلت اي هاي بدلت رقيه ضال منها شوي مامحترك هاي بدلتها ام الكركش الي لبستها وطلعت اتجنن بيها وي بياض جسمها صارت اتخبل اي بدلته مال عرس عمها الي اشتريناها الها بسسس ليش بياض جسمج يايمه صاير اسود بلون اليل وين شعرج الحلو الاسود وعيونج الكبار المدوره وينهن خدودج الترفات وشفايفج الورديه اشو كلشي ما جاي اششوف

ايييي رقيووووه يمه ليييشششش ولج ليشششش راح جمالج وينه واخذتها من ايد السستر واني ابوس بيها واصرخ وييين راح صوتج ومناغاج يمه ريحتج الطيبه ماكو اشو ريحة حرك بيج

اجه سلطان يريد يكمشني ركضت بالمستشفى وضامتها بكلبي واصييح عووفوني اقبل والله اقبل بيها هيج بس لاتاخذوها كلش مني

ولكم كبرت وحلت بعيني كبرت وسمعت صوتها تناغي وتصرخ وتضحك

كمشني سلطان وهو يعصر على فجه ويبلع الغصه وعيونه حمر وتنزل الدمعه من عينه رغم هو مايريدها اتطيح حتى لايزيد وجعي وحتى يقويني بس الي خسره اغلى من الدموع

خسر زينة دنياه خسر كلمه بابا الي جان متانيها شوكت تكبر ويسمعها من حلكها الحلو

اجت الممرضى واخذتها من عندي بالكوه شلعوها والناس كلها تبجي على حالتي